CERBER (59)

BUKAN Mantu IDAMAN

Oleh : Oesman Ratmadja

LIMA PULUH SEMBILAN

        “Niat gue tuh mau ngebersihin bak mand. Syet, dah…gue kagak nyangka, kalo aer nyang disedot pake pompa merk Sonya, mesti sering dikuras. Baru gue mau kerjain, eeh, perut gue udeh langsung ngedangdut. Kepaksa, gue lari ke si Panjul”

       “Lhaaah, pan engkong belon lama promosiin, kalo mantu engkong rajin masak. Masakannye, engkong bilang enak. ”

        Panjul nyang semula cuman mau ngedengerin, rupanye kagak tahan kalo cuman mingkem doangan. Buktinye, mulutnye langsung ngejeblak. Emang sih kayak kagak nyadar. Soalnye, Panjul  langsung nyeletuk. Untung, bang Somad melo totin. Semisal bang Somad ngediemin, nyang namanye Panjul pasti nyerocos terus Kalo sampe terjadi, kong Lihun, pasti bakal mangkin gelagapan.

        “Inget aje, lu, kalo gue promosiin mantu gue. Die tuh emang pinter bikin masakan enak, Jul. Cuman, ni ari, kan die punya masalah. Jadi balik dulu ke rumah orangtuanye. Nanyain soal babenye.Gue juga kagak punya stock mi instant

Jadi, yaa, mesti maklum kalo sempet laper. Ta pi, kan deket ke warung lu. Mau ke warung pa dang, kagak mungkin, dong, kalo pakean  gue kayak gini. Iye, nggak, Somad ?”

        “Yaa, iyalah. Masa’ sih, iye Jul. Panjul.. Panjul..laen kali, ngeliat orangtue lagi diskusi, lu, jangan suka kepengen nyeletuk, ngape? Un tung bang Lihun kagak ada persoalan. Coba ka lo mantunye ngejengkelin, digibek sama kepre tan puting beliung ngamuk, baru tau rasa, lu “

       Somad nyang kagak mau maksa kong Li hun ngungkapin perasaan, tau ape nyang mesti die lakuin. Mangkenye, die manfaatin Panjul buat ngajak becanda.

       “Syet dah…pastinye, sih, paling kagak, gigi saye bisa copot sampe langsung tiga, bang Somad. Liat aje batu nyang dipake kong Lihun. Nyang di jari tengah, badar bulan kelelep, di telunjuk , akik dari arab. Di jari manis, suleman minggat “

       Somad kagak tahan ngeliat lagak si pedagang ketupat, Panjul bin Kempleng. Die langsung ngakak. Kong Lihun nyang manfaatin situasi, ikut ngakak.

       Padahal, dadanye masih nyesek.

       Kepengeeeeen banget Kong Lihun nonjok atawa langsung nye kek Nina Beler, sang mantu nyang disangke punya ati emas gak taunye gampang banget berobah jadi mantu nyang kurang ajar. 

(11)

           LAGI lagi, Lihun kaget. Soalnye, pas sampe ke ruang makan, nyang diliat bukan me ja makan nyang rapi. Tapi, meja makan nyang di atasnye ada piring kotor, gelas kotor sama na si bececeran.

           “Kayaknye, kalo gue biarin nih mantu pasti bakal mangkin ngelunjak?”

           Kate hati kong Lihun

           “Bukan lagi ngelunjak, bleh. Die pasti bakalan mangkin beler. Naah, namenye aje, Ni na Beler. Udeh gitu, lu tau, kan, gimane artis dangdut nyang ngetop di kampung-kampung. Dari zaman bini lu dulu, sampe masa si Nina Beler, kagak berobah. Malah mangkin ajegile, “ kate setan, nyang ngedadak ngebisikin Lihun

        . Kayaknye, setan nyang mukim di ati kong Lihun, sengaja ngelus-ngelus emosi lelaki

68 taon, nyang emang lagi oleng lantaran ulah Nina Beler. Buktinye, die terus manas-manasin kong Lihun.

Bersambung…

Tweet