DUA
“Walaaah gimane juga, sih, lu ! Pengemis
tuh, kagak pantes kite perhatiin. Emang, ngeliat tampilannye kite jadi ngerasa
kagak tega. Ter lebih, ngeliat roman mukanye nyang bisa bang et, nampilin
ekpresi melasnye minta ampun padahal tujuannye supaye dikasihanin. Bikin kite
jadi perang batin.
Kalo kagak ngasih rasanye jadi kagak tega. Kagak manusiawi, terus kite sendiri
jadi dibayang-bayangin perasaan bedose. Sebab, punye duit lebih tapi
ngebiarinin aje waktu ngeliat orang nelangsa, melas sambil ngerintih di depan
kite.
Terlebih, kalo ngeliat pengemis perempuan
nyang udeh pakeannye lusuh, eeh, sambil nete in orok, tangan kirinye dipake
nuntun bocah nyang udeh pakeannye kumel, di lobang idung nye ingus nyang
mestinye dielap, malah dibiarinin ke luar masuk. Bener-bener kagak tega. Kalo
kagak ngasih, gimaneeee gitu.
Padahal, lantaran kite kejebak rase iba, tuh
pengemis semangkin manfaatin rase iba kite. Akhirnye, ngemis dijadiin profesi.
Dijadiin ladang cari nafkah. Die jadi males. Maunye leha- leha. Abis, cuman
nengadahin tangan doang banyak nyang ngasih.
Kalo tiap orang ngasih seceng, die
ngider dapet serebu orang? Seceng dikali serebu, ape kagak cetiaw? Nah, gedean
penghasilan die, dari Gayus. Mangkenye, Gayus korupsi. Boleh jadi
penghasilannye kagak mau kalah sama penghasilan pengemis.
Engkong Lihun kepaksa
ngejelasin ke anak semata wayangnye, Nurdin, kenape die kagak mau ngebantu
atawa sedekah ke pengemis. Cuman, engkong Lihun nyang ngejelasin soal ka
ulnye, kagak ngejelasin kenape die bisa punya kaul. Padahal, bekait erat sama
Nurdin, nyang rencanenye bakalan diajak.
Selaen buat nemenin, juga supaya anaknye
tau, makam Wali Songo dan siape Wali Sembi lan nyang dari dulu sampe sekarang,
masih aje ngetop di kalangan umat Islam.
“Tapi, ape salahnye be kalo kite ngasih.
Pan, niatnye kite mau sedekah “
“ Niat emang bae. Tapi, kalo kagak
diaplika siin, sama aje boong. Aplikasi emang paling penting. Soalnye, bukti
dari niat mau sedekah atawa beamal, cuman di palaksanaan. Cumaa aan ,” Kong
Lihun buru-buru ngejelasin.
Die kagak mau nunda, lantaran takut lupa.
Lantas, kong Lihun ngelanjutin.
“Gimane juga kudu tepat sasaran. Emang,
di mata Allah, tiap hambanye nyang sedekah pake ketulusan, dibalesnye pasti
sama keridho an. Tapi, kite nih, pan, terus disuruh befikir. Ja di, kite nyang
mesti mikir. Tepat ape kagak ka lo pengemis kite kasih sedekah.
Kalo kate gue, jelas kagak tepat sasaran.
So alnye, Allah ngelarang kite ngemis. Majelis Ula me Indonesie, juga udeh
ngeluarin fatwa haram mengemis. Selaen entu, kite juga kagak boleh ngedukung
sesame nyang bisenye cuman ngeba ngun budaye males.
Jadi, lebih bae kita ngasih sedekah ke
orang miskin dalem arti sebenernye. Die udeh kerja keras, tapi idupnye tetep
kekurangan. Misalnye, yaa, tukang becak, tuna netra nyang meski ca cat tapi mau
kerja keras jadi tukang pijet, atawa siapa aje nyang tiap ari udeh kerja keras
sampe keringetnye keluar dari pantat, tapi idupnye tetep blangsak. Nah, orang
semacem entu nyang pantes kite kasih sedekah
Kalo nyang idupnye kekurangan atawa bla
ngsak lantaran males, maunye cuman ongkang-ongkang kaki doang, padahal badannye sehat, tenaganye gede kayak kuda,
kalo makan sepi ring mentung pake nambah, buat ape kite ban tu? Iye, kan ?”
http://bit.ly/28WyL2a
0 Response to "Cerber 2"
Posting Komentar