CERBER 18

DELAPAN BELAS

              Ngeliat Mumun makin sewot, engkong Lihun nyang barusan sempet nyangka Mumun bolot, bebalik kaget. Tapi, engkong Lihun mak lum. Namanye juga anak perawan. Jadi, logis aje kalo kagak suka ngedenger mau dilamar, lantaran yang ngomong usianya sudah uzur. Kong Lihun yakin, Mumun nyangka yang mau ngelamar dirinya. 

          Lantaran Mumun belon paham maksud dan tujuan engkong Lihun yang bilang mau melamar, wajar dan emang berhak, dong, kalo die  langsung sewot

              “Emangnye salah, kalo gue bilang mau ngelamar perawan tulen ?

             “Engkong boleh aje bilang kagak salah. Sebab, engkong punya maksud, punya tujuan. Pasti ngebenerin maksud sama tujuan engkong. Cuman, Mumun kagak bakalan bilang bener. Soalnye, kagak mau dijadiin target maksud sama tujuan engkong “

             “Lhoo, gue bisa ngejamin elu bahagie, kok. Rumah, gue udeh ada. Tanah, masih ba nyak. Kebo punya lima. Angkot ada dua. Motor, buat lu belanja ke pasar atawa jalan-jalan ke mall, ada dua unit. Ape kagak cukup?” ujar engkong Lihun, yang malah jadi kebelet buat ngegodain sembari kepingin tau, kayak apa watak perawan yang bikin kebelet kong Lihun buat ngejodohin Mumun sama anak perjakanya

             “Kong, denger yee..tapi sebelonnye Mu mun minta maaf. Cuman, Mumun minta deng an hormat, jangan nuding kagak ngehargain ata wa kagak ngehormatin engkong “

             “Gue siap denger, kok. Juga udeh maa fin elu, dan kagak bakalan bilang lu kagak nge hormatin atawa kagak ngehargain gue. Jadi, kalo lu mau ngomong, ngomong aje. Ungkapin aje sesuka hati lu “

              Mumun menghela nafas. Panjang dan melepasnya. Ia berusaha untuk tetap tenang meski sewotnya belon ilang.

              “ Kong…umur Mumun, tuh, baru dua puluh taon. Pastinye, Mumun, emang bakalan berumah tangge. Bakalan punya laki. Dan, Mumun, yakin, nyang namanye jodoh, pasti Tuhan nyang nentuin. Cuman, sampe gunung Krakatau meledug ribuan kali dan cuman bermaksud ngerubuhin rumah baba Mumun, lantaran dia ngamuk, marah sama Mumun. Kagak bakalan Mumun mau kawin kalo kagak sama nyang sebaya. Atawa nyang usianye paling tue di atas lima atawa sepuluh taon dari Mumun. Engkong ngerti, kan, ape nyang Mumun maksud ?”

          Kong Lihun nanggepin pake senyum. Mumun, empet. Sebab, meski berusaha ngelepas senyum simpatik, engkong Lihun nyang sebagian giginye udeh pade ngeberodol, kagak ada cakep-cakepnye, kagak ada ganteng-gantengnye

           “Kalo gue mau tetep ngelamar elu, Mun, emangnye salahnye gue di mane ? “

           Kalo kagak inget sama dosa, kepengen banget, rasenye, Mumun ngejorogin kakek kakek yang dikiranye jadi genit, nyang dianggepnya kagak tau diri. Mumun nyang takut kagak bisa ngendaliin kesel, kagak cepet ngejawab. Tanpa permisi die, ngeloyor. Masuk kamar. Kagak lama, Mumun udeh balik. Bawa kaca.

         “Engkong tau ape nyang Mumun bawa?”

         “Mun…sebelon lu lahir, gue udeh tau dari taon jabot. Nyang di tangan lu, tuh, namanye kaca.”

          “Oooooh, engkong udeh tau ?”

          “Subhanallah, Mun. Lu belon tau, dulu gue pernah jadi tukang cukur keliling. Tiap hari pasti megang, bawa. Di waktu senggang gue sering ngaca.Mandangin muke gue nyang waktu entu, masih asyik punya?”

            “Kalo engkong udeh tau, coba di depan Mumun engkong ngaca,” pinta Mumun sambil ngasihin kaca ke engkong Lihun.

             Kong Lihun, kagak mikir seribu kali. Langsung ambil kaca kecil dari tangan Mumun

             “ Lu mau minta gue ngaca, kan? Gue kagak keberatan,” kata engkong Lihun.

             Doski langsung ngangkat kaca pake ke dua tangannye. Waktu posisinye pas sejajar sa ma mukenye, kong Lihun kagak ngegerakin lagi tangannye.

Bersambung……..

Tweet