CERBER ( 9 )

Oleh: Oesman Ratmadja

SEMBILAN

           Kong Lihun kagak nyangka, kalo Nur din, anak semata wayang, nyang ditinggal mati nyokapnye waktu mau lulus dari Sekolah Da sar, bisa jadi sarjane.

             Cuman, kong Lihun kagak daftarin prestasi anaknye ke Muri. Die kagak tau, kalo  prestasi anaknye bisa didaftarin, terus bakal da pet penghargaan dari Musium Rekor Indonesia nyang bakal ngasih penghargaan, lantaran Nurdin kecatet jadi anak lelaki pertame dari kampung Sukamanyun nyang berhasil jadi sarjane.

              Tapi, kong Lihun tau, ape nyang die mesti lakonin. Die langsung ngunjungin tetang genye nyang miskin. Die beli sembako. Die ma sukin tuh sembako ke dus. Die ajak Nurdin manggulin dus sembako ke tetanggenye nyang masing pade miskin.Die bagiin tuh sembako, sembari pesen, supaye nyekolahin anak se ting gi tingginye.

              Waktu ada nyang nanye kenape kong Lihun kagak ngegelar selametan, die cuman ngejawab,  anaknye justeru udeh selamet dari pengaruh lingkungan nyang ngebahayaain anak muda. Buktinye, Nurdin berhasil jadi sarjane Die kagak keseret ke dalem pergaulan bebas, free sex, mabok-mabokan, tawuran, dan juge bebas dari pengaruh obat terlarang.

        “Masa’ anak gue udeh selamet, nyang gue gelar acare selametan, sih? Gue tuh mesti besukur ke Allah Subhanallah Ta’ala. Terus, waktu mau wafat, Rasulullah, kan mesen supa ye pengikutnye perhatiin orang miskin. Nah, kan, lebih bae gue tauladanin amanah Rasul Jadi, menurut gue, ngebantu orang miskin tuh, lebih konkrit “

        Tuh tetangge, cuman bisa bengong. Kagak nyangka, kalo dirinye kagak bisa ngejawab. Padahal, die mau ngasih ide, supaye kalo diteri me, diundang ke acare sedekahan. Pulangnye, pasti dapet berket.  

        Besoknye, kong Lihun beli seragam seko lah, buku tuku tulis, pensil ples peralatan seko lah laennye. Die bagiin ke anak anak yatim. Die kagak lupa nyampein pesen , supaye pade rajin belajar. Terus, die doain, semoge anak-anak yatim nyang mau jadi orang pinter, pade dapet bea siswe. Nantinye, pade bise jadi sar jane

  

(2)

             BARU seminggu nganggur, Udin udeh langsung dapet kerja. Kong Lihun, nyang udeh mau maksa ngejodohin supaya Nurdin nyang nunde-nunde berumah tangge, ngewujudin janji pribadinye,  emang sempet kesel. Sebab, anak nye nyang alumni Institut Kesenian Betokaw, malah milih langsung kerja di dunie film.

             Tapi, doski tetep bangge. Sebab, anak nye pake berangkat ke luar kota. Statusnye, ju ga asyik punye,   Astrada alias Asisten Sutrada re. Kate Nurdin, film perdananye bisa dijadiin tonggak buat ngencengin perjalanan kariernye. Mangkanye, kong Lihun inget betul, film perda na anak semate wayangnye, bejudul  Kuntil anak Frustrasi .

             Temanye, Nurdin bilang, emang horor Cuman, fokus ceritanye, bukan buat nakut naku tin penonton. Sebab, menurut imajinasi penga rangnye, di zaman nyang mangkin gile, bukan kagak mungkin, setan nyang emang setan, juge punye obsesi buat nongolin perasaannye nyang mirip manusie. .

Bersambung…….

                                                                                

Tweet