BUKAN Mantu IDAMAN
Oleh: Oesman Ratmadja
EMPAT PULUH TUJUH
“Babe mau naek perahu,” Nina Beler nggak sekedar nawarin kong Lihun naek perahu tapi juga siap nemenin mertokunye supaye manfaatin peluang ngejajal belayar ke tengah laut pake perahu.
Cuman, kong Lihun terus terang nolak ajakan sang mantu. Sebab. dia takut baok alias ngeri mabok
“Maunye, sih,mau. Cuman, daripada gue
mabok laut, atawa perahunye tebalik disambet tsunami, mendingan gue maen aer di
sini aje,ah”
Nurdin langsung ngasih semangat supaya babenye ngejajal nikmatin suasana laut dengan berperahu
“ Be jangan takut mabok be? Kan , ada Udin nyang siap
ngejagain babe”
Kong Lihun malah kayak sok ngambek
“Pale lu bau gas beracun lapindo. Dari
tadi, nyang ngedampingin gue, bukan lu. Tapi, mantu gue. Jadi, mane mungkin gue
percaye lu bakalan ngejagain gue.”
Nina tersenyum. Senyumnya begitu indah.
Tapi, sebenernye, keindahan senyum Nina cuman di luar doang. Di dalem atinye, Nina Beler, sebel buanget. Bukan sama Nurdin, tapi sebel sama mertuenye. Soaknye, Nina kepingin tinggal misah dari mertoku, eeee malah diwajibin tinggal di rumah Kong Lihun, mertuanye. Dia jadi sebel lantaran ngerasa kayak punya dua orang suami
Padahal, lakinye cuman Nurdin. Lihun cu
man sebates mertua doang. Tapi, amanah lakinye, mesti mau die terima. Cuman, bae
Nurdin maupun kong Lihun, sama sekali kagak tau. Kebaikan dan perhatian Nina
ke sang mertua, cuman basa basi. Pura-pura doangan
Nina mau ngerjain ini ples itu,
lantaran di depan lakinye aje. Di depan Nurdin,
die emang mesti ngebuktiin bisa jadi menantu nyang bae Menantu nyang
full perhatian. Menantu nyang seolah-olah, gak cuman siap nikah sama Nurdin
Tapi, juga “nikah” same mertuanye.
“Besok, kalo bang Nurdin kagak di rumah, kagak bakalan gue mau dibudakin lagi,” Nina nyang fisiknya gelar senyum, nyang
megangin kong Lihun, nyang setelah ngegulung celananye, masukkan kakinye ke
air laut, ngancem di dalem ati.
Kong Lihun, nyang kagak tau kalo di
ati Nina ada udang di penggorengan, cuman ngerasain hepi nyang konkrit.
Kebahagiaan nyang selame ini belon pernah dinikmatin kong Lihun, sebelon punye
mantu nyang namenye Nina Be ler. Menurut engkong Lihun, Nina Beler, termasuk
mantu nyang emang dimauin.
Menantu nyang sekaligus bini Nurdin. Die
betah di rumah. Pinter masak, bisa ngerawat rumah, sayang ples hormat sama
lakinye nyang bernama Nurdin bin Lihun, juga perhatian sama mertuanya, Lihun
bin Madroi.
“Nina…Nina…gue kagak sangka, kalo lu
bisa jadi menantu ideal,” kata kong Lihun da lem ati, pas rekreasi ke Taman
Kenyataan Jaya Ambrol udehan, sekeluarge udeh siap cau, ninggalin Taman
Kenyataan Jangan Ambrol
“Lihun…Lihun…awas, lu, yee, kalo bang
Nurdin udeh berangkat ke luar kota ?”
Ancem Nina, dari lubuk hatinye.
“Oh iye, be..besok pagi, kan Udin berangkat.
Selama dua minggu di lokasi syuting. Tolong jangan galakin Nina, yaa be ?”
Pinta Nurdin, sambil ngegerak-gerakin tangan kanannye nyang ngendaliin stir,
sementare tangan kirinye, ngeremes-remes jari jemari Nina Beler, nyang
nyenderin kepale di jok mobil
” Lu kagak perlu kuatir. Kagak
mungkin gue bisa galak sama mantu gue nyang baru ba reng serumah, udeh bisa
bikin gue hepi,” sahut kong Lihun
“ Lu, Nin..tolong urus, juga rawat
babe abang, ye sayang ?’
“Insya Allah, bang. Amanah abang mu dah
mudahan bisa Nina laksanain,” sahutan in dah dari bibir Nina, memang kedengeran
merdu di kuping Nurdin. Juga di kuping kong Lihun.
Tapi, sahutan nyang ke luar dari
lubuk ati Nina, bener-bener sangat beda.
“ Kalo abang sayang kagak ada di
ru mah,ngapain gue mesti ngejaga sama ngerawat babe? Gue juga, kan , mau bebas. Mau
nikmatin idup.Lagian,emangnye gue kawin sama babe? “
Bersambung……..
0 Response to "CERBER (47)"
Posting Komentar