CERBER (48)

EMPAT PULUH DELAPAN

NINA BELER langsung aje ngebayangin nyang asyik-asyik. Pokoknye, sumber nyang bikin dirinye hepi. Nah gimane nggak bakalan hepi, kalo Nurdin cau ke luar kota, die leluasa jalan ke mane aje. Leluase nyari gebetan. Nyang penting, bisa balik maning ke tempat die biasa nongkrong bersama para penyanyi nyang hobinye, sama sama muasin kemauan. Jadi, selama nggak ada Nurdin, Nina Beler kepengen banget balik lagi jadi Nina Beler nyang sebeler belernye. Nina Beler yang sesungguhnye. Bukan nyang sekarang atawa nyang kemaren baik banget di depan mertoku nyang udeh kakek kakek.

"Di depan bang Nurdin, gue emang bisa baik setengah kelenger. Tapi kalo di belakangnye, woooow... Gue tuh Nina, tauuuu," begitu kate hati kecilnye. 

Kagak heran kalo Nina langsung susun rencana. Nanti, begitu lakinye balik dari lokasi syuting, die tagih supaya langsung berengkat ke Hawai. Nikmatin bulan madu perkawinan. Pasti asyik. Jelas nyang bakal dinikmatin cuman seneng sampe teklok. Soal nasib mertoku, biar aje dia mau ape. Toh sudah bau tanah. Nggak usah dijorogin ke laut juga bentaran lagi juga sampai ke akhir hayatnye.

Jadi, nikmatinnye, cuman bareng Nurdin. Bokapnye nggak usah diajak. Soalnye, kong Lihun bukan sosok mertue nyang bikin hepi. Tapi, ngeselin mantu. Malah, Nina Beler berani dan rela kok bilang kenceng kenceng - kalau perlu pake mic, kalo kong Lihun adalah mertoku nyang paling nyebelin. Udeh tua, mau hepi dan enjoi di hari tua, bukannye ngurus diri sendiri malah cuman nyusahin mantu. Ngerepotin mantu. 

             “Enak aje. Gini gini, gue tuh artis. tau Emang popularitas gue cuman di seantero  kampung ke kampung. Tapi, nyang namanye artis tetep aje gue selebriti. Bukan pembokat !”

(9)

 KONG Lihun kagak sebates ngerasa pagi jelang berangkatnye Nurdin ke lokasi syuting di daerah Lombok, begitu indah. Tapi, sekali gus ngeliat kenyataan, suasana pagi ari nyang  angin lembutnye bedesir nyejukin ati. Terlebih,  di terangnye cuace, mentari baru aje nyembu ratin sinar kuning nyang kilau kemilau di ufuk sane. Duh indahnye. Hmmm assoinye.

Ciuman tangan, peluk mesra Nurdin nyang pamit mau berangkat, nentremin jiwa Kong Li hun. Emang berat waktu lagi-lagi ngelepas anak semate wayangnye pegi jauh. Cuman, kong Lihun kudu rela. Wajib ikhlasin Nurdin ngelaksanain tugasnye, sebagai orang film nyang statusnye udeh ningkat jadi sutradara

Ciuman tangan Nina Beler nyang sambil ngelepas senyuman, dan sun mesra sang menan tu nyang keliatan konkrit ikhlas, juga dinikma tin engkong Lihun sembari atinye bersyukur.

Die kagak ikut nganter ke Bandara, nyang menurut kong Lihun jauh. Cuman, senengnye bukan maen. Sebab, Nurdin nyang udeh nikah, ada nyang nganterin die ke bandara.

Nina nyang baru aje nyium tangan, seudeh pamit mau anter laki ke bandara, buru-buru ngedorong tas lakinye, ke taksi nyang semalem di pesan, di paginye udeh nyampe di depan ru mah.

Kong Lihun ngelepas Nurdin nyang baru aje ngejauh dibawa taksi warna biru berlam bang burung kakak tua menclok di jendela, nyang meluncur ke bandara Soekarno Hatta, di kawasan Cengkareng.

“Menantu engkong nyang asyik punya, ngikut syuting ape cuman nganter lakinye ke bandara?” Tetangga nyang baru pulang seabis ngeborong nasi uduk buat sarapan pagi sekelu arge, negor kong Lihun nyang belon sempet masuk ke dalem rumah

“Kalo die ikut ke lokasi syuting, buat ape si Nurdin kawin? Die, tuh,  cuman nganter ke bandara doang. Yaa, namanye penganten barunye masih kerasa. Jadi, gue ijinin, deh nganter sampe ke bandara “

“Kayaknye, menantu engkong sayang benget sama si Nurdin?”

“Yee, bukan cuman sayang sama anak gue, coi. Sama mertua,die juga sayang. Buktinye, gue udeh kagak nyuci lagi. Kagak strika lagi. Kagak ngegosok kamar mandi lagi. Semua kerjaan nyang biasa gue kerjain  kalo si Nurdin kagak di rumah,  udeh langsung diambil alih sama si Nina “

Bersambung……

Tweet