BUKAN Mantu
IDAMAN
Oleh : Oesman Ratmadja
EMPAT PULUH DUA
(8)
WAJAR,
kalo engkong Lihun makin salut sama mantunye. Selain nyiapin bubur kacang
ijo buat siang, Nina Beler juga nyiapin masa kan buat makan malem mertuanye. Soalnye, kate
Nina, bang Nurdin kagak langsung ngajak die jalan ke mall.
“Ba’da Jum’at, mau mampir lebih dulu ke
perusahaan film. Buat koordinasi sama
kru nyang udeh dipilih jadi tim kreatif”
Kong Lihun sama sekali kagak ngerti
soal begituan. Nyang die ngerti, mau makan, kagak perlu susah payah pergi ke
warung. Die tinggal manasin doang sayur asem, nyang udeh ditaro Nina di atas
kompor gas. Jadi, kong Lihun ting gal nyeklekin doang.
“Nyang penting jangan ditinggal atawa
kelupaan,” pesen Nina, sambil ngingetin jangan lupa matiin kompor gas kalo udeh
manasin.
Kalo cuman nyeklekin kompor gas, jelas
kagak ada susahnye. Gitu juga matiinnye lagi. Meski waktu makan malem
sendirian, engkong Lihun maklum. Sebab, Nina nyang emang mau dibawa buat
nemenin lakinye belanja ke mall, lebi dulu mesti ikut Nurdin mampir ke kantor film.
Sampe jam tujuh malem, urusan di kantor film belon juga kelar.
Maklum, banyak sekali nyang dibahas.
Mulai dari kont rak artis sampe kepastian sedia nggaknye iku tan ngebintangin Nyanyian Kus Buat Mr Mar kus, sampe
kesiapan operator diesel. Belon lagi kelengkapan properti, mek-up ples kostum buat pemaen. Semua dikontrol. Tapi,
Nurdin ngewanti-wanti, supaya krunye kagak kepincut buat ngatrol harga.
“Pokoknye, ketauan ada nyang ngatrol harga,
jangan nyesel kalo gue pecat. Juga jang an arep gue ajak gabung lagi,” Nurdin
nginge tin Dogol Simuter-Muter, Penata Artistik, supa ya ngawasin anak buahnye
nyang suka disuruh suruh belanja.
Pimpinan Produksi juga diajak dialog.
Pas beres, Nurdin ngecek nyang laen. Bekali-kali mastiin, gimane soal
penginepan di lokasi syu ting. Soal nyewa hotel bagus atawa penginepan biasa,
bukan masalah. Nyang utama, kepastian udeh dapet ape belon. Kalo perlu, lebih bae
nyewa rumah penduduk tapi pasti dapet buat nginep kru ples aris, timbang di
lokasi syuting mesti tidur di emperan toko atawa di kolong jembatan.
Kayaknye, persiapan emang udeh lewat
mengkel ampir mateng. Soalnye, nyang belon sip, cuman urusan sama penulis
scenario, nyang katenye keberatan, kalo adegan di scene sekian, dirubah.
“Die bilang, kalo dikembangin ke arah
nyang lebih dramatis, setuju. Tapi, kalo dirubah total, kagak setuju,” lapor
sang Astrada, nyang juga bilang udeh ngge-break
down skenario, scene demi scene.
“Malah, kalo keburu, saya mau
lengkapin lagi adegan demi adegan, “ sang Astrada nge janjiin.
Nurdin lega. Seudeh semua dicek en di
ricek, akhirnye ada laporan, pemeran utama ce wek, Susi Lobapanuan – padahal
kulitnye putih mulus, undur diri lantaran suaminye ngancem minta dicerein kalo
terus menerus syutingnye di luar kota.
“Mungkin lakinye mau dikekepin terus
terusan, kali, “ kata Asisten Unit.
Bersambung……
0 Response to "CERBER (42)"
Posting Komentar