CERBER (6)

ENAM

     Mangkin mantep kalo pake nanggap dang dut, layar tancep atawa cokek. Kalo kurang mo dal, kan, ada tanah sepetak. Di jual juga gak ape-ape. Nyang penting hebat. Bisa pesta gede-gedean, juga bisa nanggap dangdut, layar tancep, lenong atawa cokek

        Kalo pasca perkawinan anak, ekonomi keleleran, berubah jadi  miskin, no problem. Tanah ludes, masa bodo. Utang numpuk, biarin aje. Penganten kagak kerja, yaa, terserah nasib. Nyang penting tiap malem penganten udeh bisa pada maen bola sodok.  Nyang penting, kan  ud eh berhasil ngegelar pesta. Nanggap dangdut nyang bayarannye puluhan juta.

        Nurdin, kok,malah mau terus ngelanjutin sekolah? Duh, ape kagak haru? Kagak bangga?

        “ Emang, lu mau kuliah di mane?”

        “Yaa, rencana sih, ke publisistik, be. Seka rang, kan zaman informasi. Jadi, kalo udeh lu lus, bisa kerja di koran, majalah, radio atawa di televisi”

        “Emang, lu, mau jadi wartawan? “

        “Soal nanti bidang kerjanye ape, belon duluan Nurdin pikirin, be. Nyang penting, ku liah dulu. Nanti,  tergantung gimane perkemba ngannye. Semisal lebih sreg jadi wartawan, ape salahnye. Kalo pun malah lebih minat ke photo grafi, juga gak ape-ape. Nyang penting, kuliah sampe kelar, sampe punya ijazah sarjana

        Kalau Nurdin nggak punya cite-cite, gima ne bisa besaing sama pendatang nyang jauh-ja uh dateng dari pelosok Indonesia, be? Babe liat, kan, gimane nasib sepupu Nurdin atawa temen-teman nyang duluan gede tapi kagak pada mau sekolah sampe tinggi ?”

         “Asyik juga tuh pemikiran lu. Gue nggak sangka, kalo  pikiranlu  bisa nerawang jauh, befikir sampe  ke depan.  Terus terang,  ye, Din, tadinye, rencana babe, begitu  lu lulus sma, lu mesti kawin. Yaa, yang penting jangan kebo nyang lu mauin. Tapi, cewek dari kampung mane, kek, nyang kira-kira  lu deme nin. Syukur kalo lu udeh punya demenan “

         “Be…Udin tuh sama sekali kagak mikirin nyang kayak begituan. Soalnye, Udin belon mau keiket sama perempuan. Nyang nyantol di otak cuman satu, ngelanjutin sekolah. Udin mau kuliah. Nanti, seudeh punya ijazah sarjana, punya kerjaan bagus, penghasilan bagus, baru Udin mikir soal kawin.

          Soalnye, Udin udeh siap. Udeh bisa me nuhin tanggung jawab. Bisa beli rumah, nyukupin biaya rumah tangga. Kalo sekarang? Nyukupinnye pake ape, be. Paling nengadahin tangan, minta ke babe. Nggak punya beras minta ke orangtue. Bini ngelahirin ngerongrong orangtua. Waaaa, buat ape Udin berumah tang ga tapi semue kebutuhan babe nyang nyukupin

Kagak, deh be.

         Udin emang anak tunggal babe. Tapi nyang Udin pikirin bukan malahan mau enak-enakan, manjain diri, ngabisin harta babe.Udin tuh, be, mau manfaatin duit babe buat nyari ilmu. Kecuali babe kagak mampu, yaa, Udin  pasti tau diri, be. Tapi, lantaran Udin  tau babe mampu, planning utame Udin, nyari ilmu. Babe, tau, kan, ilmu tuh pelita hati. Bisa diba wa sampe mati. Kagak ada abis-abisnye?

           Jadi, lebih bermanfaat babe warisin ilmu ke anak, timbang ninggalin harte bende buat anak. Kenape? Lantaran orang nyang punye ilmu, die punya peluang ngeraih ape aje. Kedudukan, harte, tahte.  Kalo  ngewarisin har te, kagak banyak manfaatnye, be.

           Pastinye, paling abis, digrogotin. Punye harta tanpa punye ilmu, biar kate diwarisin sampe  segunung, tiap hari kalo terus dipaculin, apelagi di bolduzer, ujung-ujungnye, pasti abis, be. Udeh abis, mau bilang ape? Bengong, ka yak kebo kagak kebagian rumput?

Bersambung……..

Tweet