CERBER 38

Oleh : Oesman Ratmadja

TIGA PULUH DELAPAN


          Nurdin jelas kagak boong. Waktu die bi lang, langsung ngunjukin tiket ke hawai, hadiah dari produser PT Asoi Geboi Film. Mangkanye, Nina Beler kagak keberatan. Toh, akhirnye ba kal bulan madu, juga. Ke Hawai, lagi. Terlebih, misi lakinye, ngakrabin hubungan mantu sama mertua, mulianye kebangetan. Jadi ?

           “ Buat ape Nina nolak ? “ sahut Nina Beler, nyang di hari pertame tinggal di Mertoku Town House alias di rumah mertue, berusahe nampilin jati dirinye.
         Kayaknye Nina Beller  kepengen pamer kalo dirinya nyang penyanyi dangdut tapi sama suami, nurut. Sama mertoku, juga bisa nyiptain hubungan nyang kesannye kagak plintat plintut.

         Mangkanye bikin Kong Lihun kaget. Doski kagak nyangka, Nina Beler bisa bangun sebelon azan Subuh kedengeran. Seudeh keramas-maklum masih penganten anyar, die shalat Subuh. Lantas buru buru ke dapur. Kelar nyeduh minuman die ngebangunin lakinye.

           Kong Lihun nyang punya pengalaman berumah tangga bareng penyanyi dangdut, tentu aje, kagetnye kaget beneran. Soalnye, kagak nyangka, Nina Beler malah udeh nyediain kopi buat lakinye. Kopi buat Kong Lihun juga udeh stand by alias tinggal diseruput.

           “Subhanallah…nggak taunye, lu perem puan bener,” kate kong Lihun. Cuman omongannye cuman ngejeblak di  dalem ati. Maklum, seudeh ribuan waktu subuh dilewatin,  baru subuh ini lagi, begitu kelar shalat, langsung bisa ngopi tapi kagak perlu cape lantaran biasanye, lebih sering bikin sendiri.

          “Babe kenape nangis?” Tanya Nurdin, nyang tentu aje kaget, lantaran begitu  Nina Be ler, bininye, pamit ke kamar mandi buat nyuci in pakean penghuni rumah, engkong Lihun langsung sesenggukan

          “Gue jadi inget sama enyaklu,” kate kong Lihun, nyang berani ngejawab jujur lantaran di ruang tamu, tempat die sama Nurdin lagi asyik ngopi, udeh nggak ada mantunye..

          “Inget enyak? Kalo gitu, ntar ape salah nye ntar kite ziarah ke makam enyak?”

         “Gue tuh, inget sama enyak lu, lantaran kagak nyangka, kalo bini lu, udeh mulain jadi bini. Persis enyaklu. Bangun duluan di waktu subuh. Kelar mandi, bangunin laki. Lantas, die masak aer panas, nyiapin kopi. Bini lu, tau punya mertua, juga bikinin buat mertua “

         “Oooh, gitu. Jadi, babe nggak mau ziarah ke makam enyak ?”

         “Kan, belon lama kita bareng ziarah ke makan enyak lu. Nggak inget ape, waktu lu mau nikah, gue ajak lu ke sane?” Kong Lihun malah sewot.

         “Hihihihihi babe, pagi-pagi jangan sewot, kenape ?”

         “Lagian, elu juga, sih. Gue lagi terharu malah diajak ziarah. Mestinye, lu nanya, kok bisa, sih, babe inget sama enyak? Gue pasti nge jawab, lantaran kagak nyangka, kalo bini lu, ke liatannye bae”

         “Be, kan Udin udeh bilang. Kalo mau nikah sama Udin, mesti nurut. Mesti ikhlas  nge layanin Udin sebagai laki “

       “Mudah-mudahan, bukan lantaran masih ja di penganten baru. Tapi, emang die bini nyang bae, seterusnye tetep begitu“

       “Yaa, mesti begitu, dong be. Kalo kagak, pasti langsung Udin pulangin ke nyokap bo kapnye, be

       “Hebat juga, lu. Jadi suami, dari mulain ka win, emang mesti besikap teges. Kalo kagak, bini bukan aje bisa ngelunjak. Tapi, juga bisa nyusahin. Mestinye bisa kita atur, malah mau nye ngatur. Kayaknye, bini lu, calon perem puan sholehah   “

       “Amin. Makanye, laen kali, babe mesti per caya sama Udin. Mulain terbukti, kan ? Mulain babe rasain, kan, bukti dari  omongan Udin?”

Kata sang anak dan ini yang bikin engkong LIHUN kagak bisa berbuat banyak. Die ngerasa kagak bekutik dan mengakui nyang diomongin anaknye bener alias terbukti

Bersambung…………

Tweet