CERBER (26)

DUA PULUH ENAM

            “Enyak gimane juga, sih? Pastinye, Mu mun emang wajib maafin enyak. Lagian, kalo kate Mumun, enyak nggak salah, kok? Sebab, mpok Lela nyang emang lagi salah kaprah, mesti tetep di perhatiin. Cuman, merhatiinnye, jangan sampe dianggap kite ngedukung sama sikapnye, nyak ?”

            “Sebetulnye, sih, mau enyak juga, gitu. Tapi, yaaa, namanye juga enyak nyang ngan dung mpok lu. Jadi, nyang ada, cuma rasa kagak tega. Kalo inget ame sikapnye, enyak emang gedek. Tapi, kalo mikir die bisa makan atawa malah kelaperan, enyak jadi sedih.

            Masa’ sih, buat ngontrak rumah sama makan aje, di zaman canggih begini, pake su sah? Ternyate,  di zaman kayak ape juga, pasti nye emang bakal susah, kalo punya laki, males nye kebangetan. “

            “Pastinye, emang gitu, nyak. Di mane-mane, males tuh cuman bikin susah. Sebab, males tuh pangkalnye ketololan. Tolol, pangkal nye kemiskinan. Miskin, pangkalnye kekufuran

Tapi, sekarang enyak nggak usah mikir banyak deh. Enyak istirahat aje, yee. Mumun mau bikinin kopi buat baba dulu “

            Mpok Ida, ngebiarin Mumun ninggalin kamar. Die terus ngerenung sejenak. Nyoalin sikapnye, nyang kagak teges, sama Lela. Pada hal, lantaran selama eni kagak teges, Lela jadi ngelunjak. Jadi, kagak pernah mau dengerin na sehat, apelagi kemauan orangtue.

            Padahal, tiap blangsak, lari-larinye balik ke orangtua, juga. Buat ngontrak, mintanye ke orangtua. Buat makan, mintanye ke orangtua. Bukan ke mertua.Giliran disuruh minta ke mer tua, dia malah bilang, takut disangka mantu tu kang peres.

            Sebab, kata Lela, jangan kate buat ngem panin Romli ples bini sama anaknye, buat ngempanin adenye si Romli aje, nyang sekolah nye baru di kelas dua esempe, udeh babak be lur. Udeh kagak sanggup. Mau teriak minta tolong sama pemerentah, takut dikatain orang gila.Mau minta BLT kagak kebagian terus, lantaran pak erte lebih mentingin keluarga de ket sama temen deketnya nyang pada belagak miskin

(5)

      KONG Lihun mulai ketar-ketir.  Soalnye, Nurdin, nyang mestinye udeh pulang dua ari nyang silam, sampe jelang Ashar, batang idungnye belon juga keliatan.

       “Bener-bener keterlaluan tuh anak. Telat pulang, bukan ngasih kabar kenape bisa begitu, eh, gue mau tau kenape bisa belon pulang, dihubunginnye malah susah?”

       Kayaknye, kagak abis-abisnye kong Lihun ngegerutu. Maklum, kalo si Mumun nyang kate bang Somad minta waktu barang seminggu, bener bener ngasih jawaban pas hari ketujuh tapi si Nurdin belon jelas di mane batang idung nye, pasti ngebingungin.

Bersambung…..

Tweet