Cerber 1

satu

Engkong LIHUN udeh punye the big planning, rencane gede. Rencane nyang dia yakinin, bakalan gampang diaplikasiin. Kalo rencanenye gol, die udeh punye rencane laen, pegi ziarah ke makam sembilan wali. Tapi, die ka gak mau mulain buka rute dari nyang paling deket, Cirebon. Kong Lihun justeru mau mulain perjalanan ziarahnye, dari rute nyang jaraknye paling jauh, Gresik.

        Nah, dari nyang paling jauh, baru ke ma kam wali-wali sembilan laennye, nyang  ada di Surabaya, Demak, Kudus dan kota laennye. Ka lo sempet, sekalian ziarah ke makamnye Gus Dur. Nantinye,  kan nyampe juga ke makam Su nan Gunung Jati, nyang lokasinye lebih deket ke Jakarte.

        Kalo udeh sampe Cirebon, kan, pulangnye jadi bise nyantai. Nyang kebayang jadi bukan cape’nye. Tapi, suasane nyang pasti asyik pu nye. Suasane nyang terus seger. Bisa ziarah tapi santai. Sambil santai tapi bisa ziarah.

         Kalo rutenye die mulain dari Cirebon du luan, menurut peritungan kong Lihun, kera sanye jadi lebih jauh. Nyang lantas kebayang, pasti bakalan makan waktu lebih lama. Kagak nyantai. Capek. Sebab, nyang duluan kebayang bukan nyantainye. Tapi jauhnye.

        Emang, tetep bisa ziarah ke makam sembi lan wali. Tapi, kalo kagak nyantai,  kagak efisi en, bisa bikin gerah. Ngabisin biayenye juga le bih gede. Timbang ngabisin biaye gede tapi kagak keruan, kan, lebih bae duitnye disumba ngin atawa disedekahin ke orang miskin.  

       Orang miskin nyang dimaksud ame eng kong Lihun, tentu aje bukan pengemis. Orang miskin tuh, siape aje nyang udeh kerja secapek-capeknye,  banting tulang, sampe keringet ngu cur dari pantat, tapi, hasilnye kagak nyukupin, Tetep aje mapasoga (makan pagi sore kaga).  Pengemis tuh, kagak boleh dimasukkin di ke lompok orang miskin.

        Kalo kate engkong Lihun, pengemis tuh pantesnye dikelompokin ke orang-orang males.

Orang-orang males tuh, orang nyang kagak per nah mau besyukur kepada Allah Subhanallah Taala. Soalnye, udeh dikasih sepasang kaki, dua tangan, mate ama kuping normal, idung sehat, bibir bagus, pipi bagus, rambut subur, eeeeh, kerjanye cuman nengadahin tangan.

       Orang nyang kagak bisa ngeliat aje, pada mau kerja keras. Liat tuh, tuna netra. Pade mau tuh, jadi tukang pijet. Meski kagak bisa ngeliat indahnye dunie, malah punya prinsip lebih bae kerje keras timbang ngemis. Kecacatannye, ka gak dijadiin alesan buat males-malesan, lan taran, kebanyakan tuna netra nerima cobaan nyang datengnye bukan dari mane-mane, tapi dari Tuhan. Mangkenye, tetep  pada besyukur sama Allah Subhanallah Taala,  Sang Pencipta Alam Sesemsta.

        Padahal, mijitin orang pegel tuh, bukan cu man capek lantaran mesti ngeluarin tenaga. Ta pi juga berisiko. Sebab, sering juga ketularan penyakit pasennye, nyang ngakunye cuman pe gel-pegel, tapi di balik pegelnye, tuh pasen sebenernye ngidap penyakit encok. Tapi, kagak pada ngeluh. Nyang penting, pasennye jadi ba lik seger buger.

        “ Tapi, ape salahnye sih, be, kalo Penge mis juga kite kasih sedekah ? “

        Nurdin, nyang kagak dikasih tau the big planning babenye, tapi diajak ngobrol soal ren cane kaul babenye nyang kepingin ziarah ke makam wali sembilan, langsung nanggepin pan dangan babenye. Die protes lantaran kagak setu ju kalo pengemis kagak perlu dikasih sedekah Kalo kate Nurdin, mau sedekah ya, sedekah aje

Ngapain kudu milih-milih die orang miskin ape pengemis.

Bersambung…..

Tweet