oleh : Oesman Ratmadja
Tadinye, Mat Gibek nyang kagak sengaja silaturahim ke rumah mpoknye, kagak mau peduli ama kondisi Mimin nyang ada ade dateng malah keliatan kagak sumringah. Mat Gibek cuwek lantaran kagak mau ikut campur urusan mponye. Tapi, setelah beberape lama merhatiin kondisi sang mpok, akhirnye Mat Gibek nyoba nanyain kenape di bulan Ramadhan sang mpok keliatan kagak sumringah.
" Soal puase, Insya Allah, kalo gak ada halangan gue kuat," kate sang mpok nyang same Mat Gibek ditanye soal puase.
Mat Gibek nyang yakin udeh bisa ngajak komunikasi, akhirnye beraniin diri nanyain kenape mpoknye keliatan suntuk.
"Tapi maaf nih mpok... aye bukan kepengen tahu doang. Sama sekali kagak kepengen tau banget. Jadi, kalo aye nyang kepengen tau doang bisa dapet penjelasan, kayaknye aye siap dengerin, deh," ujar Mat Gibek, nyang sama sekali kagak nuntut disajiin minuman lantaran ngeh banget, kalo seisi rumah termasuk dirinye lagi laksanain ibadah puase.
Alhamdulillah.... Akhirnye Mimin mau ngejelasin kenape die suntuk.
Kate Mimin, die bingung lantaran lebaran udeh makin deket. Biasanye, lakinye udeh kasih sangu. Tapi kali eni, di saat harga kebutuhan pokok pada sombong - karena harganye pada naik, lakinye sama sekali belon kasih doku.
"Gue tanye soal THR aje, die malah bingung. Nggak taunye, perusahaannya lagi krisis. Menurut kabar malah banyak yang mau di PHK," ungkap Mimin nyang kayaknye gak mau lagi nyembunyiin galaunye.
Ngedenger penjelasan mpoknye, Mat Gibek malah senyam senyum.
" Tadi, lu mau tau kenape gue kagak sumringah. Seudeh gue jelasin, lu kok malah senyam senyum, sih? " Tanya Mimin
"Mpokku sayang..." Kate Mat Gibek setelah menarik nafas panjang
" Maaf yee mpok... kite tuh boleh bingung ngadepin lebaran kalo di bulan Ramadhan kite kagak puase. Kagek ibadah dan kagak ngelakuin berbagai kebaikan nyang diperintahkan. Kalo kite malah ikhlas ngelaksanain, gak ada alesan buat bingung, pok"
" Mat.. nyang lu bilang kagak salah. Cuma, si Omen mane mau ngerti kalo die kagak dibeliin baju baru. Die juga pasti nanya macem macem kalo gue nggak bikin kue buat disajiin pas di hari lebaran. Jadi, wajar dong kalo gue bingung. Sebab, di sisi laen, lebaran belon dateng harge harge udeh pada terbang ke langit. Nah, gimane gue bisa nguber nguber daging ame kebutuhan nyang laen, kalo masih hari gini udeh pada nangkring di langit. "
Mat Gibek bukan kagak maklum dengan kondisi nyang dibilang mpoknye. Cuman, sebagai adik nyang kepengen banget keluarganya menikmati lebaran dengan kesucian hati dan bukan dengan kemewahan nyang lebih banyak mubazir , Mat Gibek berusahe ngeyakinin mpoknye supaye kagak kebawa arus, dimana budaya pesta pora di hari raya lebih menonjol dibandingkan dengan budaya meningkatkan kualitas iman dan taqwa.
Makanye, Mat Gibek lantas minta supaya mpoknye sabar, tawakkal, bersyukur di samping berusahe sekuat tenage buat ngapresiasi lebaran sebagai pesta kemenangan dan sama sekali bukan pesta kemewahan. Juga bukan pesta jor joran ngebakar petasan dan nyalain kembang api
Sebagai adik nyang tahu persis persoalan nyang dihadepin Mumun, tanpa merasa berat Mat Gibek bilang ke Mimin supaye kagak mikirin soal kebutuhan anaknye di saat lebaran. Sebab, buat pakaian keponakannye, Mat Gibek siap beliin. Gitu juga buat sajian di hari raya, Mat Gibek siap mensuplai. Cuma, kate die, tetap dalam porsi sederhana. Nyang penting ada dan di hari raya tetep bisa menikmati hidangan, meski jauh dari mewah
Ngedenger jawaban adiknye, Mimin menghela nafas lega. Die juga bersyukur lantaran adiknye nggak cuma ngasih saran tentang kebaikan. Tapi juga ngasih solusi konkrit yang bikin dirinye tenang.
Mimin yakin, di hari Lebaran die kagak bakalan pusing. Terlebih, die masih punya sedikit doku di celengan. rencananye, tuh celengan mau dibobok dan di hari raya die bisa bersedekah Setelah adiknya cabut, Mimin yang tadi pamerin muke bingung, sekarang penuh senyum.
