CERBER 41

BUKAN Mantu IDAMAN

Oleh : Oesman Ratmadja

                                                               EMPAT PULUH SATU

     “Mangkanye, jadi orang kudu amanah. Gue minta tulung lu bilang aje ulang tahun, malah bilang gue hepi punya mantu bae ati. Untung, faktanye begitu. Kalo sebaliknye, gue nyang jadinye kagak enak, tau !”

    “Aye bukan kagak amanah, kong. Tapi, ka gak mau cipoain orang. Soalnye, ustadz Soleha ti sering pesen, jangan sesekali cipoain masya rakat. Jadi, saye kagak mau ngebohong, kong?”

    “Kalo tau begitu, lu mestinye ingetin gue. Sori deh, Jul. Maafin gue, ye. Nih, gue tamba hin dua puluh ribu buat beli obat nyeri,” kong Lihun, nyesel juga nginjek kaki Panjul.

     Sebab, si tukang ketupat bukan kagak ama nah. Tapi, kagak mau ngebohongin masyarakat

Die jelas bener. Kong Lihun nyang malah sa lah. Pake malu-malu ngakuin, menantunye bae sama die.

     Tapi, waktu ketemu bang Somad, saat sholat maghrib di mesjid, engkong Lihun kagak malu certain mantunye ke bang Somad. Maksudnye, sih, mau bilang, die gagal jadiin Mumun man tu, tapi dikasih sama Allah, menantu nyang ju ga punya kualitas. Selaen berjilbab kayak Mu mun, juga pinter masak, rajin nyuci dan sangat perhatian. Gak aje ke suami. Tapi ke mertua.

     Cuman, kong Lihun sebatas bilang, mantu nye nyang ini, bisa bikin dirinye hepi.

     “Syukur kalo begitu. Mungkin, si Mumun emang belon jodoh. Jadi, gagal deh jadi menantu abang. Cuma, Alamdulillah, kalo Tu han ngasih jodoh cepet, tige bulan lagi si Mu mun dilamar. Sekarang, calon lakinye lagi di se kolahin di Amerika. Kelar ambil gelar master, baru die lamar tuh si Mumun “

       Kong Lihun cepet-cepet nyalamin bang So mad.

       “Gue doain…mudah-mudahan panjang jodoh sama banyak rezekinye. Salam aje, buat si Mumun “

       Hari-hari cuti Nurdin sama artinye hari hari hepi kong Lihun. Masuk hari ke enem, kong Lihun nyang balik dari ngelaksanain sho lat Jum’at, nangis sendirian begitu Nurdin dan Mumun, pamit mau pergi ke mall, lantaran mau belanja keperluan buat Nurdin, nyang lusa bakalan berangkat ke luar kota.Buat syuting film perdananya, Nyanyian Kusno Buat Mr Markus 

          Gimane kagak nangis? Begitu anak man tunye berangkat, Kong Lihun leluasa nikmatin kacang ijo ples kopi susu nyang sengaja disedi ain khusus buat Kong Lihun.

          “Gue bener-bener jadi keingetan terus sama elu, sayang. Soalnye, bukan rasa sayur asem sama semur jengkolnye aje nyang mirip banget sama rasa masakan elu. Rasa bubur kacang ijonye, juga bener bener mirip,” kata kong Lihun,  sesenggukan sembari natap foto al marhumah isternye.  

         Untung, foto almarhumah bininye, kagak nyautin. Kalo aje nyautin, boleh jadi, engkong Lihun, meski pun lagi hepi, pasti ngibrit sampe tebirit birit. Meski akhirnye sampe  kecepirit lantaran baru aje ngabisin dua mangkok kacang ijo, die rela ngibrit timbang kagak mampu nga depin foto dalem bingkai nyang ngedadak bergerak.

         Lantaran foto kagak bergerak, kagak be suare, Lihun masih asyik natap isterinye, dalem bingkai kace, nyang tetep mandang sambil ngelepas senyum. Sama sekali kagak berubah jadi melototin.

           Kalo lantas  kedengeran suare seseng gukan nyang cukup  kenceng, kagak laen cu man suare tangisan engkong Lihun. Die begitu terharu, lantaran ketemu juga sama menantu nyang diimpiin.

Bersambung

Tweet