TUJUH BELAS
“ Kagak usah repot-repot, kong. Baba
masih punya duit, kok “
“Gue kagak pernah ngerasa direpotin.
Kalo lu kagak mau nerima, gue taro ni di meja,” kong Lihun ngemaklumin sikap si
anak perawan. Ia lantas nyimpen tuh amplop putih di meja tamu
“Idiiih, engkong segitunye, deh. Mumun
jadi kagak enak, “ Mumun terpaksa terima amplop putih dari tangan kong Lihun.
“Lu kagak perlu ngerasa kagak enak.
Nyang penting, lu sehat. Baba elu cepet sem buh.”
“Terima kasih, kong, bantuan
partisipasi nye , juga doa engkong nyang tulus “
“Sama-sama. Oh iye, kayaknye kok gue
kagak pernah liat lu jalan beduaan sama deme nan lu ? “
“Idiiih, engkong. Emangnye, kalo Mumun
jalan beduaan ama demenan Mumun, kudu lapor ke engkong dulu”
“Oooh, jadi diem-diem lu udeh punya
demenan?” Kong Lihun keliatan nahan kecewa.
“Dulu, sih, punya, kong. Cuman, udeh
Mumun putusin Abiis, belon resmi
mintanye udeh macem-macem ?”
“Minta macem-macem? Maksudnye, die
minta rumah, mobil, motor ame kios? Lhaa, mestinye die dong nyang ngasih. Entu
sih na manye lelaki pengeretan”
“Idiiih, engkong. Kalo die minta nyang
kayak gitu, sih, kalo ada Mumun kagak kebe ratan. Kecuali kagak ada. Die tuh
minta punya Mumun nyang paling berharga. Enak, aje. Emangnye Mumun apaan?
Lagian, kalo die langsung tanggung jawab. Kalo diudak, tetep minggat? Kan , Mumun nyang rugi
dunie ache rat? “
“Ooh, gue ngerti. Maksudnye, belon nga
dep penghulu, die udeh kegatelan? Terus,
elu kagak ngasih ? Kenape, tuh?. Cara die minta bi kin lu kagak, syur, ape lu
maunye dipaksa?”
“Kagak dua-duanye, kong. Mun cuman
berprinsip, kuberikan segalanya kalo sudah sah
Kalo belon sah, dibawain truk
gandengan nyang paling gede sejagad juga, Mumun kagak mau. Bukan sok suci.
Tapi, nyang namanye kesucian, kate baba, wajib dijaga “
“Lhaa,
elu, kan anak
perempuan zaman modern, Mun? Biasanye, anak-anak modern tuh, demennye sengaja
ngalamin kecelakaan, baru minta dipanggilin penghulu “
“Wayooo,
engkong. Emangnye baba kerja di bagian lalu lintas? Gini-gini, Mumun tuh punya
prinsip, kong. Punya harga diri. Tau mane bener mane kagak, juga paham mane
nyang boleh dilakuin sama mane nyang kagak boleh dilakonin “
“Berarti, kagak salah kalo gue
punya niat, ngelamar lu “
“Ape ngkong bilang ?”
Mumun
kagak maen-maen, die kaget be neran. Kalo semula die ngerasa seneng nyambut
tamunya, sekarang berubah jadi bener-bener empet
“Astagfirullah hal adziem…masa’
sih lu, nyang masih muda, kagak denger ape nyang gue bilang ?”
“ Mumun tuh justeru jelas denger,Kong.Kenape Mumun tanya balik?
Lantaran engkong udeh Mumun anggep keterlaluan? Bukan mau ngehina engkong, yee,
gini-gini, masih banyak Kong jejaka ting-ting nyang mau sama Mumun. Apelagi
kali Mumun mau masang iklan di koran atawa televisi. Banyak nyang rela bere
butan, kong! Malah, kalo Mumun gelar sayembara, bintang film juga bakal banyak yang ngedaftar” Kata Mumun, yang masih menahan kesel
Bersambung…….
0 Response to "CERBER 17"
Posting Komentar