CERBER 23

DUA PULUH TIGA

        Mangkenye, Minah, siap kawin sama Lihun. Soalnye, nggak bakalan ada nyang nuduh die ngerebut Lihun, dari Dewi Pesek. Juga ng gak bakalan ada nyang nanya, “Ape sih, enak nye jadi madu laki orang ?”

        Cuman, jodoh Lihun sama Minah, bener-bener sejengkal doang. Emang, masa berumah tangganye lebih panjang. Sebab, kalo sama De wi Pesek cuman setaon empat bulan, perkawi nan Lihun sama Minah, nyampe ke taon kedua lewat delapan bulan.

        Kali eni, Lihun kepaksa mesti ninggalin Minah, bukan lantaran udeh nikah dua taon, belon juga punya anak. Juga bukan lantaran Mi nah kagak bisa  masak sama kagak bisa ngilangin hobinye, nyang jarang kentut tapi sekali kentut cuman peeesss doang, tapi baunye sampe ke tujuh kelurahan.

         Tapi, lantaran engkong, nenek, nyokap-bokap, adik, abang sama encang encingnye, pada numpang idup. Lihun nyang usahanye ma sih ngos-ngosan, jelas babak belur. Die kagak sanggup nanggung beban berat. Lihun kepaksa nyerein Minah, lantaran keluarganye pada kagak tau diri. Udeh numpang tapi kerjanye cuman ongkang-ongkang kaki.

        Lihun nyang sebenernya kagak tega nyere in Minah, kepaksa balik pulang ke rumah nyo kap bokapnye. Rumahnye sendiri, dihibahin ke mantan bininye, lantaran kuatir Minah tinggal di atas pohon. Disangka tarzan, kan, Lihun juga nyang mesti ikut nanggung malu.

        Pasca cere sama Minah, kong Lihun sem pet collilng down. Tentu eje bise. Sebab, aslinye, Lihun, emang bukan pleboy. Ditambah belon punya anak, Lihun jadi ngerasa bebas buat konsentrasi ke usahe. Otak bisnisnye, jalan lagi. Lihun nyang waktu entu sempet maen ke rumah Beni Keple, sohibnye di kawasan Setia Budi, akhirnye ketarik buat belajar soal ternak menernak ikan mas koki.

        Lantaran orangnye ulet, kagak begitu la me, usahanye maju. Bukan mas koki aje nyang lantas die ternakin. Cupang ples ikan hias laen nye, juge die kembangin. Alhasil, Lihun jadi bi se bangkit. Mangkanye, berani ngelamar Rom lah. Lihun siap ngelawan Mat Geboi, preman pasar Bopak, nyang juge cinte berat, nafsu banget mau minang Romlah jadi bini keempat.

        Mat Geboi nyang waktu entu ngerasa jago, kagak nyangka kalo die bisa dipecundangin Li hun, nyang seari-ari cuman maenin ikan. Tapi, die gentleman, coi. Begitu dibikin ngejoprak ke tanah, die besikap lapang dada. Langsung , ngi jinin Lihun ngelamar Romlah.

       Setaon nikah sama Lihun, bini ketiganye,  baru hamil. Lantaran Romlah pinter ngaji, rajin shalat dan taat sama nyang mesti die taatin, Lihun nyang dikasih anak lelaki, ngasih nama anaknye Nurdin.

        “Nur tuh artinye cahaye, sedangkan din tuh, artinye agame. Nurdin, berarti cahaye aga me. Babe, sih, bakal susah kalo buat nolak lamaran calon besan lu. Cuman, nyang mau be rumah tangge, kan bukan babe. Tapi, elu, Mu mun bin Somad. Jadi, semue gue serahin sepe nuhnye sama elu “

        Kelar lakinyee ngomong, sang nyokap nyang sayang banget sama Mumun, juga bersikap sebijak lakinye

        “Enyak juga sepemikiran sama baba, lu. Nyerahin semue keputusan diterime atawa kagaknye, lamaran bang Lihun sama lu. Kalo oke, kite orangtue seneng banget. Kalo kagak oke, yaaa, ape boleh baut, “ kate sang nyokap

        Lakinye nyang tau sang bokin salah ucap, manfaatin salah omong bokinnye buat nyairin suasane supaye kagak jadi serius banget

Bersambung…….

Tweet