CERBER 12

Oleh: Oesman Ratmadja

DUA BELAS

       “Jangan ngotot gitu, kenape, be? Sekarang gini aje. Sekelar Nurdin pulang dari Bali, kite berunding soal perkawinan Nurdin. Oke?”

            “Ngapain lagi lu ke Bali?”

            “Mau garap film terbaru, be. Ya, masih tetep astrada, sih. Cuman,honornye lumayan ge de. Tapi, kayaknye ni, film bakalan keren, be. Targetnye, bakal kite ikutin ke festival film dunie. Jadi, babe bantu doa Nurdin, yee? Mudah mudahan, film nyang judulnye Ketika Musim Cipoa Tiba, juga bakal ngelahirin man tu buat babe. Please, deh, be “

            Tentu aje, kong Lihun percaye. Mangka nye, die terus bedoe. Tapi, lantaran begitu, kong Lihun belon berani pelarak-pelirik, siape cewek di kampung Sukamanyun nyang bakal die bidik jadi caman alias calon mantu.

            Bukan kagak ade. Tapi, kong Lihun ta kut, anaknye kagak setuju. Makanye, die mau mastiin dulu, siap ape kagak, anaknye berumah tangge. Kalo siap, udeh ada calon nyang udeh dibidik langsung ape belon. Kalo belon, mau kagak babe nyang cariin. Nah, kalo Nurdin jawab mau, oke, baru kong Lihun berani nyari in. Berani  investigasi, Gagal di kampung sendi ri, nyari ke kampung laen.

            Kong Lihun yakin, kalo dipercaye buat nyari bini anaknye, die bisa ngeliat mane perem puan nyang pantes dijadiin bini, mane perempu an nyang pantesnye cuman buat dijadiin pajang an doang. Kong Lihun juga ngerti, mane wanite berwajah dan berprilaku matre seumur-umur, mane nyang matrenye cuman sekelebatan.

            Bedanye, tentu aje jelas. Matre sekele batan, berani nuntut tapi bukan buat pribadi. Tapi, buat kebutuhan orang serumah. Misalnye, cicilan rumah nyang kudu dibayar atau cicilan mobil nyang wajib dilunasin. Perempuan kayak gini, berani nuntut, lantaran kalau kagak kebayar, nyang nantinye malu bukan die. Tapi, lakinye juga.

       Mangkanye, gak cuman berani nuntut supa ya lakinye kerja keras supaya kewajiban bisa dilaksanain. Tapi, juga die siap berkorban ngatasin, semisal di waktu bayar, lakinye belon ju ga dapet duit. Die rela tuh, ngejual gelang atawa kalungnye. Ikhlas, ngambil duit tabungan nye, buat ngelunasin utang-utang nyang kalo ka gak kebayar, bisa bikin drop nama bae laki nye

       Perempuan  kayak gini, nyang matrenye cuman sekelebatan doang, juga ikhlas, sehari-hari cuman ngepos di rumah. Die kagak bosan ata wa jenuh, semisal waktunye abis buat ngepel, nyuci pakean, bersih-bersih rumah, ngerawat taneman, sama masak tiga kali sehari.

       Bisa kayak gitu, lantaran nganggap tempat tinggalnye – masih ngontrak atawa punya sendi ri, sebagai Rumahku Istanaku. Bukan rumahku resahku. Mangkanye, kalo Nurdin, bininye da pet nyang kayak gitu, pasti betah di rumah.

        Kalo lagi kagak syuting, maunye pasti beduaan di Rumahku Istanaku. Bercengkrama, makan ngopi bareng. Diskusiin masalah rumah tangga. Pendeknye, pasti hepi. Pasti terus har monis. Kayak nyang udeh dibuktiin engkong Lihun, nyang sekarang emang udeh sendirian. Sebab, enyaknye Nurdin udeh pulang kampung duluan. Ninggalin engkong Lihun sendirian, nyang sampe sekarang kagak mau nikah

      Mangkanye, kong Lihun ngarepin banget, anaknye, kagak nikah sama cewek matre seu mur-umur. Pastinye, kalo dapet bini nyang tipe kayak gitu, dijamin bakal babak belur kagak bakalan bisa bahagie, lantaran, nyang namanye kebahagiaan dan keharmonisan,  cuman jadi im pian nyang dianggap ngelantur

       Kenape kong Lihun bisa bilang kayak gitu? Cewek matre seumur umur, nggak pernah ngeh , kalo die udeh jadi bini. Kagak ngeh kalo die udeh punya laki. Tapi, kalo soal minta duit, ngehnye, jalan terus. Kapan aje, nyang dituntut cuman minta, minta duit ples minta doku

Bersambung………

Tweet