CERBER (30)

TIGA PULUH

          Tentu aje sang anak, Udin, gak mau diperlakukan kayak anak kecil. Cuma, Udin nggak mau sewot

         “Babe tolong jangan mojokin Udin, dong Nyang ngelakonin rumah tangge, kan Udin. Nyang nanti hepi atawa blangsak, juga bukan babe. Tapi, Udin, be. Jadi, tolong banget, be. Lupain aje si Mumun dan kite fokus ke Nina Beler “

          “Enak lu, ye, kalo ngomong? Kagak mi kir Din, kalo babe tuh bisa mokal berat? Bisa dituding kagak konsisten? Pake otak dong, kalo betindak? Pake perasaan dong, kalo ngelibetin perasaan orang laen. Gimane kalo si Somad ke singgung? Gimane kalo akhirnye, si Mumun nerima tapi lantas kecewa lantaran gue nyang ngelamar buat lu, malah bebalik kagak mau?”

         Udin jadi kagak nafsu lagi ngabisin semur jengkol nyang sebenernya asooi gejrot. Kagak lagi mikir, nanti kamar mandi bau jengkol. Se bab, die juga manusie. Ngeliat babenye bingu ng, ikut bingung. Udin kasian sama babenye nyang emang mesti nanggung beban moral. Ta pi, die juga udeh terlanjur janji mau ngelamar Nina Beler, nyang belakangan terus nguber Udin.

        Menurut Udin, timbang nguber perempuan tapi belon tentu dapet, ken, mending diudak perempuan nyang udeh pasti mau menclok. Untung, Udin biasa bepikir ke depan. Biasa bepikir kreatif. Kalo kagak, pasti, mulut sama atinye, kayak diisolatif.

        “ Be…gimane kalo Udin aje nyang dateng ke rumah si Mumun. Udin nyang ngomong be gini ples begitunye. Udin nyang nanggung risi konye. Soalnye, kan, masih ade waktu tiga hari. Jadi, kite kagak disalahin semisal nyabut lagi lamaran pake alasan nyang kuat, atawa ngede sek supaya malem ini, si Mumun mesti ambil keputusan”

       “Terus, kalo si Mumun  bilang dengan se nang ati nerima lamaran nyang udeh gue ajuin, dan siap berumah tangge sama elu, gimane? Emangnye lu rela, ngebatalin ngelamar si Nina Belek, nyang lu bilang kagak boleh sampe gagal ?”

        Kong Lihun kayak balik nonjok. Tapi, bukan buat bikin Nurdin kepojok. Cuman seba tes ngejelasin, masalah nyang lagi diadepin cu kup ruwet. Jadi, kagak boleh  diputusin secara  serampangan. Apelagi, asal goblek. Gimane ju ga, mesti dipikir bagus jeleknye. Untung rugi nye. Dampak positif atawa negatifnye.

      Untungnye, Nurdin tetep dapet jalan ke lu ar. Die ngerasa punya solusi nyang kalo dipake bisa ngelarin permasalahan. Mumun sama baba nye, pasti bisa nerima dengan lapang dada

      “Yaa, kalo udeh begitu, Udin mau bilang, terus terang be. Mau kagak die kalo cuman ni kah doang”

      “Maksud, lu cuman akad nikah? Kagak pa ke resepsi, kagak pake orkes melayu atawa la yar tancep ? Gitu, kan ?”

      “Yaa, gitu deh, be.Mangkanye Udin  mau diajak kawin sama si Nina Beler, nyang besok mau Udin lamar, kan lantaran die mau menuhin kamauan Udin nyang cuman ngajak nikah do ang “

      “Terus,lu punya duit banyak buat ape? Ba be lu, juga punya duit. Terus kalo kagak  bikin

pesta sama nanggap dangdut, duit gue  buat ape?”

      “ Buap ape?” Nurdin balik nanya sambil ngetawain babenye “ Babe…babe…punya duit, tuh, mesti dipake buat hal nyang banyak manfaatnye. Timbang dua puluh juta dipake buat nanggap dangdut, kan lebih bae buat bayar uang muke rumah?"

        Kayaknye sang bokap kesima. Gak nyangka kalo anaknye gak terpengaruh oleh kebiasaan yang selalu terjadi di lingkungan mereka, dimana jika hajat baru merasa benar-benar ngegelar hajat kalo nanggap dangdut, layar tancep atawa lenong. 

Bersambung…..

Tweet