CERBER (60)

BUKAN Mantu IDAMAN

Oleh : Oesman Ratmadja

ENAM PULUH

           “Mangkenye, kagak usah mikirin ape aki batnye? Sikat dulu. Cekek dulu sampe koit, biar die rasa, ngelunjak sama Lihun gede risikonye.

Udeh..tunggu ape lagi? Nggak ada orang eni. Kalo die udeh koit, buang aje mayatnye ke lumpur Lapindo “

       Kalo pagi Lihun ngalah. Tadi, Lihun mikir panjang. Sekarang, Lihun ngerasa kagak tahan, lantaran Mantunye nyang udeh diambilin piring , garpu, sendok sama segelas aer putih, udeh bekas pake kagak ditaro di tempatnye lagi – boro boro dicuci, eeh, nasi bekas makan malah sengaja dibiarin berantakan

       “Emang mesti gue hajar, nih, mantu. Kalo kagak gue kasih pelajaran, lama-lama pasti mangkin ngelunjak,” ungkap Lihun nyang akhirnye ambil keputusan lantaran udeh kagak tahan ngadepin kelakuan Nina, nyang seminggu bikin hepi, di hari ke delapan udeh bikin sensasi, bikin mangkel mertua

        “Kan barusan gue bilang begitu. Cuman, jangan sekedar dihajar doang, bleh. Kalo perlu, cekek sekuat tenaga. Paling die koit. Kagak bakal ketauan siape-siape, bleh. Kalo anaklu pulang, bilang aje die minggat ke Spanyol, lan taran mau  melet Christian Ronaldo. Beres, kan?”

         “Christian Ronaldo, tuh, siape, sih?”

         “Syet dah, gue aje tau. Masa, lu kagak tau pemaen sepakbola nyang dibayar paling mahal sejagat. Sekarang, udeh, deh, soal si Christian kagak usah  dibahas? Menantu lu aje, tuh, uru  sin. Cepet deh lu koitin?”

        Lihun, bener bener udeh males mikir pan jang. Emosinye udeh sampe.malah udeh mentok di ubun-ubun. Mangkenye die begerak ke kamar Nurdin. Die yakin, mantunye ada di sane. Emang bener, sih? Lihun kagak mau ribut Langkahnye aje die bikin supaye kagak kede ngeran. Tapi, waktu die mau buka pintu, meski begitu ati-ati, kagak bisa lantaran dikunci dari dalem.

         Ngedadak Lihun kager, lantaran die deng er suara hape di dalem kamar bebunyi. Lihun pasang kuping, kepengen tau, siapa nyang nelpon Nina Beler.

         “Eeeh, abang Udin sayang….

         Alhamdulillah.. Nina sehat. Babe? Pasti nye sehat atuuuh bang. Makannye aje, mangkin nafsu. Tadi, pulang dari bandara, Nina bikinin sayur asem. Ikan asin sama lalapan jengkol bewe. Keliatannye suka bangeeet, buktinye Nina kagak disisain.

          Hahahaha abang tau aje…iyee.. Doyan banget, babe sama jengkol. Uuuh, kamar mandi jadi bau jengkol. Kagak ape-ape, sih. Nina rela kok, kalo cuman bersihin kamar mandi. Kan, demi cinte Nina sama abang. Ama sayang Nina sama mertoku

           Ape? Abang..abang… Kan abang nyang minte, supaye Nina, juge sayang same mertue. Jadi, ape, sih, susahnye menuhin nyang abang minte?Ngurus mertua, kan, juga ibadah, bang “

          Kepengeeeen buanget, Lihun dobrak pin tu kamar. Terus, masuk ke dalem. Bukan buat nyekek Nina. Tapi, buat ngerebut hapenye. Te rus ngejelasin ke anaknye, nyang diomongin ka gak sesuai sama fakta. Tapi, ape iye, Nurdin percaya? Duuuh, terlebih si Nina mulai bekicau lagi.

        “Iiih, abang…masa’ baru tadi pagi bepisah sekarang udeh kangen, terus bilang abang mau minta, sih? Nina kan jadi kepengen juga bang…

Bersambung….

Tweet