BUKAN MANTU IDAMAN 34

TIGA PULUH EMPAT

       Mangkenye, Nurdin lebih kepengen tau jawaban secepetnye. Bukan jawaban nyang di sampein besok, lusa atawa tiga hari ke depan. Apelagi sampe sebulan. Juga bukan jawaban nyang kalo waktunye udeh pas seminggu, baru dianggep mateng

        “Be…mestinye, sehari sebelon babe saye dateng ke sini, saye tuh udeh sampe di rumah. Waktu ngelamar, ikut ke sini. Tapi, lantaran di lokasi syuting terus-terusan hujan, jadwal syu ting jadi sering diganti sama break. Santai seharian.. Akhirnye, jadwal kerja kite di lapang an, molor beberape ari. Jadi  saye baru bisa pulang tadi siang.

         Tapi saye sempet bilang sama babe, nyang kalo saye kepinginnye  langsung dapet jawaban. Diterima atawa ditolak, mesti ari entu juga. Sebab, semisal ditolak, lima ari seudeh babe saye ngelamar Mumun, saye janji mau ngelamar cewek laen. Tapi, saye udeh bilang sama tuh cewek, semisal diterima, saya bakal cepet ngasih kabar, kagak jadi ngelamar. Jadi, gimane, ye, be ?”

         “Gimane apenye? Bilang aje, terus terang lu mau minta kepastian malem ini juga,kan? “

     “ Maaf  be…babe jangan kesinggung. Saye ni, bener-bener bingung. Tapi, kalo malem ini Mumun kasih jawaban, saye bisa ambil sikap. Artinye, kalo Mumun nerima saye jadi lakinye, saya berani ngebatalin lamaran nyang udeh di jadwal besok. Tapi, kalo Mumun nolak, saye  kagak bakal kecewa. Soalnye, besok udeh ada jadwal ngelamar nyang laen “

    Bang Somad, sama sekali kagak keliatan ke cewa. Malah, sebenernye, die mau berdoa se cara khusus, supaya di saat nyang udeh ditentu in, Mumun nolak lamaran engkong Lihun. Soal nye, terus terang, begitu ngeliat Nurdin, bang Somad jadi kagak kepengenan punya mantu kayak Nurdin.Cuma, bang Somad kagak kepe ngen pengaruhin Mumun. Jadi, soal Mumun si apnye merima atawa nolak, terserah anaknye

     Kalo Mumun mau, nerima, berarti die mau punya laki nyang rambutnye kayak perempuan. Panjang. Pake diiket, lagi. Berarti, juga iklas pu nya laki nyang jogrogannye juga kagak ngeju rus ke lelaki alim. Tapi, selengean.  

     Semisal Mumun mau, siap nerima Nurdin, nyang mulain dari kuliah jarang maen di kam pung sendiri, die mesti rela kawin sama lelaki, nyang menurut bang Somad, jogrogannye kagak kayak lelaki sejati.

      Soal ati, bang Somad emang belon tau. Tapi, jadi tambah kagak kepengenan ambil Nurdin jadi mantu, lantaran kata Kong Lihun,  Nurdin bukan orang film. Tapi, pedagang ba rang antik.

       Nyatanye, lelaki berambut panjang nyang babenye udeh dateng ngelamar Mumun,  bukan pengusaha barang antik. Tapi,  kerja  di dunia film. Dunia glamour. Dunia penuh sensasi. Du nia nyang orang-orangnye sering diberitain lan taran kelakuannye aneh aneh. Suka becintaan di lokasi syuting. Suka pada kawin cere.

      Pastinye, waktunye juga lebih sering di lokasi syuting timbang di rumah. Pastinye, gaul nye lebih bebas. Lebih ngejurus ke hal-hal nyang “aneh”

        Bang Somad narik nafas panjang. Segima ne Nurdin, bang Somad juga mampu nyembu nyiin keinginan nolak jadi mertua. Soalnye, kalo dipamerin secara blak-blakan, die takut anaknye malah bersedia jadi bini Nurdin. Kalo begitu faktanye, gimane coba? Pasti kagak enak Soalnye, Mumun mau, berarti rela jadi Mertua

Masa, mesti terus-terusan nunjukin rasa kagak suka?

Bersambung……..

Tweet