CERBER (24)

DUA PULUH EMPAT

“Ngomong nyang bener, lu. Ape boleh bu at lu bilang ape boleh baut. Emangnye anak kite nyang cakep, lu anggap spakbor. Kalo gare gare buat lu bilang baut si Mumun bisulan atawa jerawatan di pipinye, awas. Lu nyang mesti betanggung jawab bawe die ke sablon kecakepan “
“Naah, abang sendiri, salon kecantikan abang bilang sablon kecakepan. Emangnye, anak kite kaos belel, nyang mau disablon buat dipake demo buruh nyang gajinye baru dinae kin sewindu sekali “
Ngeliat kelakuan nyokap-bokapnye, Mu mun cuman senyam-senyum.
“Ya, gue, kan salah lantaran khilaf”
“Mangkenye, jadi menusie tuh jangan som-som. Bini salah dikit aje, pake langsung vonis. Mestinye, jadi laki tuh, punye jiwe kayak ha kim nyang nanganin kasus si Gayus. Jadi, bini salah, apelagi cuman dikit, jangan maen vonis. Kalo ngebebasin, kan jadi enak same enak.. Ntar malem aye kagak mau ngekepin, baru tau rase, lho “
“Iyee, iyeee…laen kali, lu salah gue maafin. Gue bebasin. Tapi, kalo ngancem laki, jangan nyang strategis dong. Terlebih, di depan anak kite nyang cakepnye kagak kalah sama Evie Ta’lama-lama. Kalo nanti diikutin, ditaula danin, kan kesian si Nurdin ?”
Canda Somad sama bininye, bukan seba tes buat nyegerin suasane dialog ngebahas lamaran. Tapi, sekaligus ngegiring anaknye su paya nerima lamaran kong Lihun, nyang mau jadiin Mumun mantunye. Nyang mau ngawinin Mumun sama anaknye, Nurdin.
“ Baba..baba..bisa aje, deh. Baba nyeneng in ati Mumun. “
“Jadi, lu seneng dilamar sama si Lihun? “
“Yaa, seneng, be. Cuman, bukan berarti Mumun nerima begitu aje . Mumun, kan, mesti mikir dulu. Ngerenungin dulu. Juga, kudu min te pendapat sama mpok Lela. Gitu-gitu, kan , mpok Lela mesti dimintain pendapet. Ngedu kung ape, kagak kalo Mumun terima lamaran”
“Aaah, elu, “ samber bu Somad. “Si Lela tuh, jangan lu contoh. Die emang mpok kan dung lu. Tapi, die kagak mau denger nasehat orangtue. Dibilang jangan mau dideketin si Romli, malah die nyang kayak lem. Maunye lengket. Sekarang, lu tau, kan, kenape dia jadi blangsak?
Lantaran si Romli, lakinye, udeh miskin tapi somse. Die tuh sombong sekali, Mun. Tau udeh punya bini, kagak mau kerja. Begitu punya anak, maunye ngayap. Nonton dangdut, begadang di layar tancep. Akhirnye ngerepotin orangtua.
Udeh punya laki, mau ngontrak rumah aje, mesti minta ke orangtue. Tapi, tiap dinasehatin, malah ngelawan. “
“Ya, enyak. Namanye juga mpok Lela cin te berat sama bang Romli “
“Cinte berat? Nyang kaya gitu, tuh, nama nye bukan cinte berat, Mun. Tapi, cinte kutu kupret. Emangnye cinte bisa buat beli beras, terus dimasak jadi nasi. Bisa dituker sama kopi, gule atawa lauk pauk?
Buat dituker sama susu anaknye aje kagak, bisa?”
“Udeh..udeh…biar aje sih Lela ngerasain akibatnye. Nyang penting, kite konsekwen. Ka lo die dateng ke rumah, jangan kite cemberutin Tapi, kalo die minta duit, ngebungkus nasi buat makan lakinye, jangan kite kasih “
“Tapi, gue kagak tega, bang. Gitu gitu, juga, nyang ngandung si Lela, kan, gue ?”
“Barusan, lu kayaknye begitu empet. Begi tu gue bilang kite mesti konsekwen, nyang tuju annye buat ngedidik, supaya si Lela lebih bae cere daripade punye laki udeh miskin tapi kagak mau kerja, eeeh, lu malah langsung mewek. Gimane juga, sih, lu. Di bibir lu bilang kagak suka, tapi di ati, kagak tega. Kalo begitu terus, keenakan lakinye. “
Bang Somad bukan cuman ngingetin, tapi kayaknye die protes kelakuan bokinnye nyang dianggap kagak konsisten





Bersambung…..

Tweet