CERBER 16

oleh : Oesman Ratmadja

ENAM BELAS

      Kong Lihun salut. Die kagak nyangka, kalo Mumun udeh sampe ke tingkat ngedalemin soal agama, meski belon sampai ke tingkat nyang paling tinggi. Bikin kong Lihun jadi kepincut buat ngambil Mumun jadi mantu.

      Kalo kong Lihun lantas pusing, bukan lanta ran susah ngelamar Mumun. Tapi, lantaran  Nurdin nyang kemarin janji mau pulang, di waktunye, malah kagak ada kabar. Tapi, akhirnye, Kong Lihun ambil keputusan. Die ne kad mau ngelamar Mumun buat anaknye. Soal diterima atawa ditolak, die serahin sepenuhnye sama Tuhan Semesta Alam.   

  

(3)

                                  

           AKHIRNYE kong Lihun dateng juga ke rumah Mumun. Sengaje bawa sekeranjang apel. Mumun emang kaget lantaran dateng ke rumahnye, pas bokap sama nyokapnye kagak ada di rumah. Tapi, lantas girang. Mumun jadi lupa sama nyang namanye sebel, lantaran alesan kong Lihun dateng, begitu kuat, rasional ples masuk akal. Nengokin babenye nyang keserang muntaber.

           Kagak heran kalo akhirnye, Kong Lihun disambut ramah. Apel sekeranjang juga diteri ma. Die kagak banyak tanye. Bener-bener di anggap rezeki dari Tuhan, nyang malah kagak bae, kalo ditolak.

         Mangkanye, waktu kong Lihun ajak Mu mun ngobrol, die kagak curiga same sekali. Ter lebih, babenye nyang lagi sakit, baru aje dibawa ke Puskesmas, bukan Pusing, Keseleo dan Masuk Angin, lho. Tapi, Pusat Kesetanan Masyarakat, eh, nyang bener, Pusat Kesehatan Masyarakat.

         Jadi, nyang jadi tuan rumah, bukan lagi baba atawa enyaknye. Tapi Mumun. Tuan ru mah nyang bae, mesti nyambut dan ngehor matin tamunye. Mesti nampilin sikap nyang bi kin tamunye betah. Nyang akhirnye bae tamu maupun tuan rumah, sama-sama dapet berkah

         “ Mumun sediain engkong aer dulu, yee? Oh iye, engkong mau Mumun bikinin kopi ape teh manis, “ Mumun langsung ngeliatin sambu tannye nyang ikhlas, buru-buru  nawarin minu man.

         “  Ngapain lu repot, sih? Lagian, gue baru aje ngopi “ Kong Lihun kagak mau basa basi.

         Die nampik tawaran Mumun, lantaran emang udeh ngopi. Terlebih, tujuannye emang bukan mau ngopi. Tapi, mau ketemu babenye. Kong Lihun, mau ngelamar Mumun. Berhu bung bang Somad kagak ada di rumah, kagak salah kalo kepingin cepet-cepet ngobrol ama perawan kece.

         Mumun ngebatalin niat bikin suguhan bu at tamu. Begitu die duduk, engkong Lihun ngo mong sambil ngeluarin amplop.

         “ Nanti bilang sama baba, lu. Gue kagak bisa ngebantu lebih banyak. Cuman bisa bawa in apel  improt sama sekedar ngebantu buat ongkos berobat “

         Mumun kagak langsung terima amplop pemberian kong Lihun. Bukan curiga. Juga bu kan kagak butuh. Tapi, kagak mau ngerepotin orang laen. Masa’ babanye nyang sakit, engkong Lihun nyang mesti  ngeluarin duit bu at berobat babanye.

Bersambung……

Tweet