GARA GARA ANAK ULANG TAON

oleh :Oesman Ratmadja
 

KOMENG tau, anaknye mo ulang taon. Cuman die kagak gablek doku. Jadi, gak tau gimane caranye ngejelasin ke si Toing, anaknye nyang minta ulang taonnye dirayain lantaran cuma sering diundang tapi kagak pernah diulang taonin. Brengseknye, Toing ngancem, kalo kagak dipenuhin, dia mau minggat buat nyari orangtua baru nyang bonafide.

Nah... ape kagak pusing. 

Lantaran udeh pusing sampe tujuh kelurahan tujuh kecamatan tapi baru setengah kabupaten, akhirnye Komeng ngediskusiin masalah nyang bikin ruwet pikiran ke bokinnye.  

" Puziing amat bang, kan, motor kite bisa dijual " Kate bininye.
" Iye juga, ye. Tapi..... kalo nggak punya motor, gue ngojek pake ape?"
"Abang...abang... yaaa, ojek gendong aje? Selaen jenis baru di bidang ojek, ongkosnya kan bisa lebih mahal?"
"Iyee, juga yee? Gak usah mikirin beli bensin atawa ke bengkel. Tapi, kalo gue keabisan tenaga lantas mati mendadak lantaran kecapean, kan lu lantas jadi janda, Min?"
"Eeh, abang jangan ngeduluiin keputusan TUHAN. Lagian, kalo abang mati kecapean, Mimin kan bisa angkat abang jadi pahlawan ?"
"Maksud lo...  gue bisa kayak Soeharto nyang diusulin jadi pahlawan?"
"Yaa iyalah, bang. Selain entu, Mimin, kan, bisa cepet-cepet kawin lagi.
Kali aje dapet laki baru nyang dokunye bekarung-karung, dan nggak galak kayak abang"

KOMENG cuma bisa garuk garuk kelapa, eh, kepala. (ode)

Tweet