CERBER (63)

BUKAN Mantu IDAMAN

Oleh : Oesman Ratmadja

ENAM PULUH TIGA

          Nina Beler kagak nunggu lama. Die langsung kirim tuh sms balesan, ke pengirim nyang dianggap penyamun, lantaran kerjaannye cuman hobi tipu sane tipu sini—padahal, die juga tukang tipu.. Kelar ngirim, Nina rebahan. Die kagak konsen lagi sama TV Si Wawan, nyang nafsu banget ngeberitain soal kasus suap nyang sukses diungkap sama KPK.

           “Komisi Pemberantasan Korupsi,”  kata si reporter, “ Berhasil menangkap tangan seorang penegak hukum yang diberi amanah membangun hukum, eeeh, malah sengaja ngerebahin hukum lantaran die manfaatin jabatannye buat numpuk kekayaan pribadi”

            Nina beler bukannye kagak kaget. Cuman, lantaran lagi asyik sms-an, Nina jadi kagak begitu konsen kenape KPK sukses nangkep tangan di rumah dines sang penegak hukum, nyang kayaknye ngerasa asoi geboi nangani kasus pilkada.

         Padahal, dalem berita nyang disiarin dengan penuh semangat, sang reporter malah sempet nampilin seorang tokoh nyang pakar banget di bidang pembangunan moral

           Menurut pakar pembangunan moral, Doktor Solehati Makbul Doanye, keberhasilan pembangunan fisik akan selalu terkontaminasi oleh prilaku buruk para pejabat. Untuk meng hindarinya, dan untuk menyelamatkan Indone sia dari kutu busuk yang menggerogoti hati pa ra pejabat yang korup, maka pembangunan mo ral adalah sebuah keniscayaan.

         Bagaimana aplikasinya, agar moral pe jabat dan juga masyarakat yang teraniaya oleh prilaku buruk, berubah dan akhirnya, sepuluh tahun mendatang Indonesia hanya mengenal bu daya prilaku baik?

         Jangan ke mana-mana. Ingat, setelah jeda berikut, kami segera kembali untuk anda “

         “Iiih, ngapain lagi gue dengerin berita  nyang cuman bikin pusing kepale? Uuh, kok si  Julia kagak ngebales lagi sms gue, sih?”

          Nina nyang sambil ngegerutu ambil remo te, terus matiin tivi, tersentak. Bunyi khusus bu at sms di hapenye, tetep ngagetin lantaran nyangka Julia Makdikipe nggak mau lagi bales smsnye. Nina buru-buru buka. Lantas baca sms Emang bener balesan dari Julia Makdikipe

          Maaf ye, friend. Si bandar bekicot ngedadak masuk ke kamar gue. Tangannye langsung ngayap ke anu gue. Die lantas bebisik, kepengen segejrot sampe due gejrot. Sembari nyodorin kunci sama stnk mobil seken. Ape boleh buat, deh. Gue sama die jadi gejrot-gejrotan,deh. Duuh sori sebanget bangetnye, ye, kalo akhirnye gue lemes. Mau bobo

          Nina emang bisa senyum. Cuman, yakin, sms-nye pasti kagak bakal dapet balesan. Tapi gak lama Nina malah kembali mesti buka kiriman pesan

           Ati-ati..ntar, laki lu tau, pasti nyerein. Disuruh pulang ke rumah kagak boleh pake penutup body, baru tau rasa , lho.   

         Kelar ngirim sms balesan, Nina Beler langsung nyerebahin diri. Nina ngegeliat. Ngu ap. Meski belum Isya, Nina biarinin dirinye nyang kelelahan istirohat. Gak lama, kedenge ran suara paling ngegedekin. Kagak taunye, Nina Beler nyang kece, waktu tidur bisa ngorok

         Kroook…kroooook.. Krooook

         Sementare, KONG LIHUN masih duduk di atas sajadah biru. Dia kagak lagi mikirin Nina Beler, mantunye, nyang waktu maghrib kagak shalat. Sebab, kagak kedengeran kran kebuka pertande mantunye ambil aer wudhu. Cuman, kong Lihun kagak mau berprasangke. Kalo ternyate kedatengan tamu, gimane ?

         Kong Lihun terus maenin tasbih. Die kagak tau, udeh berape kali ngelafalin Istighfar. Tekadnye, sampe Isya dateng cuman kepengen nenangin ati. Nurunin emosi.

Bersambung……..

Tweet