CERBER 15

Oleh : Oesman Ratmadja

LIMA BELAS

       Nurdin, ngebales sms babenye. Bunyinye, terserah babe. Nyang penting, masih orisinil, bener-bener pantes dijadiin bini. Bukan perempuan nyang cuman pantes buat pajangan doang, be.

       Kong Lihun jadi semakin optimis.

       Jadi makin rajin nyelidik tentang Mumun bin Somad. Bener ape kagak ye,  Mumun binti Somad, cikal bakal perempuan sholehah? Kalo kagak bener, cari nyang laen. Kalo tanda-tanda nye kuat, wajib dinominasiin. Berarti, Mumun masuk dalem daftar perempuan nyang emang pantes buat dijadiin bini?

       Makin banyak informasi nyang masuk

       Engkong Lihun jadi makin sibuk

       Rela abisin waktu untuk nyelidik dan neli sik Mumun. Bener ape kagak, sih,  Mumun ca lon mantu impian, nyang bisa ngebahagiain a naknye,Nurdin?Juga bisa ngebahagiain kong Li hun, nyang kangen banget kepingin punya cucu Kangen di temenin, lantaran tiap  Nurdin dines ke luar kota, kong Lihun pasti kesepian.

      Di rumah, cuman sendirian.

      Kagak ade nyang masakin.

      Kagak ade nyang bikinin teh atawa kopi

      Kagak ade nyang ngajak, nemenin ngobrol.

      Kagak ada….

      Nggak heran kalo kong Lihun terus nyeli dik. Terus  ngumpulin informasi sebanyak ba nyaknye. Jadinye, seru. Ada nyang bilang, Mu mun sok disiplin, lantaran kalo dateng ke ru mahnye, sandal atawa sepatu kagak boleh naro sembarangan. Mesti bejajar rapi, Kalo disediain teh atawa kopi, mesti diabisin. Die maunye dia bisin, lantaran kagak suke perbuatan mubazir

        Soal masakan, ada nyang bilang Mumun jago masak, tapi juga ada nyang kasih informa siin, soal masak kagak jago. Tapi, emang die rajin. Lama-lama, rasa makanannye baru bisa dibilang enak. Die jadi bise lantaran biase.

        Soal pengetahuan agamanye? Kayaknye, lumayan, tuh. Buktinye, die sering ikutan ngaji. Begitu tau ngerumpi dilarang, die laksanain tuh ajaran. Begitu tau buang-buang waktu kagak boleh, die gunain waktunye buat nyang banyak ngandung manfaat. Begitu die tau nyang nama nye hamba Allah wajib bersyukur, die berusaha kagak ngeluh.

        Pokoknye, kata tetangge sebelah rumah nye, die ikutan ngaji ke mesjid bukan lantaran malu atawa nggak enak sama tetangga. Tapi, kepingin tahu banyak hal. Begitu tau, die laksa nain. Mangkanye, begitu  die diminta ngajarin  ngaji anak-anak, selaen die kagak persoalin ma salah listerik, Mumun juga kagak pernah teh gula, sama minyak tanah.

        Padahal, tiap abis ngaji, Mumun pasti nye diain teh manis buat anak-anak. Tapi, Mumun  kagak pernah minta atawa mungut bayaran. Die kerjain tugas dengan ikhlas

       Ngajar ngaji termasuk dakwah. Dakwah en tu, kata die, mesti ikhlas. Kalo udeh ngucap ikh las, yaa, kagak boleh minta upah. Sebab, upah nyang paling bae cuman dari sisi Allah. Lantas, Mumun ngutip ayat-ayat nyang ada di Surah As Syuaraa. Ayat nyang ngebilangin supaya umat nyang berdakwah kagak minta upah eni, die hafal bener.

     Cuman, ayat-ayat di surat As-Syuaraa nyang isinye ngelarang para Rasul minta upah waktu ngelakuin dakwah, di forum-forum pengajian, jarang banget dikutip. Jarang disampein. Kagak pernah  dijadiin referensi. Ceramah atawa  khotbah khusus di ari Jum’at, sering nye cuman ngebahas  sorga sama neraka doang. Kagak ada pendaleman kenape manusia bisa kecebur ke neraka dan gampang ngelangkah ke surga.

Kalo aje dikupas secare dalem tapi disampein dengan bahase nyang sederhane, gampang dipahamin dan nimbulin kesadaran di hati umat, boleh jadi kesadaran di jiwa untuk idup bareng, akur, saling asah, saling asih ples saling asuh, nggak bakalan deh nyang namanye tawuran antara warge satu kampung sama kampung laen bergejolak.

      Nyang namanye korupsi, juga nggak bakalan jadi budaye. Sebab, pejabat juga jadi pada takut alias kagak berani ngembat duit negare nyang asalnye jelas, dari rakyat 

Bersambung……

Tweet