CERBER 21

                                                              DUA PULUH SATU

          

         “Pokoknye, die mesti nerima. Pertame, umurnye kan banyak. Kedua, kalo die terus ke luar kote, pastinye, gue kagak ada nyang nemenin. Ketige, kalo kagak gue cariin, kagak ada tande-tande die mau berumah tangge

Eh, iye, Mun…lu mau kan jadi mantu gue?”

            “Mumun kayaknye belon bisa jawab, kong. Soalnye, masih belon konsen “

            “Yaaa, kagak masalah. Pokoknye, gue juga kagak bakalan permasalahin, kalo sekira nye maksud dan tujuan gue kagak tercapai. Nyang penting, gue udeh usaha. Kayaknye, gitu aje, deh. Sorii, nih Mad, soalnye gue mau siapin peralatan kemping. Tapi, kalo lu ngerasa sehat, mau ikut ke gunung, gue siap ngajak, kok. Gimane ?”

        “Enak aje, lu. Laki gue lagi sakit, kalo di sane kesambet genderuwo gunung salak, siape nyang bisa nungkulin ?”

        “Ah, elu, Ti. Udeh tua masih cemburu aje sama laki? Lagian, di gunung tuh, kagak ada genderuwo nyang bekonde. Sekarang, maaf, nih, gue mau pamit dulu.  “

        “ Eeeh, ngkong jangan gitu, dong. Tehnye belon dikeringin, tuh,” cegah Mumun.

        Engkong Lihun, kepaksa kagak langsung cabut. Tapi, die nikmatin bener, teh bikinan Mu mun, calon mantunye.

        Engkong Lihun ngerasain sedepnye teh bi kinan Mumun. Rasanye,  emang mantep. Pa ling kagak, lebih sedep dari teh bikinan dirinye sendiri, nyang  rasanye sering kagak stabil. Kadang kurang manis, tapi waktu ditambah gule, manisnye malah jadi kebangetan. Kalo cewek nyang manis banget, emang asyik. Kalo keseringan minum teh kemanisan,  kan bisa ke sambet penyakit gule.

         Kalo Mumun jadi mantu, ngkong Lihun kagak perlu lagi bikin teh sendiri. Kagak perlu lagi makan ke warung. Sebab,  ade mantu.

         Kong Lihun yakin, nanti, kalo dibujuk, mantunye pasti mau tinggal di rumahnye Kalo jadi kenyataan, pasti ngasyikin.Di rumah, ada nyang nungguin. Ada nyang nemenin. Kagak lagi bikin kopi atawa bikin teh sendiri. Sebab, kalo anaknye jadi nikah, die punya mantu pilihan..

          Namanye, Mumun bin Somad.

          Masakannye? Emang belon pernah dicici pin. Tapi, tentu aje enak. Soalnye, Mu mun rajin masak. Sekarang belon enak, lame-lame, pasti bisa bikin masakan enak.

          Kong Lihun, pasti hepi. Sebab, kagak perlu lagi repot-repot mikirin ngopi atawa ngeteh tiap ari. Juga kagak perlu mikirin, ke mana lagi die mesti makan, lantaran kalo ke werteg atawa ke warpad (warung padang) terus terusan, juga bosen campur repot.

          Tapi kalo ada mantu ?

          Pastinye, emang asyik. 

          Senyum kong Lihun jadi kayak bintang di langit, nyang terus terusan naburin cahaye Tuh senyuman, bener-bener bikin dunie jadi indah. Soalnye  senyuman kong Lihun, nyang terus behamburan, waktu pulang ke rumah, bisa dibilang senyum nyang kagak pernah dihambur kan sama Kepala Daerah di berbagai kota / kabupaten di Indonesia, setelah sukses dan leluasa di kursi ke kuasaan. .

          Senyum mereka cuman berhamburan saat ngebujuk dan ngarep sebanget bangetnye sama rakyat supaya milih dirinye, saat pencoblosan. Seudeh nyoblos, rakyat nyang kagak punya kerjaan dibiarin aje jadi pengangguran.

        

Bersambung…….

Tweet