KIKUK bukan kagak bingung. Malah, amat amit amut bingung. Pasalnya, Kikuk sudah terlanjur menguasai sikap sabar. Kalo dalam waktu seminggu kebiasaan sabarnya mesti dirubah dan diganti dengan hal sebaliknya, masalahnya bukan apakah bisa atau tidak bisa dilaksanakan. Tapi, apa mungkin Kikuk jadi ikut serakah seperti abangnya, yang memang sejak kecil sudah bercikal bakal sebagai sosok yang serakah?
Dua hari jelang batas waktu dead line, KIKUK diingetin sama bokinnya kalau waktu bersabar hampir habis dan kalo pas waktunye KIKUK tidak menepati janji, bokinnya bilang, die bakal ngebuktiin malah mampu nepatin janji
" Inget, ye bang... Inget... Semisal abang nggak menuhin permintaan bini, biar aye nyang nepatin janji. Jadi, abang jangan coba coba ngebujuk aye balik ke rumah kontrakan nyang kagak ada tande tande nyaman ini, setelah aye balik ke rumah nyokap bokap," tegas sang bokin.
" Jangan juga sampe begitu, dong, say... " kate Kikuk dengan tetap sabar. Cuma Kikuk kagak bisa ngebohongin diri sendiri, kalo die makin kuatir. Sebab, kalo benar bokinnye ngungsi ke rumah nyokap bokapnya, bukan aje kalo malam dia bakal kedinginan. Tapi, mau nggak mau kudu sering mampir ke warteg atau rumah makan nyang laen.
" Abang boleh berharep jangan sampe begitu. Tapi, aye kepinginnye justeru mau begitu. Mau ngebuktiin, kalo aye serius minta sama abang supaye teges dalam bersikap, dan melawan saat dizholimin sama keluarga"
" Say...pan dari kecil abang emang udeh kayak gitu. Tapi, bukan berarti merasa didzolimin. Malah, abang merasa lebih hepi lantaran abang jadi kagak tau ape nikmatnye hidup serakah, ape enaknye berbuat curang. Jadi, tolong jangan pake limit waktu"
Sang bokin, bukannye merasa kebujuk malah langsung emosi. Cuman, kagak pamerin emosinye dengan numpahin amarah. Bokinnye Kikuk cuma buru buru masuk ke kamar, tak lama sudah kembali dengan tas yang kayaknya berisi pakean. Kayaknye sih, emang udeh disiapin, tapi tekad ngebuktiin kayaknye malah kepengen dipercepat. Buktinye, pas ketemu lagi sama Kikuk, langsung bilang kayak gini.
" Bang...aye bukan kagak sabar. Cuman, kalo naga naganye sikap abang kagak berubah, timbang dua hari lagi aye baru minggat ke rumah nyak babe, lebih baik sekarang aje aye ninggalin abang. Permisi bang... selamat tinggal"
Kikuk yang kaget setengah koit, langsung tercengang. Soalnye, setelah bilang kayak gitu, bokinnye langsung cau. Meski beberapa kali Kikuk memanggil nama bokinnye, tetap aje dia hengkang. Minggat.
Kikuk kagak bisa lagi berbuat lebih, selain beristighfar. Bukan kagak sedih. Malah, sebenernye Kikuk kepingin nangis. Kalo perlu ngejoak joak, biar kedengeran sama tetangga. Cuman, kekuatan sabarnya menguatkan Kikuk. Makanye Kikuk kagak jadi nangis, kagak ngeluarin air mata juga nggak didatengin tetangga lantaran mereka nggak ngedenger Kikuk ngejoal joak.
Pas sebulan lebih tinggal di rumah nyokap bokapnye, Mirna yang semula ngerasa kuat, bisa tegar dan yakin kalo Kikuk bakal menuhin permintaannye. mulai ngerasain ngga enak tinggal serumah sama orangtue. Mirna juga rindu sama Kikuk, nyang kalo malem pasti jadi api kecil nyang selama nyala gak pernah berenti ngangetin badan sama atinye.
Kalo semula Mirna menganggap betapa begonya Kikuk kalo die kagak menuhi permintaannye, sekarang, Mirna mulai ngebegoin dirinye lantaran terlalu maksain kemauan.
" Ajegile juga tuh laki gue. Gue bilang jangan dateng, jangan ngebujuk buat pulang ke rumah kontrakan, eh, sebulan lebih gue disini malah kagak ngabarin ape ape? Kok ada yee orang nyang punya kesabaran begitu hebat," batin Mirna
Setelah puas mikir panjang kali lebar dan menghasilkan luas sekian kilometer, akhirnye Mirna ngambil keputusan nyang sama sekali kagak die sangka, justeru die nyang kepingin balik ke rumah kontrakan. buat minta maaf dan bersedia kembali hidup berdampingan sama lakinye.
" Lu udeh gile ape makin bego, sih? Kan lu sendiri nyang bilang kagak bakal balik lagi kalo si Kikuk kagak nurutin kemauan lu. Kenapa sekarang lu jadi bebalik pikir. Emangnye, mulai kapan pikiran lu jadi bebalik?" Kate sang babe, nyang tentu aje kaget waktu ngedenger omongan anaknye nyang kepingin balik ke lakinye.
"Enyak juga heran, deh," kate enyaknye nyang kagak bisa kalo cuman bengong doangan, setelah nyaho anaknye kepingin balik ke lakinye
" Ape sih nyang bikin pikiran lu bebalik dan kenape bisa balik tuh pikiran lu?
Kalo lo udeh nggak waras, bilang. Kalo bener, kan nyak sama babe bisa cepet cepet bawa elu ke Rumah Sakit Jiwe di Grogol," kate mpok Romlah
Cuman, mereka bedua kagak bisa ngomong lebih banyak lagi. Pasalnye, Mirna malah nekad ninggalin rumah. Soalnye, nyang dikepinginin cuman mau ketemu Kikuk dan balik ke rumah kontrakan, nyang meskipun suka bocor kalo ujan deres, tapi serasa indah lantaran ada dalam pelokan lakinye
"Ape abang bilang?"
Mirna spontan tercengang. Kagak nyangka, kalo lakinye nyang baru aje didatengin, setelah nyuruh masuk malah langsung bilang, sudah mendaftarkan gugat cerai ke pengadilan agama, dan setelah urusan selesai Kikuk bakal nikahin Romlah, nyang sudah nyatain siap jadi bokin Kikuk, mesti cuaca erganti dari hujan ke kemarau.
Nyang bikin Mirna makin sedih dan super kesel, lantaran Kikuk juga bilang, kedua orangtuenye nyang akhirnye tau kalo Mirna minggat lantaran Kikuk diminta ngegugat soal perhatian nyang kagak adil, langsung ngejelasin kalo sebenernye,bagian Kikuk sudah dipersiapkan.Cuman, kagak dikasih cepet cepet. Pasalnye, kedua orangtua Kikuk belum tahu persis kayak ape karakter mantu nye
Jadi, Kikuk yang lantas dikasih bagian sama nyokap bokapnye, diminta supaye kagak usah lagi mikirin bokin, nyang keliatannye kagak bisa diajak susah. Nah, kalo Kikuk nyang dari kecil selain nurut juga berjiwe sabar, kalo kagak nurut malah kagak bakalan dapet bagian.
" maaf ye say..... kalo abang nurutin kemauan orangtue." kate Kikuk, nyang sebenernye kasihan, kepingin nerima bokinnye kembali, tapi Kikuk sendiri kagak mau ngecewain kedua orangtua
0 Response to "KEJEBAK HARAPAN"
Posting Komentar