CERBER 52

LIMA PULUH DUA

       Anceman Nina nyang diucapin pake tere ak, bikin kong Lihun susah betindak. Susah menetralisir situasi. Terlebih, kong Lihun mulai ngedenger, tetangge mulai pada dateng.

        “Iyee..Iyee.. lu jangan tereak lagi. Malu sama tetangge. Ntar, gue disangka ngape-ngape in, lu, lagi. Pokoknye, lu diem, tenang. Ntar gue ganti duit sama perhiasan, lu “ kong Lihun, ambil keputusan cepet.

        Die lantas buru-buru ke luar rumah. Ngampirin para tetangga, nyang udeh pada bediri di depan pager. Malah, udeh ada tiga orang nyang udeh naek, siap loncat ke halaman dari atas pager. Sebab, kepengen tau, kenape Nina Beler, mantu engkong Lihun, nyang gen car dipromosiin sebagai mantu the best, mantu nyang bikin idup kong Lihun semangkin hepi, kedengeran tereak-tereak kayak orang gila keilangan celane dalem

        “Kenape tuh, mantu engkong? Kalo celane dalemnye ilang lantaran digondol pocong sembleb, bilang sama die, ikhlasin aje.Jangan malah tereak-tereak ngagetin orang, kong ?”

        Tereak anak muda, nyang keliatannye ke sel, lantaran, waktu asyik nawarin barang ceban tiga--perhatian ibu-ibu nyang pada  mau beli ce lane dalem buat ngeganti stock lama nyang karetnye udeh pada melorot, langsung beralih ke rumah engkong Lihun.

 “Kagak ada ape-ape. Mantu gue cuman kaget, lantaran dapet kabar, bokapnye nyang lagi ngelancong ke Irian Jaya, baru mau pulang ke Jakarte, strokenye kumat. Jadi, die bingung,  Mau disusul jauh, nggak disusul takut bokapnye kenape nape “

       “Bener, kong kagak ada ape-ape?” Tanya tukang bakwan, nyang juga kesel lantaran dagangannye jadi kagak laku.

       “Masa’ sih, gue perlu cipoain lu ?”

       “Tapi, kok, saye denger nyentak-nyentak engkong, sih? Kagak bae, tuh, mantu nyentak mertua nyang lagi hepi !” Protes hansip, nyang pernah ngeluh ke engkong Lihun, gajinye kagak dibayar tiga bulan, lantaran dipake dulu sama pak erte buat biaya ngelesin jande

       “Yaa, sebenernye bukan nyentak gue. Cu man, kaget lantaran stress, kok. Lu juga kalo ngalamin stress, bisa kayak mantu gue. Cuman aje, keluarga lu kagak ada nyang pernah bisa pegi sampe ke Irian? Iye, kan ?”

       “Iye, sih, kong. Saye sendiri aje, waktu mau ikut ngebantu nyelametin makam Mbah Priok, kagak jadi pegi, Bukan kagak berani ikut ngelawan Satpol pepe, tapi kagak berani ke sasar “

           “ Sekarang, lebih bae, lu orang pada pe gi, deh. Pulang ke rumah masing-masing. Nyang lagi dagang, balik ngurusin dagangan. Ntar digondol orang nyang tangannye kreatif, baru pada tau, lu “

          Engkong Lihun baru bisa ngirup nafas lega, sekelarnye die nyelesain urusan massa nyang keliatannye penasaran banget. Kepengen tau ape nyang terjadi di dalem rumah engkong Lihun.

          Kalo kagak cepet-cepet dikendaliin, pasti nye, malah bakalan ngerepotin. Bakalan malu maluin. Soalnye, kong Lihun, udeh begitu gencar promosiin nilai lebih kepribadian mantu nye.

          Nyatanye? Di ati kong Lihun jadi banyak tanda tanya pada beseliweran. Kalo Nina Beler emang bener dirampok orang, berarti kredi bilitasnye kagak bakal nurun. Tapi, kalo sebalik nye? Mau dimane kong Lihun naro mukanye?

Masa’ baru seminggu dipromosiin, di saat anak nye kagak ada di rumah, Nina Beler emang identik sama kebanyakan selebritis nyang kagak pernah masuk infotainment, sih?

         Kong Lihun buru-buru masuk ke dalem rumah. Begitu mertuanye nongol, Nina Beler langsung negor. Tentu aje sambil tereak, juga pake ngebentak.

Bersambung..........

Tweet