Tadinye, Mat Gibek nyang kagak sengaja silaturahim ke rumah mpoknye, kagak mau peduli ama kondisi Mimin nyang ada ade dateng malah keliatan kagak sumringah. Mat Gibek cuwek lantaran kagak mau ikut campur urusan mponye. Tapi, setelah beberape lama merhatiin kondisi sang mpok, akhirnye Mat Gibek nyoba nanyain kenape di bulan Ramadhan sang mpok keliatan kagak sumringah.
" Soal puase, Insya Allah, kalo gak ada halangan gue kuat," kate sang mpok nyang same Mat Gibek ditanye soal puase.
Mat Gibek nyang yakin udeh bisa ngajak komunikasi, akhirnye beraniin diri nanyain kenape mpoknye keliatan suntuk.
"Tapi maaf nih mpok... aye bukan kepengen tahu doang. Sama sekali kagak kepengen tau banget. Jadi, kalo aye nyang kepengen tau doang bisa dapet penjelasan, kayaknye aye siap dengerin, deh," ujar Mat Gibek, nyang sama sekali kagak nuntut disajiin minuman lantaran ngeh banget, kalo seisi rumah termasuk dirinye lagi laksanain ibadah puase.
Alhamdulillah.... Akhirnye Mimin mau ngejelasin kenape die suntuk.
Kate Mimin, die bingung lantaran lebaran udeh makin deket. Biasanye, lakinye udeh kasih sangu. Tapi kali eni, di saat harga kebutuhan pokok pada sombong - karena harganye pada naik, lakinye sama sekali belon kasih doku.
"Gue tanye soal THR aje, die malah bingung. Nggak taunye, perusahaannya lagi krisis. Menurut kabar malah banyak yang mau di PHK," ungkap Mimin nyang kayaknye gak mau lagi nyembunyiin galaunye.
Ngedenger penjelasan mpoknye, Mat Gibek malah senyam senyum.
" Tadi, lu mau tau kenape gue kagak sumringah. Seudeh gue jelasin, lu kok malah senyam senyum, sih? " Tanya Mimin
"Mpokku sayang..." Kate Mat Gibek setelah menarik nafas panjang
" Maaf yee mpok... kite tuh boleh bingung ngadepin lebaran kalo di bulan Ramadhan kite kagak puase. Kagek ibadah dan kagak ngelakuin berbagai kebaikan nyang diperintahkan. Kalo kite malah ikhlas ngelaksanain, gak ada alesan buat bingung, pok"
" Mat.. nyang lu bilang kagak salah. Cuma, si Omen mane mau ngerti kalo die kagak dibeliin baju baru. Die juga pasti nanya macem macem kalo gue nggak bikin kue buat disajiin pas di hari lebaran. Jadi, wajar dong kalo gue bingung. Sebab, di sisi laen, lebaran belon dateng harge harge udeh pada terbang ke langit. Nah, gimane gue bisa nguber nguber daging ame kebutuhan nyang laen, kalo masih hari gini udeh pada nangkring di langit. "
Mat Gibek bukan kagak maklum dengan kondisi nyang dibilang mpoknye. Cuman, sebagai adik nyang kepengen banget keluarganya menikmati lebaran dengan kesucian hati dan bukan dengan kemewahan nyang lebih banyak mubazir , Mat Gibek berusahe ngeyakinin mpoknye supaye kagak kebawa arus, dimana budaya pesta pora di hari raya lebih menonjol dibandingkan dengan budaya meningkatkan kualitas iman dan taqwa.
Makanye, Mat Gibek lantas minta supaya mpoknye sabar, tawakkal, bersyukur di samping berusahe sekuat tenage buat ngapresiasi lebaran sebagai pesta kemenangan dan sama sekali bukan pesta kemewahan. Juga bukan pesta jor joran ngebakar petasan dan nyalain kembang api
Sebagai adik nyang tahu persis persoalan nyang dihadepin Mumun, tanpa merasa berat Mat Gibek bilang ke Mimin supaye kagak mikirin soal kebutuhan anaknye di saat lebaran. Sebab, buat pakaian keponakannye, Mat Gibek siap beliin. Gitu juga buat sajian di hari raya, Mat Gibek siap mensuplai. Cuma, kate die, tetap dalam porsi sederhana. Nyang penting ada dan di hari raya tetep bisa menikmati hidangan, meski jauh dari mewah
Ngedenger jawaban adiknye, Mimin menghela nafas lega. Die juga bersyukur lantaran adiknye nggak cuma ngasih saran tentang kebaikan. Tapi juga ngasih solusi konkrit yang bikin dirinye tenang.
Mimin yakin, di hari Lebaran die kagak bakalan pusing. Terlebih, die masih punya sedikit doku di celengan. rencananye, tuh celengan mau dibobok dan di hari raya die bisa bersedekah Setelah adiknya cabut, Mimin yang tadi pamerin muke bingung, sekarang penuh senyum.
0 Response to "BINGUNG NGADEPIN LEBARAN"
Posting Komentar