CERBER (7)

TUJUH

           Percuma nyeselin juga.

           Tapi, kalo ilmu, be. Malah bisa dipake buat nyari harte sebanyak-banyaknye. Nyang penting, jangan korupsi. Jangan ambil hak dan kepunyaan orang laen. Nah, babe liat, kan, para perantau nyang dateng ke tempat kelahiran kita

Pada bawa ilmu sama pada punya semangat kerja, be.

           Akhirnye, eeeh, awal dateng ke daerah kita cuman bawa buntelan baju yang isinye cu man tiga stel, sekarang udeh pada punya rumah gedong, be. Punya mobil. Malah, pada gam pang banget tuh ngebeliin tanah sodare sodare kite. Soalnye, kalo pada ngawinin atawa nyu natin, nyang dipentingin pestanye. Bukan sah sama manfaatnye.

           Pesta, deh gede gedean. Nanggap dang dutlah, layar tancaeplah. Cokeklah. Besoknye, ngeluh rugi. Besoknye, tanah abis utang pada numpuk.Tau deh, pada mau nyelip ke mane, so dare-sodare kite, nyang akhirnye kagak pada punya tanah, kagak punya ijazah, kagak punya cite-cite.Eeh,udeh gitu, juga pada males, kerja “

           Nah, siape nyang kagak salut, kalo anak semate wayang, nyang udeh ditinggalin enyak sejak kelas enem sekolah dasar, punya prinsip juge wawasan ke depan?

           Mangkanye, kong Lihun kagak ngambek Kagak cembetut. Die rela ngabisin duit buat ngebiayain anaknye kuliah. Dia malah jadi ba ngga, lantaran Nurdin, nyang cita-citanye kuli ah di publisistik, malah diterima di fakultas Film dan Televisi, Institut Kesenian Betokaw.

            Waah, kalo jadi sutradara gede atawa jadi penulis terkenal di kelak kemudian ari, ape kagak hebat?

            Akhirnye, Nurdin, emang mulai kelia tan hebat. Mentang-mentang mahasiswe, nyang dilakuin Nurdin bukan ngajak temen-temennye nongkrong di mall atawa ngetrek. Apelagi tawuran. Nyang begitu, kate Nurdin, amit  amit cabang mafia hukum. Masa’ label mahasiwe pu nye hobi nangkring ame tawuran?

            Nurdin juga kagak mau kalo diajak nge lebok di  resto mahal begaye erope atawa Ame rike. Nyang begiti, kate die,  mesti dijauhin. Soalnye, di Betokaw, malah banyak makanan Indonesie nyang asyik punya. Makanan khas Betokaw juga banyak. Jadi, ngapain lidah Indonesie di budayain makanan luar negeri? 

             “Gue bukan sok nasionalis. Tapi, kayak nye, kagak salah deh kalo gue lebih cinte same produk dalem negeri,” begitu, jawaban Nurdin, kalo die ditanye kenape kalo tiap diajak makan sepulang kuliah, kagak mau ke resto asing.

             Prinsipnye, bener-bener nurunin bokap nye. Lihun, seumur idup cuman mau sekali doang nyobain makanan luar. Mulai dari Mc Dongkal sampe Kentutin Fred Chick, die udeh coba. Selebihnye, langsung balik ke makanan nenek moyangnye. Gado-gado, soto betokaw, kerak telor, asinan, apem, dongkal.

              Malah, sampe sekarang, meski kagak pernah ikutan demo anti Amerika, kong Lihun kagak mau nyentuh produknye. Soalnye, gima ne juga, lebih hepi pake, sandal, sepatu, baju, ples produk laen nyang asli Indonesia. Kalo mi num, pasti milih bandrek, bajigur atawa teh manis

              “Babe kan, orang Indonesia. Ngapain makan, minum, ples make barang produk luar. Kalo bangse kite kagak bisa bikin, no problem. Kalo masih bisa bikin, yaa, ogud cinte banget Indonesia, “ begitu die bilang, waktu Nurdin, nanye soal prinsip bokapnye, nyang lantas diikutin.

Bersambung…..

Tweet