ENAM PULUH SATU
Ape abang tersayang….
Wayooo..kok abang tau sih kalo Nina
lagi pake celane dalem nyang warnenye pink, sih. Abang ngintip dari jarak
jauh, yee…
Lhooo…kok udehan dulu, sih, bang ?
Ooo, breaknye cuman sebentar.
Oke abang sayang… Pokoknye, jangan
kuatir soal babe. Mulai kopinye, makannye, pas ti Nina perhatiin. Gitu juga
pakean kotornye, pasti mesti Nina nyang nyuci sama nyetrikain.
Sama sama, bang. Terime kasih juge
buat abang sayang… oh iye, ntar tengah malem Ni na beneran nunggu, lho, kontek
dari abang …
Oke…Nina tunggu, yee … Mmuuuah. “
Nyang bikin kong Lihun mangkel, bukan
mmuuah-nye. Nyang begitu, emang logis. Wajar kalo laki bini saling kirim sun
sayang dari ja rak jauh. Nyang kagak wajar, sekaligus kurang ajar, tentu aje
cipoanye alias ngebohong bin tipu muslihanye
Brengsek banget, tuh, mantu. Udeh tau
ni ari udeh langsung nyusahin mertue, eeeh, ngelaporin ke anaknye, malah
sebaliknye. Bener-bener paling bokis.
Kong Lihun nyang sebenernye mau nye
kek tuh si Nina, gara-gara pintu kamar die mau konci dari dalem, jadi kagak
punya peluang nyekek mantunye. Terus, gara-gara anaknye udeh nelepon bininye,
kong Lihun jadi bepikir laen. Kagak bagus kalo mantunye die cekek. Sebab,
selaen pasti ketauan, juga kagak enak sama Nurdin. Anaknye sendiri, nyang telat
kawin, eh, sekalinye punya bini, malah dicekek sampe koit sama babenye
Lantas, ape nanti kate anaknye, semisal
tau nyang ngebunuh bininye, orangtue kandung nye sendiri? Duuuh, urusan kok
jadi mulain repot, sih. Mau senang lantaran udeh punye man tu, kagak taunye,
batin malah mulain kesikse.
Ape nyang mesti gue lakuin?
Ngedadak, engkong Lihun jadi bisa ngele
pas senyum. Ia buru-buru ke kamarnye. Lihun nyari hapenye, nyang jarang dipake,
kecuali bu at ngontak atawa dikontak Nurdin. Lihun buru buru, nyari nama
anaknye.
“Pejajaran !! Kenape jadi kagak ada no
mor anak gue ? Emang nomor hape nyang mes tinye kagak bisa keapus kalo kagak
diapus, bise ilang sendiri ape ?”
Kong Lihun nyang keselnye udeh keba
ngetan, cuman bise ngegerutu. Meski begitu, die nyoba nginget-nginget nomor seluler anak nye.
Hasilnye, engkong Lihun malah jadi pu sing. Die jadi nyesel kenape kagak nyoba
nga palin nomor kartu sim anaknye. Juge nyesel kenape juga kagak nyatet di
kertas, supaye kalo lagi begini, kagak bakalan susah.
“Jangan-jangan,” kate hati kecil
engkong Lihun, nyang ngedadak jadi curiga sama Nina Beler.
“Pasti die nyang ngapus nomor si
Nurdin di hape gue. Cuman, kapan die ngelakuinnye, gue emang kagak tau. Tapi,
bukan kagak mung kin. Soalnye, die bae sama gue cuman seming gu. Begitu anak
gue ke luar kota, langsung bera ni kurang ajar”
Kong Lihun ke luar dari kamar.
Niatnye, mau nyatronin mantunye. Mau die gedor, tuh pintu kamar. Mau die
tanyain kenape mantunye berani-beranian ngapus nomor Nurdin dari ha pe-nye.
Cuman, azan Maghrib bekumandang.
Panggilan shalat, bikin ngeh engkong
Li hun. Detik itu juga kong Lihun langsung Istighfar. Nyang lantas diinget, panggilan
buat ngelaksanain shalat Maghrib. Bukan nyekek sang mantu nyang pinter banget
bikin kesel mertue
Bersambung…….
0 Response to "CERBER (61)"
Posting Komentar