(CERBER (40)

BUKAN Mantu IDAMAN

Oleh : Oesman Ratmadja

EMPAT PULUH

        Die nyang ngeringis nahan sakit, kagak mau bilang kalo babenye nyang senang, senga ja nginjek kakinye, ngeluapin rasa hepi seudeh makan disediain teh panas

        Nurdin sendiri, kagak mau bilang terus terang, kalo babenye, senang punya mantu Ni na. Kenape? Nurdin kagak mau muji Nina Be ler, lantaran kuatir bininye mangkak. Alesan lain, bininye pasti bisa ngebaca suasana nyang tercipta akibat tampilan Nina nyang nyenengin dua lelaki—suami dan mertua, selaen Nina memang tau kalo dirinye diamanahin supaya bisa ngebangun hubungan harmonis sama mer tua.

        Kong Lihun salut sama Nurdin, nyang bisa jaga, bisa ngelindungin rasa senang babenye pada Nina, tapi kagak ngebilangin langsung ke Nina Beler.

        Kong Lihun nyang kelar shalat dzuhur, langsung ngejerit lantaran kakinye kram, lagi-la gi ngerasain hepi. Soalnye, Nina begitu tang gap.Begitu ngedenger jeritan mertoku, lang sung nyamperin. Tau kaki mertokunye kram, tanpa ragu, Nina langsung urutin. Begitu kelar, kong Lihun diminta cepet-cepet makan siang.

        “Ape gue kagak hepi?” Tanye kong Lihun ke bang Panjul, nyang sengaja mampir ke wa rungnye.

       Kong Lihun sengaja ceretain kelebihan mantunye, nyang kpribadiannye nyenengin. Po koknye, emang hebat punya. Saking seneng, kong Lihun nggak cuman nyeritain ke Panjul  Tapi, die juga ngebisikin, supaya bang Panjul, kagak ambil bayaran delapan orang nyang lagi nyantap ketupat di warungnye.

      “Kalo pada nanya, bilang aje gue lagi ulang taon,” bisik kong Lihun ke kupingnye bang Panjul.

     Bang Panjul setuju. Die yakin, kong Lihun pasti nepatin janji. Cuman, bang Panjul kagak sehati. Diminta kalo ditanya bilang engkong Lihun ulang tahun, dia malah bilang, kong Li hun lagi hepi lantaran mantunye terus terusan bikin hepi.

        “Waaah, terima kasih, kong. Selamet yee, kong, semoga menantu engkong bisa bikin eng kong hepi seumur-umur,” Wawan Tunggul Alam, wartawan sebuah tabloid ternama nyang ngelanggan di warung bang Panjul mulain dari kost di daerah situ, langsung ngucapin selamet

       Die kagak kepaksa. Tapi, sebates seneng lantaran baru kali ini, bisa makan ketupat gratis ditraktir sama engkong-engkong, nyang hepi begitu serumah sama menantunye.

       “Tapi, ati-ati, lu kong,” Gatot Sukoco, pe ngusaha furniture nyang meski udeh sukses, tetep ngefans ketupat bang Panjul, gak cuman

ngucapin selamet. Tapi, berani ngewanti-wanti

       “Kenape gue mesti ati-ati?” Tanya Kong Lihun.

       “Soalnye, kesan pertama, emang bisa lang sung ngegoda, kong. Tapi, selanjutnye, bisa aje ngempetin. Buat mantu engkong, mudah-mudahan kagak “

       Begitu pada bubar, kong Lihun nyang cepet-cepet bayar harga ketupat. Kelar bayar, die injek kaki Panjul sekencengnye.

       “Aduuuuuh, sakit. Kenape engkong senga ja injek kaki saye ?” Panjul ngeraung sambil ngangkat kakinye nyang kesakitan ke bale. Tangannye ambil kipas buat ngipasin jempolnye nyang diinjek kong Lihun

Bersambung…….

Tweet