CERBER (10)

Oleh: Oesman Ratmadja

SEPULUH

              Sekarang, kan,  zaman semangkin gile. Mangkin banyak manusie nyang demen ngela kuin perbuatan setan. Jadi, boleh dong, kalo  pe nulis skenarionye, nampilin setan nyang bukan kagak mungkin, juge kepengen ngerasain  nyang kayak dialamin manusie.

        Mangkenye, temanye horor, kisahnye ngusruk ke soal percintaan para mahluk alus, kate Nurdin. Ape nyang dibilang Nurdin, kong Lihun inget banget, tuh.  

        Tapi, kualitas filmnye kayak ape, ngkong Lihun kagak tau. Die cuman tau  ceritanye, nyang ngisahin  soal sesosok mahluk kuntil anak, nyang jatuh cinte seberat-beratnye sama sesosok mahluk satu trah tapi laen kasta, Gende ruwo.

            Kuntil anak akhirnye dilande rase  frus trasi, lantaran cowoknye, Genderuwo, preman malem-malem status kliwon nyang biasa mang kal di Taman Lawang, kecantol berat sama miss Pocong

             Soalnye, miss Pocong nyang ngaku put ri dari istana hantu blangsak, nyang babenye dinobatin jadi  Memedi paling kaya sejagad Setania, nguber nguber terus Genderuwo sem bil ngancem kalo kagak terima cinta miss Pocong nyang suci abadi, bakalan dilaporin ke Koalisi Pocong Kentut.

             Lantaran takut kebauan, terus takut kalo die nyanyi ke Forum Setan Teraniaye malah dijadiin tersangke kayak Susno Duadji, Genderuwo kepakse nerima cinta miss Pocong nyang super heboh. Die  juga kepakse mesti ninggalin Kuntilanak seenak dewek. Lantaran frustrasi, Kuntilanak nekad ikutin kate hati. Die minggat ke utan. Sesampe di utan  Kalimantan, ketemu boss illegal loging. Langsung jatoh cintrong sama boss illegal loging. Tapi, lagi lagi die kuciwa, lantaran pacarnye nyang lagi asyik nyolongin kayu gelondongan, kesenggol apes. Lagi asoi-asoinye ngitungin kayu nyang udeh ditebangin, die ketiban kayu glondongan nyang diameternye seratus centimeter

              Akibat ngalamin frustrasi terus mene rus, Kuntilanak lantas ngelamar kerja di bank Kenduri. Tapi, baru dua bulan jadi Kepala Bagian Nyolongin Dana Nasabah, langsung di phk. Bukan lantaran sebagai Kabag Nyolongin Dana Nasabah, die jadi kuntilanak nyang jujur. Alesan utamanye, lantaran bank Kenduri dinilai udeh ngos-ngosan.

               Kalo kagak ditutup, bakalan berdam pak system diemek-emek.  Bank Central Seta nia, terpaksa ngebuldozer bang Kendury. Mang kenye, Kuntilanak sadar. Die pikir, mungkin nasibnye apes terus lantaran kagak nurut sama nyokap bokap.  Die lantas balik ke nyokap bokapnye, nyetujuin kemauan orangtue, nyang mau ngawinin die sama Jin Plintat Plintut.

                Genderuwo nyesel nyintain miss Po cong abis-abisan. Soalnye, miss pocong nyang demen kentut sembarangan, kagak bisa masak, kagak bisa bikin kopi, kagak bisa ngelap iler suami nyang terus mengalir waktu pules tidur. Tapi, percuma Genderuwo nyesel. Sebab, Kun tilanak udeh  punye laki. Waktu die mau ambil keputusan nalak sembilan bininye, malah dapet info dari internot, Kuntilanak nyang baru aje ngegelar pesta  gede-gedean, ngabisin semua dana APBMH (Anggaran Pembangunan dan Belanja Mahluk Halus) udeh ngacir ke Segitiga Bermuda, buat nikmatin bulan madu terindah.

                 Disane, die bedua hepi lantaran tiap ari makan gado-gado, ketoprak,  kredok , kerak telor, secare gratis. Katanye sih, sampe lupa pipis, juga kagak ape. Nyang penting, kalo kepedesan, kagak boleh nangis.

Bersambung………..

Tweet