CERBER (37)

Oleh : Oesman Ratmadja

TIGA PULUH TUJUH

                                                         

        Kayaknye, Bang Somad keseeeeeel buanget. Cuman, mau gimane lagi. Soal jodoh emang hak anaknye buat nentuin siape nyang bakal diterima jadi lakinye

        “Aaah, bodo, dah, ah. Terserah ape mau lu aje. Nyang penting, sekarang gue mau ngopi dulu. Seudeh ngopi, gue mau ke rumah bang Lihun. Gue bilang aje, up to you. Setuju, kan, lu kalo babe ngasih jawaban kayak gitu ?”

       “ Setuju banget, be. Emang entu nyang bisa Mumun jelasin. Eh, iye, be..Mumun tidur dulu, yee. Ngantuk banget. Semalem, mpok Le la ngeluh terus perutnye sakit. Jadi, baru jam tiga Mumun bisa tidur. Untung, subuh bisa ba ngun. Kalo kagak? ”

       Mumun ninggalin babenye, nyang lantas nyosor ke belakang buat nikmatin kopi

(7)

          NURDIN narik nafas selega-leganya. Ka yaknye die ngerasa lebih lega dari luas areal lumpur Lapindo,  nyang dalem tanahnye penuh gas, tapi dalem diri warga nyang jadi korban, cuman dipenuhin sama penderitaan.

          Nurdin kagak tau, warga korban lumpur Lapindo udeh bebas dari duka nestapa ape ma sih terus bekelai ngelawan kesedihan. Soal nye, nantinye, Nurdin mau bikin true stori dalem trilogy.

        Nyang pertama, die mau kasih judul Be canda dan Nangis Di Dalem Lumpur. Bagi an kedua, dikasih judul Biarkan Aku Nyebur Ke Lumpur dan nyang ketiga betajuk Hati Siokap Yang Kian Berlumpur.

          Nurdin yakin, kalo tuh filmnye kelar, bakal laris manis dan bakal berhasil ngeraih Lumpur Award. Cuman, semua masing dalem rencana. Survey aje belon sempet dilakonin. Nyang sekarang riil, masing asyik nikmatin cuti kerja, buat ngelakoni bulan madu bersama Nina Belek

          Bulan madunye, bukan ke Bali, bukan ke Lombok, juga bukan ke lokasi wisata terindah di Indonesia atawa di negara tetangga. Tapi, di Lihun Cottege alias di rumah bokapnye, pak Li hun bin Madroi alias engkong Lihun, di kawa san kampung Sukamanyun.

          Nina Beler nyang rela dinikahin doang tanpa pesta, tanpa layar tancep atau Lenong apa lagi orkes melayu, nyang bisa aje dibayar murah lantaran die termasuk biduan nyang paling diandelin, mesti bilang rela lantaran Nur din punya tujuan nyang paling mulia. Ngakra bin hubungan Nina Beler dengan mertuanye, engkong Lihun.

         Nanti, begitu kelar syuting film nyang mau mulain die garap seabis cuti, baru ngajak Nina Beler bulan madu ke Hawai, manfaatin hadiah dari produser, nyang udeh yakin duluan, film perdana nyang mau digarap Nurdin, Nya nyian Kusno Buat Mr Markus nyang pasti  diproduksi sama PT Asoi Geboi Letoi film, bakalan meledak. Sebab, nyanyian Kusno Dua dji nyang pangkatnye Komjen, disenangin bang et sama masyarakat di seluruh tanah air.

         Terlebih, video klipnye aje belum ada nyang bikin. Jadi, kalo filmnye muncul, pasti meledak hebat. Dahsyat. Terlebih, kalo promo nye, asyik punya. Wow ! Diyakinin bakal jadi filem pertama nyang boleh ikutan festival film dunie

Bersambung……
#cerber36

Tweet