KENAPE MAT GIBEK GAK DITANGKEP?

oleh : Oesman Ratmadja

        WARGA kampung heran. Bingung. Pokoknye diliputin tanda tanya

     Lantaran tetep bingung meski udeh urun  rembuk, mereka kepaksa ke rumah pak RW. Minta penjelasan. Minta Petunjuk. Minta dan minta pengetahuan kenapa janda janda tua apelagi yang tua - yang ada di kampung mereka nggak dipanggil atau kagak diperiksa oleh KPK. 

        Padahal, mereka juga selalu dan sama sama dapat hadiah.

        Malah, Nenek Desi, Nenek Olivia sama Nenek Sinjem, pernah dibelikan angkot dan rumahnya di renovasi dan sejak itu hidupnya langsung bisa mandiri

Nyang lain, meski tidak dibelikan angkot tapi juga sama, telah menerima aliran dana dari Mat Gibek

        Nah, kenapa giliran Ahmad Fathanah ditangkap dan gadis gadis cantik nyang terima hadiah berupa mobil dan barang mewah, juga dipanggil menjadi saksi, kok yang dapat aliran dana dari Mat Gibek kagak dicolek colek dan Mat Gibek sendiri, sama sekali kagak dilirik oleh KPK

        " Kalau begitu, lalu dimana letaknya keadilan, Pak RW?" Ucap Bang Bodong, nyang sejak dateng ke rumah pak RW selalu saja ngupil

        "Iya, pak RW. Bapak, kan aparat. Jadi, tolong laporkan ke KPK soal Mat Gibek yang di kampung kita juga sering kasih kasih hadiah tapi kenapa gak pernah ditangkep. Malah, ngasih hadiahnya lebih sering dari orang PKS itu,pak"

         Sebenernye, kalau kagak malu, kepengeeeeeen banget, Pak RW mencet bisul di ketiaknya. Tapi, takut belon mateng dan pasti mokal berat kalo sampe nangis, akhirnya, pak RW yang gelar dan namanya :  H. Drs. Ir. JAMBRONG SE,  cuma mampu nyubit wakilnya yang duduk di sebelah pak Jambrong

            Busyet... si wakil RW bukan cuma kaget. Tapi juga mengira ada gempa. Wakil RW yang spontan kaget karena cubitan pak RW sakitnye tujuh turunan, tereak kenceng.

               "Wadddooooooooowww... dasar RW gile banget, lu. Apa apaan lu kok ngadepin warga nyang lapor bukan ngejawab malah gue nyang dicubit?"

                 "Gue tuh pusing, Beduuuuuul" Pak RW spontan ngejawab, die kagak malu sama warga nyang tentu aje pada heran ngeliat kelakuan pemimpinnye

                 "Eeei Jambrong, gue juga pusing. Sebab, warga kayak kagak tau kalo si Ahmad Fathanah sama Mat Gibek bedanye antara langit sama bumi. Kalo Mat Gibek, dari muda udeh hobi bagi bagi hadiah dan dilaksanain tanpa pamrih. Lagian nyang dibagi tuh orang orang miskin, jande jompo, anak yatim dan sampai saat ini, kagak ada satu pun nyang dinikah apelagi bermasalah.

                  Sedang si Ahmad Fathanah ngebagiin khusus ke artis cantik nyang pastinye bepamrih. Buktinye, selain ngebaginye di hotel, barang mewah nyang dikasih juga punya daya pengiket. Yaa.. apelagi kalau nggak ehem ehem ehem.

Nah, asal usul duitnye juga beda. Mat Gibek dari dulu bapaknye udeh kaya. Sawah babenya aje behektar hektar. Jadi, gak bakalan ngerugiin keuangan negare, semisal tiap dia jual tanah, infaqnye dikeluarin buat warge miskin.

                     Nah, belon lagi dari sawahnye. Tiap panen,dari sawah warisannye aje Mat Gibek ngeluarin pendapetan buat dibagiin. Belon lagi hasil dari rumah kontrakan. Jadi, semua nyang dibeliin buat hadiah berasal dari hasil yang halal.

                    Kalo duit si Ahmad Fathanah, latar belakangnye kagak halal. Buat ngedapetin tuh duit, die kudu jadi gembala sapi dulu. Nah, waktu ngegembala entu, die embat tuh sapi sapi buat dijual. Tapi, nyang dijual bukan sapinye langsung. Tapi, dokumennye. Jadi, ditangkep KPK lantaran korupsi.

                      Pak RW dah ngerti apa belon?" Teriak  Beduull yang kayaknya masih jengkel dan kesakitan, lantaran die terus ngelus ngelus kulit tangannya yang tadi di cubit pak RW

                      Jambrong baru mau ngejawab, eh, semua warga nyang semula kaget , serempak besuara.

                       " Oooooooo..... pantes Mat Gibek kagak ditangkep kpk?"

                       "Nah... kalo udeh tau, ngapain masih di rumah saya. Habis habisin kopi saja," pak RW yang tidak ngerti kalau Bedul tidak menjelaskan secara spontan, setelah ngusir langsung minta maaf sama wakilnya sekalian nyubit ulang.

                     "Wadoooooooooooooooooooow.... Kenape gue dicubit lagi"
                     "Lhaaaa... gue kan hobi nyubit tapi marah kalo lu berani nyubit," sahut pak RW dengan kalem 

Tweet