SEMBILAN BELAS
“ Engkong ngeliat, kan , ada siape di sa ne
?” Teges Mumun.
“Jelas ngeliat, Mun,” kate Kong Li hun , sambil terus mandang ke kaca,
terus nge jelasin.
“Gue liat lelaki tua, ubanan,
giginye ke banyakan udeh pada copot. Pipinye mulain pe yot. Jidatnye keriput.
Namanye, pasti Lihun bin Makbul. Waktu muda ganteng. Pernah kawin sama tiga
perempuan, tapi cuman punya anak lelaki semate wayang “
“Di
belakangnye ade siape, kong ?”
“Ada elu, Mumun. Perawan dua puluh taon.
Rambut panjang, mata belo, alis tebel, idung kagak pesek kagak mancung, bibir
seksi di pipi kiri belah bawah ada tai lalat. Lelaki nor mal, pasti bilang lu
cakep. Tapi, kagak ada nyang bilang lu pantes kawin ama gue.”
Kong Lihun lantas balikin badan.
Ngem baliin kaca ukuran 10 R, ke Mumun.
“ Maaf, yee, kong. Terus, ape kate
du nie, kalo Mumun mau jadi bini lelaki tue kayak engkong? Kagak bisa, kong?
Ape kata tetang ge, kalo si Mumun nikah sama engkong? Mu mun pasti disangka
cuman mau kebo, motor, ru mah , sama banda engkong nyang laen. Mumun malu,
kong. Bukan sama orang laen, tapi sama diri Mumun sendiri.
Mumun kasian, kong. Bukan sama
engkong, tapi sama diri Mumun sendiri. To long, kong, tolong engkong pahamin.
Juga tolong jaga nama bae engkong “
“Tapi, tekad gue cuman satu Mun,
kepengen ngelamar lu? Kalo lu kagak terima, baru gue langsung ngelamar ke babe,
lu “
“ Kooooong,” Mumun kayaknye udeh
kagak bisa nahan lagi keselnye. Die langsung ngejerit.
“Tolong engkong pegi cepet dari
sini. Minggat sekarang juga. Bawa nih, semua nyang engkong bawa ,” Mumun
ngambil lagi tuh apel nyang masih di keranjang. Ngembaliin lagi amplop nyang
tadi sempet udeh die terime dari engkong Lihun.
“Lu jangan tereak begitu, Mun. Kedenge
ran tetangge, ntar gue disangka macem-macem. Padahal, kan , gue cuman mau negesin, mau ka gak lu
gue lamar ?”
“Koong, tolong, kong. Cepet pegi.
Jangan sampe Mumun kagak tahan emosi, akhirnye nekad ngemplang kepala engkong
sama kaca. Tolong, kong. Tolooong “
Mumun nyang keselnye kagak ketulu ng an,
sesenggukan. Die jadi nganggep kong Li hun nyang sebenernye die hormatin,
kelewatan. Kagak punya perasaan.
“Lu kok jadi mewek, gitu, sih? Lu
bila ng perawan modern, tegar. Punya prinsip. Gue langsung lamar, malah mewek.
Mestinye, bilang blak-blakan. Mau ape kagak.
Jangan ma lah gue lu suruh ngaca.
Gue tuh emang mau nekad ngelamar
elu. Cuman, bukan gue nyang mau jadi laki lu. Tapi, anak gue, si Nurdin. Nyang
mau gue kawi nin sama lu, tuh, si Nurdin. Gue, cuman ngelamar. Cuman kepengen
jadi mertua lu do ang. Kalo kepengen jadi laki, lu, sama aje gue mangkin mabok.
Kagak inget lagi sama liang lahat. Ngerti, ape kagak, lu ?”
Mumun nyang tadinye mau terus me
wek sampe engkong Lihun minggat dari rumah nye, kepaksa sungsang sumbel
ngendaliin diri supaya bisa nyetop tangisannye. Saat tersedak kayak gitu,
Babanye nyang sejak tadi berobat ke puskesmas, dateng. Baba nyang waktu ke
puskesmas dianter enyak, pulangnye juga masing dianter bininye.
Bersambung…….
0 Response to "CERBER 19"
Posting Komentar