CERBER (43)

 BUKAN Mantu IDAMAN

Oleh : Oesman Ratmadja

EMPAT PULUH TIGA

           Nurdin kagak ngeladenin komentar  nyang die anggap kagak perlu. Die cuman minta ke astrada supaya ngelapor ke produser.

           “Lu bilang aje, gue minta si Dewi Uler Kali, nyang jadi pemeran utama ceweknye. Oke, gue tinggal dulu, ye ?”

           Kagak ada nyang berani ngelarang Nur din cau dari kantor PT Asoi Geboi Letoi Film. Terlebih, pada tau, doski masih penganten baru Bininye, juga mulai keliatan ngegelendotin me lulu. Jelas pada kagak tau, ngegelendotin lanta ran udeh kepengen dibales digelendotin, atawa supaya cepet cau doang.

            Begitu masuk di salah satu mall di kawasan blok M, Nina Beler ngingetin supaya Nurdin, ngebeliin ape aje, buat babenye

            “Babe tuh, dibeliin ape, sih? “

            “Yaa, ape aje. Kaos boleh. Sendal anti rematik, oke. Cukuran jenggot kagak ape-ape. Nyang penting, ape salahnye kalo perhatian sa ma orangtua. Nina aje nyang cuma mantu mau merhatiin, masa’ abang pake lupa merhatiin orangtua,” Nina ngingetin lakinye.

             Nurdin sempet mokal juga. Tapi, die ja di tambah kagum sama Nina. Juga percaya, Ni na bisa beakrab akrab sama babenye. Manakala hubungannye makin harmonis, Nurdin yakin, kalo die lagi syuting, kagak bakalan ada masa lah

              Soalnye, kalo udeh harmonis, pasti sa ling perhatian.Mantu perhatiin mertua ape udeh makan, udeh ngopi atawa udeh dicuciin belon, pakeannye.

              “Yaa, udeh, kalo gitu, lu aje nyang milih barangnye. Nyang penting, cocok buat babe,” Nurdin setuju banget sama usul Nina. 

              Tapi, lantaran die kepengen tau sejauh mane perhatian bininye ke mertua, Nurdin kasih kepercayaan ke bininye buat milihin barang  nyang mau dibeli buat kong Lihun.

               Nurdin juga setuju, waktu mau pulang , Nina Beler nganjurin supaya Nurdin beli makanan.

               “Kan, udeh malem, say. Kalo pas kite sampe rumah, tapi babe udeh tidur, gimane?” Kata Nurdin

               “ Bang,” Nina ngejelasin.

               “Soal babe udeh tidur, kan bisa dima kan buat besok. Intinye, bukan udeh tidur ape belon. Tapi, justeru sampe dimane perhatian ki te sama orangtua. Babe abang sendiri, keliatan nye sanggup kok beli makanan nyang hargenye cuman lima puluh ribu doang.

                Cuman, bang, beda kalo kite nyang beliin. Babe pasti ngerasa diperhatiin. Disitu die ngerasain hepi “

              Mentang-mentang Nurdin anak co wok  semata wayang, nyang selama ini cuman kebagian dimanja doang, saat pengaruh bae isterinye melekat di ati, Nurdin jadi kayak kepe ngen banget ngebales ngemanjain babenye.

            Martabak telor super special, die be li sampe tiga. Sayang waktu udeh jam sepuluh malem, di blok m kagak ada ceplok telor atawa serabi. Kalo masih siang, Nurdin rela ngider sampe capek supaya bisa beli makanan kesuakaan babenye. Malah, kalo emang ada, Nurdin borong abis, kali. Kalo pedagangnye bisa dibeli, buat nyabutin uban babenye, Nurdin, siap beli, kali

          Wajar aje, kalo kong Lihun nyang belon tidur-- lantaran asyik nonton siaran lang sung sepakbola antara kesebelasan Indonesia ngelawan Spanyol, girang setengah koit. Bukan lantaran Nurdin ngebisikin, die diminta Nina buat beliin oleh-oleh buat babe.

Bersambung………..

Tweet