CERBER 45

Oleh : Oesman Ratmadja

EMPAT PULUH  LIMA

Abis nyalurin sebel, kong Lihun ngembat lagi martabak telornye. Ngedengerin analisis ko mentator, nyang jago banget kalo disuruh ngu las, tapi kalo disuruh nendang bole dijamin langsung kepeleset 

       “Wah, kalo baru tiga belas nol, sih, masih jauh dari malu,” kata komentator, nyang di tanya sama Boy Foya-Foya, host dari Meteor TV.

     

Kong Lihun emang lagi fokus ke Meteor TV, nyang dapet lisensi buat nyiarin langsung pertandingan antare Barcelona lawan Indonesia   di kejuaran Harga Diri Cup, nyang digelar  di stadion El Tonjokin, Spanyolia

Seudeh ngedenger komentar komentator, nyang ngegebu-gebu, nyang sempet nyeselin pengurus Persatuan Sepakbola Sekedar Iseng (PSSI) lantaran seriusnye cuman ngabisin dana tapi sama sekali kagak serius ngebina prestasi, kong Li hun langsung matiin pesawat televisi 

       “Lu mau ngomong ape juge, percume. Ka lo tuh pengurus pade becus bangun prestasi, be cus ngegelorain semangat merah putih, kagak bakalan tim kite jagonye cuman bekelai di lapa ngan.

Buktinye, si Messi, meski orangnye kecil, bisa jadi caberawit. Gocekannye pedes, sleding takel nye pedes, passing-nye pedes, nyetak gol nye juge pedes, tuh. Pake ati nurani, dong, kalo mau ngemajuin sepakbola Indonesia,” kate kong Lihun.

Die berani ngegerutu, lantaran di ruangan tempat nyetel teve, cuman die sendirian. Kalo gerutuannye kesadap, didenger pengurus sepak bole,  die yakin, nyang ngelaporin pasti cecek. Sebab, waktu die ngegerutu, sepasang cecek di dinding, nyang lagi kawin, sempet jeda sebentar. Seudeh kong Lihun ngegerutu, die ne rusin perkawinan semusimnye

       “Timbang gue pusing ngeliat PSSI cuman bisa jadi langganan dikalahin tim negare laen, mendingan gue ngembat martabak telor sampe abis, deh. ”

       Lagi-lagi, kong Lihun ngegerutu.

*****

PAGINYA, kong Lihun nyang kagak tau kalo mantu sama anaknye mau rekreasi ke Ta man Kenyataan Jangan Ambrol,  cuman bisa be ngong. Padahal Nina Beler baru aje ngebi langin, mertuanye wajib ngikut

        “Kite tuh emang kagak ngerencanein lebih dulu be. Cuman, tadi, abis Subuh, Nina usul ke bang Nurdin, kite betiga rekreasi ke Taman Kenyataan Jangan Ambrol. Kan, ni ari pe ngabi san bang Udin cuti. Jadi, kite mesti hepi bareng Berenang di pantai, maenin pasir sembari ngeje mur badan di bawah sorotan mataari“ Kate Nina, ngejelasin maksud ples tujuan pelesir ke Taman Kenyataan Jangan Ambrol, sekeluarge

Kalo kagak malu, kong Lihun, kepengen banget nangis gegoakan. Soalnye, lagi-lagi, mantunye ngeliatin kepribadiannye nyang menurut kong Lihun cukup yahud. Kepribadian nyang nyenengin ati mertoku.

Pada hal, waktu mau ngelamar, nyang namanye kong Lihun, cuman percaye abis same kekuatirannye. Malah yakin, Nurdin salah pilih

Nyatanye, seminggu bareng Nina di ru mahnye, banyak hal nyang bikin  dade kong Lihun lega. Mantunye, Nina Beler, nyang dikire songong, malah nunjukkin kalo die wanita bin perempuan sejati. Wanita nyang tau persis perannye, bae waktu jadi bokinnye Nurdin maupun jadi mantunye kong Lihun. sebagai sejati nye perempuan bukan matre.          

Pendek kate, buat saat eni, kagak ada alasan buat nyebut Nina cewek matre. Kagak pantes posisiin Nina sebagai wanita-perempuan bin cewek nyang pantes dijadiin pajangan doangan.

        

Bersambung…….

Tweet