DUA PULUH
“ Eh, ade ape, nii. Lu
ngapain ngobrol beduaan sama anak perawan gue? Terus, kena pe tuh anak gue mewek. Lu mau
macem-ma cemin anak gue, Hun?”
“Bang…sabar dulu, bang. Jangan emosi
gitu. Abang, kan ,
dilarang dokter banyak bege rak?” Nyokapnye Mumun, kepaksa ngerangkul lakinye
nyang emosi, ngeliat anaknye mewek, di depan kenalannye nyang udeh bangkotan.
“Terus, ape tuh nyang pake pada
beranta kan
segala?” Bokap Mumun nyang udeh dirangkul sama nyokapnye, tetap berusaha nunjukin
eksistensi.
Mumun, nyang udeh bisa ngilangin
tangi san, buru-buru ngejelasin. Mulai dari awal, nyang bikin die kaget, sampe
akhir, nyang bikin dia kagak bisa ngendaliin emosi, akhirnye mewek lantas
ngusir engkong Lihun sambil tereak. Sampe engkong Lihun ngejelasin mak sud
nyang sebenernye, mau ngelamar Mumun tapi buat dikawinin sama anaknye, di
Nurdin.
“ Jadi, be…sebenernye bukan salah
paham. Tapi, lantaran awalnye Mumun emosi. Mumun juga kagak nanya dulu engkong
Lihun ngelamar buat siape ?”
“Nah, elu, juga gokil, sih.
Ngelamar tuh ngajuin ke gue dulu? Baru gue sampein. Kalo anak gue mau, baru
kite nikahin ?”
“
Yeee, gue. Kan
kagak ada waktu lagi. Ntar sore, rencananye gue mau naik gunung Sa lak. Mau
kemping sama temen waktu muda dulu. Yaa, refreshing gitu. Eeh, pas gue sampe ke
rumah lu, kate si Mumun, lu lagi ke pus kesmas. Jadi, gue ngomong langsung aje
sama die.. Eeh, die salah tafsir duluan. Dikira, nyang mau kawin sama si Mumun,
gue. Jadinye, sem pet ada insiden kecil, deh. “
“Tapi, lu serius nih mau ngelamar
anak gue buat si Nurdin ?”
“ Sebenernye, sih, gue mau
sekalian ba wa kesini, tuh anak gue. Cuman, die kagak te patin janji. Bilang
mau pulang kemaren, eeh, sampe tadi pagi belon juga balik dari Surabaya ”
“Emang si Nurdin kerja dimana,
Hun, kok sampe bisa die pergi jauh ke Surabaya ?
Lu kagak kuatir die nyasar, ape ?”
“Somad…Somad…ke Surabaya ,
kan naek
pesawat. Dari bandara tinggal naek taksi, ke hotel. Si Nurdin, bukan aje ke Surabaye , Mad.
Die juga sering ke Sulawesi ?”
“Kerja ape pelesiran, tuh, anak
?”
“Kerja, dong. Tepatnye sih,
bisnis. Die tuh pedagang barang antik. Jadi, suka ngider cari barang, Bae buat
pesenan kolektor maupun buat stok. Naaah, gue kan jadi kagak ada temen, di rumah.
Mangkanye, gue juga jadi ikut kegiatan kakek-kakek nyang hobi naek gunung, deh.
Yaa, sekalian olahraga, gitu. Oh iye, tadi tuh gue bawa apel. Sekalian nengokin
lu sakit. Nah, kalo tuh amplop, bukan buat nyogok, sebab, nyang nyogok atawa
nyang disogok, sama-sama di nerake “
“ Jadi, buat ape lu ngasih gue
amplop?”
“Yaa, buat partisipasi. Namanye, kan , kite temen
sekampung dari kecil. Ngedenger lu sakit, gue pikir mau dibawa ke rumah sakit.
Ja di, ape salahnye gue ngebantu buat biaya berobat, meski cuman sedikit.
Cuman, soal la maran jangan lu lupa, nih.
Artinye, ni ari, terlanjur gue udeh
ngo mong sama anak lu, anggap aje kagak resmi Tapi, kalo lu anggap resmi, gue
tinggal nunggu jawaban. “
“ Oke. Cuman, si Nurdin mau banget,
nggak, kawin sama anak gue? Kalo mau, kan
ntar tinggal gue nanya, sama anak gue. Nyang gue ngeri, kan anak gue nerima, anak lu kagak nerima. Kan , jadinye kagak enak.
“
Bersambung…..
0 Response to "CERBER 20"
Posting Komentar