CERBER (25)

         

• DUA PULUH LIMA
  
  
  
  
  
  
          “ Tau deh, bang, gue kok nggak bisa kon sekwen, yee. Apelagi kalo lagi inget ama cucu gue. Kasianan banget, tuh bocah. Makan ape kagak? Bisa minum susu ape kagak? Huhuhuhu huhuhuhu, Lelaaa,  Lela, kenape nasib lu jelek banget, sih ?”
          Mumun kepaksa ngebujuk enyaknye, nyang ternyata, tetep sayang sama mpoknye. Emang, sih, kadang, Mumun juga kesel sama Lela. Udeh tau lakinye cuman ngebelangsakin, eeeh, tetep aje dipertahanin. Lela sendiri belon tapi ngerti, cinta mpoknye sama bang Romli, cinta berat nyang suci, atawa cinta salah kaprah nyang cuman bikini dup susah.
          “Nyaaak…sekarang tuh, di mane mane lagi susah aer. Enyak jangan nangis? Kalo aer mata enyak, akhirnye ke buang abis, waktu le baran dateng, nanti enyak repot kalo kagak bisa nangis? Iye, nggak, ba ?
          “ Anak lu nyang baru dua puluh taon aje, kagak suka ngeliat enyaknye cengeng? Apelagi gue, Ida. Tapi, elu emang juga susah diyakinin Kemaren bisa lupa, eeeh, ni ari, nggak puguh puguh, malah nangisin si Lela
         “Babe, jangan malah mojokin enyak, kenape, sih be ?”
         “ Gue cuman mau bilang sama, lu, Mun.
         Sekarang susah nyari buah jamblang / Tapi        mangkin banyak anggur cap jenggot/ Kalo udeh bilang siap si Lela di buang / Mestinye ikhlas meski di kecebur ke got.
              Nyatanye, kemarin doyan duren, seka rang malah suka manggis. Kemaren janjinye ke ren, eeeh, sekarang malah bisanye nangis “
              “ Iyee..iye..gue salah. Gue kagak konsis ten. Tapi, ape salahnye kalo gue nangis ?”
              “Ida..Ida…Sri Mulyani aje, siap ngundu rin diri. Masa’ lu, kagak siap besikap teges sa ma si Lela? Bukan seterusnye, Da. Cuman sam pe die gugat cere lakinye. Begitu die jadi janda, cepet kita ambil lagi dari lakinye. Ngerti lu “
              “Gue ngerti, kok. Cuman, kenape tiap gue mau nyoba konsekwen, nyang ngegeliat di ati gue, malah kangen sama si Lela, ye?”
              “Timbang gitu, kan, mending kite fokus
  ke masalah si Mumun. Iye, nggak ?”
              Mumun nyang ngeliat mata babanye natap die, langsung ngejawab
              “ Be…tunda aje, deh, dulu soal lamaran
  Pokonye, paling lama seminggu, Mumun udeh ngasih jawaban. Sekarang, Mumun mau bawa enyak ke kamar. Supaya bisa istirahat. Supaya lupa sama permasalahan,nyang tadinye kite lupa, tapi ngedadak muncul lantaran Mumun ngomong soal mpok Lela “
              Bang Somad cuman angkat bahunye.
              Mumun terus mapah enyaknye ke ka mar. Ngebaringin mpok Ida nyang asih seseng gukan, di ranjang.
              “Maafin enyak, ye Mun. Gara-gara enyak, rusak deh, suasana. Padahal, intinye, enyak kepengeeeen banget  punya mantu nyang bener. Kagak kaya, no problem, kok. Nyang penting, tanggung jawab, sayang sama bini, sayang sama mertua. Getol beamal. rajin ibadah. Kepengeeen, banget enyak kayak orang-orang, nyang katanye beruntung lantaran mantunye kagak kayak mantu enyak. Mudah mudahan, kalo lu jadi nikah sama si Nurdin, Tuhan bener-bener ngabulin doa enyak“
              “Enyak…enyak…mending istirahat aje, deeeh. Besok atawa lusa, baru kita sambung lagi ngebahas soal lamaran Kong Lihun “
              “Tapi, elu maafin sikap enyak nyang ka gak konsekwen, kan, Mun ?” Tanya sang enyak nyang kayaknye kepengen anaknye ngemaklumin sikapnye
  
  
  
  
  
  
  
  
  
  
  Bersambung……….

Tweet