 |
LIMA
BEGITU
Nurdin lulus Sekolah Menengah Atas,
die langsung nuntut ke babenye, supaye ngongkritin kaul, ziarah ke makam Wali
Songo
Tentu aja bokapnye sama sekali
kagak kebera tan. Sebab, emang pernah janji. Pernah bilang mau ngajak ziarah.
Cuman, Nurdin kagak tau, kaulnye bukan lantaran besyukut Nurdin lulus ujian.
Tapi, kalo Nurdin siap kawin. Mau buru-buru berumah tangge. Bokapnye udeh ke
pengen banget punya mantu. Terus, nantinye, pasti punya cucu.
Mangkanye, engkong Lihun
langsung to the point. Die ungkapin the big planning-nye Kong Lihun
nyuruh Nurdin, anak semata wa yangnye, buru-buru kawin. Berumah tangge. Kalo
Nurdin bilang oke, siap kawin, besok ting gal ke stasiun Gambir. Bekereta api
ke Sura baye. Sampe disane, nyari tempat nginep. Terus, nyewa mobil.
Tapi, Nurdin malah nolak. Engkong Lihun
bukan kagak kaget. Tapi die sama sekali
kagak sewot – apelagi marah. Soalnye, Nurdin punya alesan kuat, kepengen
ngelanjutin sekolah. Die kepengen banget masuk ke perguruan tinggi. Ja di
mahasiswa. Ngeraih gelar sarjana.
Engkong Lihun nyang sebenernye udeh kebelet kepeng en punya mantu, punya
cucu, jadi kagak kepe ngen maksa anaknye
supaya nikah.
Cuman, kong Lihun juga minta, supaye
anaknye maklum, kalo kaulnye dibatalin. Se bab, tuh kaul bukan besyukur buat
kelulusan. Tapi, buat kesediaan Nurdin siap, besedia dika winin. Nurdin kagak
maksain kemauan. Cuman die juga minta pengertian, supaye babenye juga maklum,
kenape kagak bisa menuhin kamauan babenye.
“Sekarang, kalo kate Udin, lebih
penting kuliah dulu, be. Udeh lulus, udeh kerje, udeh bisa mandiri, baru Nurdin
mikirin soal kawin,” Nurdin ngejelasin
Engkong Lihun bebalik jadi terharu,
coi. Bangga. Die kagak nyangka, kalo Nurdin, anak nye, kepingin kuliah. Masuk
ke perguruan ting gi, jadi mahasiswa, ngeraih gelar sarjana. Die kepengen juga
pinter, kayak para perantau nyang pada
urban dari kampungnye nyang jauh, ke Jakarta .
Pada hal, kebanyakan temen sebayanye –
atawa nyang udeh pada lulus duluan, umum nye,
malah pada girang kalo disuruh kawin. Terlebih, kalo dipestain
gede-gedean, ditangga pin orkes melayu,
nyang biduannye pada jago goyang. Paling nggak, ditanggapin layar tan
cep. Nyang filmnye, baru punya. Syukur di te ngah malem, disetelin film nyang khusus buat tujuh belas tahun ke
atas. Film nyang ngobrolin soal ranjang, nyang kagak dianggap aneh, meski tuh
ranjang bisa goyang. Penonton pasti pada senang. Pada girang. Besoknye, pengan
ten, pasti dibilang hebat.
Ape kagak bangga?
Ape kagak asyik ?
Kuliah?
Hmm buat ape? Malah cuman ngeribetin.
Cuman buang buang duit, cuman buang buang waktu. Duit udeh banyak ke luar,
waktu udeh banyak kebuang, eeh, mesti jadi orang nyang kutu buku. Kalo kagak
kutu buku? Jaminannye pasti drop out di tengah jalan.
Ape kagak ngerepotin?
Nyari duit tuh, capeknye setengah
koit, coi. Kerja kerasnye aje, mesti pake banting tulang. Malah, sampe keringet
ngucur dari pan tat, juga dibela-belain. Masak sih, abisnye malah cuman
dibuang. Dipake buat bayar kulian nyang akhirnye Droup Out di tengah ja lan ?
Jadi, emang lebih mantep diabisin buat
bi aya ngawinin anak, kan ?
Bersambung………
0 Response to "CERBER (5)"
Posting Komentar