oleh : Oesman Ratmadja
Coba siape nyang kagak jiper (takut) kalo pas lagi jalan, ngedenger suara panggilan menggelegar, kayak gini :
" Heii,,, ayam sayur, cepet lo semua pada kesini"
Selaen manggilnye nyentak, yang manggil juga sang jawara. Die lagi asyik berdiri di pintu masuk sebuah warung makan, sembari bekacak pinggang.
" Gue suruh cepet, langkah lo jangan pade pletat pletot kayak penganten sunat dong !" Sang Jawara kembali bekicau dengan suara menggelegar.
Gak heran kalo Entong, Mail sama Juprai, makin keder. Mereka kepaksa mempercepat langkah, dan menduga duga, jangan jangan Mat Kriwil mau malak buat bayar makan di warung.
" A...a..ada ape, bang?" Tanya Entong nyang badan ples suaranye gemeter
" I..iyee bang.... kite kan mau cepet cepet ke lapangan mau main bola" sambung Mail nyang juga gagap gigip gugup
" Lu mau pada maen bola," sentak Mat Kriwil sambil melintir kumisnye yang baplang
" Denger yee.. PSSI aje pengurusnye pade doyan berantem. Timnas kite nggak pernah jadi juara Asia apelagi juara dunia. Ngapain lu malah nekad pada main bola ?"
" Ta.. tapi bang.Kite udeh janji sama yang laen," Juprai berusaha menjelaskan.
" Kagak bisa... sekarang juga lu mesti pade makan sampe kenyang. Sekelarnya makan, lo ikut gue ke ATM " Sentak Mat Kriwil
" Ngapain kite diajak ke ATM, bang?" Tanya mereka serempak
" Eh.. lu denger, yee. hari ini gue mau bagi bagi rezki, Jadi, cepet deh lo makan sebab gue mau bagi lo saling cepe ceng. Kalo nolak, gue gibek lo?"Sentak Mat Kriwil sambil nyentak pemilik warung supaye cepet cepet nyiapin makanan buat Entong cs.
"Gue kire kite mau diapain, gak taunye diajak makan sama dikasih duit cepe ceng. Mau bagi rezeki kok bikin orang takut duluan, sih?" Bisik Juprai, yang setelah kaget kini berwajah ceria
Coba siape nyang kagak jiper (takut) kalo pas lagi jalan, ngedenger suara panggilan menggelegar, kayak gini :
" Heii,,, ayam sayur, cepet lo semua pada kesini"
Selaen manggilnye nyentak, yang manggil juga sang jawara. Die lagi asyik berdiri di pintu masuk sebuah warung makan, sembari bekacak pinggang.
" Gue suruh cepet, langkah lo jangan pade pletat pletot kayak penganten sunat dong !" Sang Jawara kembali bekicau dengan suara menggelegar.
Gak heran kalo Entong, Mail sama Juprai, makin keder. Mereka kepaksa mempercepat langkah, dan menduga duga, jangan jangan Mat Kriwil mau malak buat bayar makan di warung.
" A...a..ada ape, bang?" Tanya Entong nyang badan ples suaranye gemeter
" I..iyee bang.... kite kan mau cepet cepet ke lapangan mau main bola" sambung Mail nyang juga gagap gigip gugup
" Lu mau pada maen bola," sentak Mat Kriwil sambil melintir kumisnye yang baplang
" Denger yee.. PSSI aje pengurusnye pade doyan berantem. Timnas kite nggak pernah jadi juara Asia apelagi juara dunia. Ngapain lu malah nekad pada main bola ?"
" Ta.. tapi bang.Kite udeh janji sama yang laen," Juprai berusaha menjelaskan.
" Kagak bisa... sekarang juga lu mesti pade makan sampe kenyang. Sekelarnya makan, lo ikut gue ke ATM " Sentak Mat Kriwil
" Ngapain kite diajak ke ATM, bang?" Tanya mereka serempak
" Eh.. lu denger, yee. hari ini gue mau bagi bagi rezki, Jadi, cepet deh lo makan sebab gue mau bagi lo saling cepe ceng. Kalo nolak, gue gibek lo?"Sentak Mat Kriwil sambil nyentak pemilik warung supaye cepet cepet nyiapin makanan buat Entong cs.
"Gue kire kite mau diapain, gak taunye diajak makan sama dikasih duit cepe ceng. Mau bagi rezeki kok bikin orang takut duluan, sih?" Bisik Juprai, yang setelah kaget kini berwajah ceria
0 Response to "GAYA SANG JAWARA"
Posting Komentar