EMPAT PULUH SEMBILAN
“Asyik banget yaa?! Saye juga mau tuh da
pet mantu nyang kayak model mantu engkong. Masih ada ape kagak, ye, stock mantu
nyang ka ya’ gitu ?’
“Kayaknye sih emang langka. Maklum, za man
udeh semangkin geblek. Tapi, kalo kite mau ikhtiar, pasti dapet, Pokoknye, gue
nge doain, semoga lu dapet menantu nyang sema cem si Nina “
“Jangan cuman ngedoain doang, dong,kong.
Tanyain ngape ama si Nina. Kali aje die punya adek atawa temen nyang sifatnye
semodel ama die “
“Yaa, ape susahnye, sih timbang nanyain
doang, mah. Cuman, sabar, yee. Kalo gue udeh akrab banget, baru gue berani
nanyain “
“Janji yee, kong. Pokoknye, kalo emang ada,
saye siap ngelamarin buat anak bungsu saye. Die juga seleranye mirip kaya’ si
Nurdin. Lho, kong. Mau nye, nikah sama cewek nyang shole hah “
“Lelaki, dimane mane pasti sama, Doni. Ma
unye, kawin sama perempuan sholehah. Oh, iye, gue mau masuk dulu, yee? “
Engkong Lihun terus balikin badan. Masuk
ke kamarnye. Ngumpuin pakaian kotor, ngeba wa
ke tempat cuci pakean. Kong Lihun, cuman ngerendem. Kagak perlu nyuci. Ntar
juga lang sung diambil alih mantunye. Soalnye, semua kerjaan di rumah, udeh diambil
alih mantunya.
Gimane kagak hepi?
Juga jadi males nyapu lantai rumahnye. Pa salnye, udeh seminggu, tiap pagi—sore, Nina Beler
nyang ngerjain. Padahal, kong Lihun, pernah sekali numpahin aer dari gelas.
Begitu die mau ngeringin, Nina Belel malah ngelarang
“Soal nyang beginian doang, mah, be, sera
hin aje ke mantu babe. Lagian, emang urusan perempuan”
Nah, siape nyang kagak bangga punya man tu
nyang namanye Nina Beler. Mantan artis, nyang di depan mertua kagak ngerasa
pernah jadi selebritis
Apelagi, Kong Lihun tetep bisa nikmatin as
yiknye nyeruput
kopi. Meski sibuk ngerjain urusan rapi-rapi di rumah, Nina Beler pasti
nyempetin waktu buat bikin kopi lakinye, ples kopi buat mertue, nyang kate die,
patut di sayang, ples diperhatiin.
Pagi tadi, jelang nganter Nurdin ke
Banda ra, die malah sengaja ngekhususin bikin kopi nyang kentelnye mangkin
mantep. Buat mertua, supaya waktu ditinggal ke Bandara Soekarno Hatta, tetep
betah meski di rumah jadi sendirian.
Kong Lihun nyeruput kopinye.
Sedaaaaaaap.
Kong Lihun nyedot udare bersih.
Ngulet begitu enak, sampe tulangnye
ke dengeran bebunyi kratak.. kritik.. krutuk…
Serumah sama mantu nyang namanye
Nina Beler, serasa lagi nikmatin sorga dunie, nyang mukimnye di jiwa nyang
tenang, di hati nyang tentrem. Ooh, saking asyiknye, kong Li hun jadi ngantuk.
Timbang ke luar, mending be gerak ke kamar. Rebahin badan. Nanti, pasti di
bangunin mantunye, Nina Beler. Langsung disuruh makan.
Soalnye, mantunye bawa kunci cadangan.
Jadi, kalo seudeh nutup pintu depan langsung ke kamar, terus tidur, bener-bener
kagak ada ha langan.
******
Bersambung.......
0 Response to "CERBER (49)"
Posting Komentar