CERBER 22

DUA PULUH DUA

(4)

      SOMAD bukan kagak bangge. Die malah besyukur, lantaran, anak bungsunye, Mumun, nyang belon dua bulan putus sama cowok sem bleb, bemental amburadul, udeh ada nyang ngelongok. Lamaran Lihun, pasti die pertimba ngin. Cenderungnye, pasti die terime. Sebab, Somad tau, siape Lihun.

         Lihun, emang kesebut lelaki tukang ka win. Tapi bukan doyan kawin. Juga kagak bo leh dimasukin ke jajaran don yuan. Soalnye, emang bukan ple-boy. Terlebih, tige perempu an nyang dijadiin bini, kagak ada nyang ngerasa di madu. Waktu kawin sama Minah, bini keduanye, Lihun udeh nyerein Dewi Pe sek, lantaran waktu entu, kong Lihun nyang belon sukses, kagak tahan punya Dewi Pesek, nyang ngetop banget sebagai penyanyi dangdut 

           Lihun nyang waktu muda masih gan teng, jago bekelai, mulanye, emang bangga. Se bab, Dewi Pesek nyang fansnye ribuan, diincer banyak kalangan. Ada nyang niatnye bener be ner mau jadiin die bini resmi, juga banyak nyang mau jadiin Dewi Persik, bini simpenan doang. Tapi, nyang sukses ngegaet, malah Lihun.

           Jadi, pantes kalo waktu entu, Lihun bang ga. Die bukan aje bisa ngeluluhin Dewi Pesek Sang penyanyi nyang lagi di puncak populari tas, malah Dewi Pesek rela menuhin permin taan Lihun, nyang kepengen banget, Dewi Pe sek jadi bini  sejati. Bini nyang taat, patuh sama laki. Bini nyang siap, ikhlas ninggalin dunie go yang menggoyang nyang bikin banyak lelaki mabok kepayang.

            Cuman, Lihun emang mesti ngalamin nasib apes. Bisnis arengnye nyang mulain ma ju, dilibas pesaing bemodal kuat. Karyawannye nyang sebenernye udeh dibajak, nuntut naik ga ji tiga kali lipet. Lihun, kagak sanggup. Semua pada undur diri, pindah ke pengusahe nyang udeh bisa bikin pabrik gede. Selaen karyawan, pemasok kayu, pengumpul batok kelape, juga nyabut kerja sama. Semua pada pindah haluan, lantaran kalo ngejual langsung ke pabrik, harganye lebih tinggi.

             Lihun nyang usahanye masih tradisi onal, kagak sanggup. Bangkrut. Dewi Pesek nyang semula ikhlas kagak bedangdut, mulain kelimpungan. Soalnye, kebutuhan idupnye ngedrop. Die ngebujuk Lihun supaye ngijinin Dewi Pesek balik  menclok ke panggung. Ale sannye, bikin luluh ati Lihun. Selaen buat nge bantu ekonomi keluarge, juga buat nyari modal buat usahe.

             Seminggu dua minggu, keliatan bener. Begitu jalan tige bulan, Dewi Pesek gugat kong Lihun supaya nyerein. Sebab, Dewi Pesek jatoh cintrong sama pengusaha sukses. Sang distribu tor telor asin nyang rumah ples mobilnye me wah, kagak mau kalo hubungannye sama Dewi Pesek cuman sekedar selingkuhan doang. Die nuntut  supaye Dewi Pesek cepet-cepet ngejan da. Dewi juge  nuntut distributor telor asin nye rein bininye. Dua-duanye nyang jatoh cintrong di empang selingkuhan, rela ninggalin pasangannye masing-masing.

       Engkong Lihun, pusing tujuh keliling

       Kalo waktu entu, siaran radio udeh bisa live, juga udeh ngejadiin dunia seleb kampung fokus liputan, kasus percerean Kong Lihun – Dewi Pesek, pasti jadi berite gede-gedean. Ngegegerin Indonesia. Soalnye, ampir di semue warung kopi nyang ada di kampung Sukama nyun, kampung Kebon Pala, Kebon Singkong, ples kampung laen, ulah Dewi Pesek didisku siin. Konkritnye, dirumpiin abis abisan.

Bersambung………

Tweet