CERBER 27

Oleh : Oesman Ratmadja

DUA PULUH TUJUH

       Soalnye, kong Lihun belon tau persis, ape  anaknye oke-oke aje atawa malahan nolak kalo die dipasangin sama si Mumun. Kalo oke-oke aje terus sekalian ngucapin tengkiu sama orang tue atas kehebatannye milih calon mantu, jelas kagak masalah. Tapi, kalo si Mumun nerima tapi si Nurdin nolak?

        Pasti bakalan kayak ditabrak truk gandeng an, nyang kelebihan muatan? Soalnye, si So mad kagak bakalan enti tersinggung. Die pasti tersinggung berat. Soal duel fisik, kong Lihun kagak ada takutnye. Tapi kalo dia nyanyi kayak Komjen Susno Duadji, pasti bakalan ngerepotin

      Kemane muke Kong Lihun mau ditaro, kalo warga sekampung, terus pada dateng –bebon dong-bondong atawa satu persatu, buat minta  konfirmasi langsung ke kong Lihun, tentang nyanyian bang Somad, nyang jelas kecewa, lantaran kong Lihun nyang ngelamar si Mumun buat dikawinin sama si Nurdin, malah ngeba talin lamaran, seudeh diterima ame bang Somad?

       “Sambe gledek juga, dah, tuh anak! Biasa pulang tepat waktu, kenape sekarang molor berhari-hari ?”

        Gerundelan kong Lihun, jelas kagak ada nyang nanggepin. Soalnye, die lagi di rumah. Kalo di rumah, paling ngetop, cuman ditemenin sama cecak. Itu juga kalo tuh cecak mau neme nin. Kalo kagak, ya, pasti sendirian.

        Kong Lihun, emang bener-bener kayak biasanye  di rumah, lagi sendirian. Ngegerundel sendirian, kesel sendirian, jelas kagak ada man faatnye. Die lantas ambil keputusan buat nang kring di warung ketupat Bang Panjul.Soalnye, perutnye bukan lagi keroncongan. Tapi, udeh ke tahap rock n rocl. Lapar seberat-beratnye.

        “Kayak biasa, kan, kong?”

        Bang Panjul nyang biasanye berani bany ak tanya, kagak berani nanya banyak, apelagi sebanyak banyaknye. Begitu ngedenger jawa ban “Iye” bang Panjul langsung konsentrasi belah ketupat sambil terus motong-motongin buat ditaruh ke piring beling.

          Lantaran hafal kesukaan kong Lihun, bang Panjul kagak tanya lagi. Die sendokin aje tahu, kentang sama jengkol, nyang semuanye di semur. Seudeh nguahin sayur, nyodorin piring ketupat sayur sepiring mentung, ke kong Lihun

          “Eh Panjul ! Sini lu !” Sentak kong Li hun, nyang baru aje merhatiin  piring isi ketu pat.

          Panjul nyang sengaja nyibukin diri ngebe nahin ketupat nyang belon disusun lantaran baru buka, kaget. Die buru-buru nyamperin .

          “Ade ape, kong?”

          “Ade ape, ade ape? Lu kagak tau, ni ari gue mau makan jengkol lima puluh biji? Kena pe cuman lu kasih lima doang ?”

          “Lima puluh?” Panjul kaget

          “Kalo engkong mabok jengkol jangan sa lahin saye, ye ?”

          “Lu kalo dagang, dagang aje. Kagak usah mikirin gue mabok jengkol ape kagak? Nyang penting, kan, gue bayar kontan. Ngerti lu?”

          “I..iye, kong “

          “Lu tuh kalo udeh bilang iye, jangan nge jentul aje di depan gue, dong. Cepet luh ambi lin gue jengkol di piring “

           Panjul baru ngeh, kalo die masih diri di depan kong Lihun. Kuatir dibentak terus, buru buru ngambil piring beling. Nyendokin semur jengkol dari panci, nyang masih di atas kompor

         Kong Lihun nyang perutnye udeh rock n roll, lapar seberat-beratnye, langsung ngegas ruk. Saking asyik, kong Lihun nyang sesaat lupa sama anaknye, kagak tau kalo ada nyang dateng. Langsung duduk di sampingnye. Ngeli at bang Panjul baru naro piring nyang isinye jengkol semua, calon pembeli nyang baru da teng, melongo

Bersambung........

Tweet