CERBER (62)

ENAM PULUH DUA

          Kong Lihun langsung begerak ke kamar mandi. Lewatin ruang makan, kagak peduli sa ma piring kotor ples nasi bececeran di meja makan. Sesampe di kamar mandi, juga cuwek bebek alias kagak peduli sama bak item nyang penuh pakean, nyang mulain pagi direndem, tapi sampe azan bekumandang belon juga di cuci.

          “Gue mesti cepet mandi. Ambil aer wudhu, terus shalat. Soal mantu geblek, nanti aje gue kelarin “

           NINA Beler bukan kagak denger azan magrib bekumandang. Lebih-lebih, die nyang lagi asyik di kamar, ngedenger langsung suara azan dari tivi empat belas inchi, nyang ada di kamarnye. Cuman, die kagak beminat shalat. Nina lebih beminat cekakak cekikik, seudeh ngebaca sms terakhir dari temennye.

              Lu emang paling bokis. Di depan laki, ati lu selembut salju. Di belakang laki, ati lu lebih somplak dari drakula. Tapi, slamet yee. Semoge lu sukses nyikse Mertoku

             Sambil nahan geli, Nina langsung nge bales sms dari rekannye, Julia Makdikipe, sesa ma pedangdut, nyang sering banget ngebawain lagu nyang nyeritain soal Bang Toyib kagak pulang-pulang.

               Fansnye pasti malah berebut kepe ngen nyawer, lantaran goyangannye nyang makin hot, makin nafsuin para pegile joget buat ngebelesekin duit ke balik bra Julia Makdikipe.

               Soalnye, mertoku gue oneng. Udeh tau gue drakula, eeh, malah disangke bidadari turun dari po’on beringin.                   

               Nina buru-buru kirim sms balesan ke Julia Makdikipe. Die masih aje nekepin mulut nye nyang terus cekikikan. Ujung jari jempol nye nyang pernah cantengan, lantaran keinjek kebo, dipake mindahin canel. Nina langsung konsen, lantaran Ajegile Coi TV nyang lagi nyiarin infotainment, nyajiin berite  nyang lang sung ngebetot perhatian Nina.

            Nina Beler jadi sewot sendirian. Die be sumpah di dalem ati, kagak mau lagi ngefans sama penyanyi dangdut idolanye, Evie Ta’la malama, lantaran di infotainment, Evie Ta’lama lama, diberitain baru aje ngumrohin mertoku nye, nyang diakuin Evie, sejak nikah sama sua minye, sampe kapan pun bakal tetep sayang sa ma mertokunye.

            “Evie, kan, nikah sama suami lantaran cinte berat. Jadi, cinte sama mertoku, mesti le bih berat. Bukan di depan suami aje. Tapi, cinte berat juga tetep nemplok diati saat suami kagak ada.” begitu statemen Evi Ta’lamalama di infotainment.

             Nina langsung pindahin Ajegile Coi TV ke TV Wawan . Cuman, Nina ngalihin perhati an ke hapenye. Sebab, hapenye kemasukan sms Die pikir, balesan dari Julia Makdikipe. Nggak taunye, sms dari mafia hadiah.

             Selamat. Nomor anda terpilih untuk me nikmati rezeki nomplok sebesar dua ratus juta rupiah. Hadiah bisa diambil secepatnya. Hubungi DR. Ir Anunya Gede Banget, SH, MBA di nomor sekian sekian dan sekian

             Nina nyang pernah kena tipu, kagak mau ngehubungin. Dia langsung pencet buat ngejawab. Sambil nahak kesel, die bikin sms balasan.

              Eh, penyamun sembleb.. timbang gue  ambil hadiah dari penipu kelas coro, mantepan gue ngelongok rekening gue nyang biasanye diisi ame pejabat. Jadi, ambil aje tuh duit buat lu. Inget, lo cepet cepet beliin  kain kafan, buat DP  kuburan, dan biaya laen-laen, sebab kayaknye besok lo koit digebukin massa, deh. 

Bersambung…..             

Tweet