CERBER 39

    Oleh : Oesman Ratmadja

 TIGA PULUH SEMBILAN

    Sebenernye sih kong Lihun kepengen ngerasa malu. Tapi lantaran kepengennye belon sampe ke tingkat banget, doski jadi bisa nyempilin mokalnye di kantong baju.

    Bukan gengsi atawa gak mau ngakuin dirinye keliru. Soalnye, kan Nina kagak tau kalo kong Lihun punya pandangan nyang kong Lihun sendiri nyang tau.

       “Kalo mau nambah, bilang ke Nina, yee, be. Jadi, babe kagak usah repot. Biar cukup Nina aje nyang ngelayanin,” kate si Nina.

        Tentu aje ngucapinnye serius. Gitu juga ekpresinya. Boleh jadi, Nina Beler kepengen kalo die menantu nyang meski penyanyi tapi siap merhatiin suami juga siap perhatiin mertua.

        Ngeliat show of force bokinnye, Nurdin langsung ngelirik babenye. Nggak taunye, sang babe juga  ngelirik ke Nurdin . Begitu saling mejeng lirikan, Nina Beler ngeliat.

      “Ade ape, sih, bang. Kok saling lirik tapi kagak ajak-ajak Nina”

     “Kayaknye, babe kagak bakalan bisa nam bah. Soalnye, Nina baru aje ngasih babe  sepi ring mentung, “ Nurdin, kepaksa berkilah. Die belum mau bilang, babenye seneng punya mantu kayak Nina Beler

     “Eeh…babe jangan denger bang Udin. Po koknye, kalo belon kenyang, mau nambah, ja ngan ngambil sendiri. Biar Nina nyang laya nin,” kata Nina Beler, nyang tentu aje kepingin banget pamerin kepribadiannye.

       “ Kalo begini adanye, kayaknye babe bakal nambah, nih ?” Kata engkong Lihun.

       Mau kagak mau die mesti ngomong, lanta ran penampilan Nina Beler, emang mesti di ap resiasi

       “Nina malah demen, deh, kalo babe nam bah. Soalnye, jadi kagak kuatir. Sebab, tanda nye babe sehat, seger”

       Akhirnye, Kong Lihun emang nambah. Ni na Beler, ngebuktiin. Tapi, kali ini, pake lebih dulu nanya. Jengkolnye cukup, be. Nasinye, se gini kebanyakan ape cukup, be? Lantaran porsi nambahnye pas, kenyangnye, juga jadi ngepas.

        Begitu Nina Beler kelar bawain piring be kas makan ke tempat cucian, langsung dicuci, lagi-lagi, kong Lihun sesenggukan.

        “Babe kenape, sih? Tadi, waktu ngopi nangis. Sekarang, kelar makan, mewek? Ape nyang babe sedihin?”

        “Gue bukan lagi sedih, bego. Tapi, terharu Gue tuh nangis lantaran kagak nyangka, bisa hepi kayak gini. Bini lu, emang menantu nyang oke punya “

        “Mantan penyanyi dangdut, lho, be ?”   

        “Iye..iye..gue tau. Tapi, bini lu laen dari pe nyanyi dangdut nyang kebanyakan  lebih pinter ngaku kagak sempet ngurusin laki lantaran capek abis show“

        “Kebukti lagi, kan, be ?”

       “Iye, gue tau. Mangkenye, gue nangis tapi hepi “

       “Mau nangis terus, be. Bentar lagi bini Udin kelar lho, nyuci piringnye,” Udin jadi seneng godain babenye.

        Kong Lihun buru-buru ngusap aer mate. Cepet-cepet netralin dirinye. Pas Nina Beler no ngol, bawa due gelas teh hangat, kong Lihun langsung komentar dalem ati

         “Ternyata, gue salah duga. Kirain gue si Udin bakalan kebelejok, kagak taunye, dalem hal cari bini, die lebih  pinter dari gue. Gue aje waktu kawin sama penyanyi dangdut berantakan. “

         Kagak cuman komentar atawa muji dalem ati. Tapi, juga sambil nginjekin kaki Udin. Terang aje, adegan mesra bokap-anak, kagak kepantau Nina. Makanye  Nina kaget pas ngeliat Udin meringis kesakitan. Spontan, nanya kenape Nurdin, lakinye, bisa ngedadak ngejerit kesakitan.

         “ Kagak ape-ape. Abang gerakin kaki ke kencengan. Kagak taunye, mentok ke kaki kursi,” sahut Nurdin

.

Bersambung…………

Tweet