» » CERBER 36

CERBER 36


Oleh : Oesman Ratmadja

TIGA PULUH ENAM


       “Yaa, terserah die aje kali, be ?” 
       “Terserah gimane?" Tanya Bang Somad nyang kepengen banget  tau jawaban Mumun secepetnye
       “Babe..babe,” kata Mumun nyang sama se kali kagak keliatan grogi.
       “ Mumun, kan minta waktu seminggu baru bisa kasih jawaban. Sekarang, baru ari kelima. Jadi tiga ari ke depan, baru Mumun bisa kasih jawaban. Seka rang, lebih bae, kite gejrot-gejrot aje, deh, be “
      “Lu jangan becanda, Mun,” sela enyaknye. “Lagian, kalo lu mau makan tahu gejrot, ena kan langsung ke Cirebon. Kalo nyang di sini, rasenye kurang sedep “
      “Ida..Ida..sama makanan aje, lu langsung inget. Lebih bae lu cepet ke dapur bikinin kopi buat gue, deh ?” Bang Somad kayak kagak suka bokinnye ikutan kasih komen
     “Emang abang kagak bisa bikin kopi sendi ri? “ 
     “Ngapain lu jadi ngotot gitu, sih? Gue, laki lu, barusan kan, bilang, bikin kopi. Lu kagak bakalan bisa masuk sorga, Ida, kalo laki minta kopi kagak langsung lu penuhin”
     “Laaah, abang. Ape hubungannye bikin kopi sama kagak bakalan bisa masuk sorga?”
     “ Lu tuh, udeh ngaji kemane aje, sih, Ida sayang? Selama ngaji, lu kagak diajarin ape kagak nyimak sih, kalo ngelayanin suami,tuh, termasuk ibadah fisik dan ibadah ati terindah bagi kaum perempuan ?”     
        “ Iye..iye..Ida siap kok ngelaksanain iba dah terindah,” mpok Ida kepaksa nyelonong ke dapur. Die kudu ikhlas nggak ikutan berembuk. Bukan rela atawa kagak rela. Tapi kagak mau sampe terjadi adu mulut sama lakinye
       Bang Somad sendiri, pas tau bokinnye udeh ke belakang, buru-buru nguber jawaban Mumun.
       “Mun…Babe tuh cuman mau jawaban te ges. Lu nerima ape nolak ? Kalo nerime, jelasin ape alesannye.Kalo nolak, tolong sebutin alesan lu kagak bersedie nerima tuh lamaran si Nur din”  
       “Babe gimene juga, sih. Mumun kan udeh bilang, baru bisa kasih jawaban kalo udeh seminggu. Kalo belon sampe waktunye dipakse buat ngejawab, gimane Mumun sanggup ngeja wabnye ?”
      “Kan, nggak ada susahnye, Mun, bilang nolak atawa nerima ?”
      “Masalah begini, bukan soal ada ape nggak susahnye, be. Mumun, tuh, mau jadi perempu an konsisten. Seminggu, yaa baru seminggu bi sa kasih jawaban. Kalo diminta sekarang, kembaliin aje tuh lamaran kong Lihun ke orangnye?”
      “Entu namanye, lu ngegantung harepan orang, Mun? Nyang begitu, sama sekali kagak bae?”
      “Babe kagak bisa bilang Mumun kayak  gitu, dong. Terlebih, Mumun kagak minta dila mar, tapi, engkong Lihun sendiri nyang ujug ujug dateng ke rumah kite. Niat utamanye mau jenguk babe. Kagak tau, ada niat rembesannye Sekarang gini aje deh, be, serahin aje lagi ke kong Lihun,” kata Mumun nyang sebenernye kagak mau panjang lebar ngebahas masalah lamaran buat dirinye.
        Makanye, Mumun lantas buru buru ngasih solusi nyang bagus tapi bukan buat bokapnye. Melainkan buat pribadi Mumun  
        “Jadi, bae engkong maupun bang Nurdin, kite kasih kesempetan ngelamar cewek laen. Se misal langsung diterima syukur. Kalo kagak, di hari ketujuh, baru Mumun kasih jawaban nyang pasti “
        Bang Somad jadi kagak punya peluang buat intervensi lebih dalem soal jodoh anaknye



Bersambung….








0 Response to "CERBER 36"

Posting Komentar

Langganan: Posting Komentar (Atom)