CERBER 35

Oleh : Oesman Ratmadja

TIGA PULUH LIMA

       Bang Somad ngejawab tanpa niat jelek mesti nyang die harap beda sama omongan

       “Kalo menurut lu, sekarang, enaknye gima ne? Kite bareng berangkat ke rumah kontrakan anak gue si Lela, terus kita langsung minta kepastian dari si Mumun? Opsi kedua, gimane kalo abis Subuh, gue suruh si Mumun sama enyaknye pulang. Terus, gue minta kepastian dari si Mumun,

        Begitu ada jawaban, gue langsung mampir ke rumah lu. Gue kabarin langsung ape jawa ban dari anak gue, si Mumun. Cuman, bilang sama babe lu, dia mesti ada di rumah pukul tujuh. Supaya tahu ape jawaban dari si Mumun, nyang sengaja dilamar buat pasangan rumah tangga, lu “

       Nurdin nyang nyimak omongan calmernye, nanggapin dengan tenang.

       “Kayaknye, kalo boleh milih, saye pilih op si kedua. Bukan kagak mau capek, be. Tapi, saye emang udeh capek. Baru sampe rumah ba’da Ashar, belon istirahat, nggak lama terus mampir ke sini. Lagian, kan, semisal ditolak, masih punya banyak waktu. Acara lamaran ba’da Maghrib. Jadi, semisal diterima sempet punya waktu buat ngebatalin. Semisal ditolak, banyak waktu buat nyiapin mental “

       “Kalo gitu, semua udeh jelas. Besok pagi tentu aje makin jelas. Kalo si Mumun nolak lu kagak perlu kecewa. Kalo si Mumun nerima, lu mesti siap nikahin anak gue “

       “Oke be. Deal. Saye sepakat. Ditolak ata wa diterima, saya siap ngadepinnye. Saye pa mit, ye be “

       “Eh, lu jangan lupa. Salam dari gue buat babe, lu. Bilang, cepet kempesin tuh kakinye nyang lu bilang masing bengkak “

                                   ******

     MUMUN emang kaget. Malah sempet be ngong. Tapi cuman sebentaran doang. Selebih nye, Mumun sama sekali kagak bingung. Ka gak nganggap aneh. Juga kagak ngerasa diteken atawa dimaenin  Pasalnye, kan, lamaran eng kong Lihun, bukan nyang diangan-anganin. Bu kan lamaran nyang emang paling diimpiin.

      Ujuk-ujuk dateng ke rumah. Alesan mau nengok baba nyang lagi sakit. Apel sekeranjang juga bukan pertanda lamaran. Duit di amplop juga kagak ada kaitannye sama sekali. Sebab, kong Lihun ngejelasin begitu gamblang, buat ngeringani biaya berobat baba nyang lagi sakit.        

      Jadi, yaa, no problem. Artinye, kalo emang kagak mau nunggu, silahkan aje lamar cewek la en. Bukan maksud Mumun mau ngegantung harapan Nurdin. Tapi, menurut Mumun, lanta ran waktu nyang diminta belon abis. Belon se minggu. Berhubung waktunye belon pas, soal jawaban die ngerasa kagak punya kewenangan buat mastiin.

       Artinye, dibilang nolak, kagak salah. Toh, ujung-ujungnye emang bisa aje, nolak. Dibilang nerima, juga bisa bener. Sebab, semisal waktunya sampe, bisa aje Mumun nerima Nurdin jadi lakinye. Ngedampingin Nurdin sebagai bininye.

       Kan, udeh direnungin. Udeh dipikirin, mulai dari yang paling cetek sampe nyang paling dalem. Mulai dari nyang kagak keliatan sampe nyang bener-bener transparan. Terlebih

udeh ngabisin waktu seminggu. Tujuh kali dua puluh empat jem, kan, emang udeh mateng tuh pertimbangan

    Lantas ?

    Mumun emang ngejawab, tapi jawabannya kagak bikin puas sang bokap

Bersambung………..

Tweet