CERBER 11

Oleh: Oesman Ratmadja

SEBELAS

                Tapi, di film kagak digambarin, gimane tuh si Kuntilanak kalau lagi pipis. Menurut anaknye, nyang jadi astrada, timbang tuh adegan vulgar akhirnye digergaji sama Lem baga Nyosor Film, akhirnye adegan nyang muncul di scene 1003,  sengaja dilupain. Sama sekali kagak di syuting        

            Soal gimane penyutradaraan, angle ka mera ples bahase film, kong Lihun sama sekali kagak paham. Soalnye, tau soal flash back, juga dari anaknye. Itu juga waktu die nanya, kenape kok si miss Pocong nyang ude gede, tau-tau jadi kecil lagi. Padahal, die udeh hamil di luar nikah. Demi cintanye nyang kelewat berat sama Genderuwo, die rela nyerahin segale nyang die punya.

         Tetangga sama temen-temennye nyang diajak nonton gratis sama Nurdin, tentu aje nga sih ucapan selemat ke engkong Lihun. Sebab, Nurdin, anaknye, udeh berhasil jadi sarjane sekaligus sukses jadi astrada. Paling kagak, nan tinye, nama kampung Sukamanyun, pasti disebut-sebut, semisal Nurdin nyang kepincut cinte lokasi keendus same infotainment, pasti nongol  di tivi.

         Cuman, harepan entu kagak kesampean. Nurdin, tetep Nurdin. Nyang kalo dideketin cewek, langsung bekeringet dingin. Bukan langsung melok malah langsung ngedeprok. Mohon ampun sama Tuhan lantaran kalo disenggol cewek nyang bukan muhrim, kuatir sama dose

          Ujung-ujungnye, kong Lihun bebalik se dih, tiap kali  tetangge pada nanya, kapan si Nurdin berumah tangge. Padahal, Nurdin udeh hebat. Temennye aje, si Dul Peyang, Sani Geboi, Mat Bopak, Hamadan Bakekok, sama Hamid Elngusruk, nyang kerjanye cuman ngojek, udeh pada sukses ngegaet perempuan.

          Masa’, Nurdin nyang udeh sarjane cuman sukses di sarjane, sukses sebagai tim kreatif, kagak laku same cewek  ?

           Mulain dari situ, engkong Lihun ngegen jot semangatnye lagi. Tiap ada kesempetan, pas ti nanya, kapan anaknye mau kawin?

          “Tenang aje, be. Nanti juga tuh nyang namanye jodoh, dateng. “

          “Dari lu lulus sma gue udeh tenang. Ma sa, sekarang lu udeh jadi sarjanae, udeh kerja, gue tetep lu suruh tetep tenang? Gue juga, kan manusie, Din. Mau punya mantu. Mau nge gendong cucu. Mau ada temen, kalo lu lagi di nes ke luar kota buat syuting.

      Juga ada nyang tiap pagi bikinin kopi atawa teh. Ada nyang masakin. Gue bosen tau, kalo setiap ari makan di warung, ngopi atawa nge teh, terus di warung. “

      “Naah, kalo emang babe ngerasa gitu, babe aje nyang kawin. “

       “Sembleb juga, lu, ye. Umur gue nih udeh lebih enem puluh tujuh, tau. Lagian, gue komit same enyaklu. Gue udeh janji. Kalo enyak lu pulang kampung duluan, kagak bakalan gue berumah tangge lagi. Sebab, punya kewajiban ngurus lu. Ngegedein, lu “

       “Yaa, janji kan bisa tinggal janji, be. Lagi an, kan, enyak udeh nggak ada. Kalo babe ka win lagi, nggak bakalan bisa protes atawa nyatronin, be. Kalo sampe babe disatronin enyak,  bilang aje lantaran kepengen ada nyang ngurus “

       “Emang dasar terompet tambun, lu. Ngo mong asal tat tet tot. Komitmen tuh kagak bisa dikhianatin, tau. Soalnye, enyaklu juga janji, kalo gue nyang duluan pulang kampung, die kagak bakalan kawin lagi. Jadi, ikatan gue sa ma enyaklu, bener-bener lahir batin, tau ?”

       Ngeliat sewot bokapnye mualin meningkat, Nurdin jadi kagak berani atawa kagak mau lagi ngeles. Terlebih, bokapnye udeh ngebawa bawa nyokapnye nyang udeh almarhumah.

Bersambung……. 

Tweet