Eeee... busyet deh. Siapa nyang kagak kaget kalo pagi pagi isteri pamit ke pasar buat belanja, dan bawa keranjang belanja, pas dua jam berselang sang bini balik ke rumah, yang dibawa pulang cuma keranjang belanjaan yang tadi dibawa. Kemana tuh belanjaannya? Kayaknya nggak mungkin deh semua yang dibeli di pasar bisa ketinggalan. Biasanya, bungkusan isi bawang aja selalu terkontrol dan gak pernah lupa dibawa
" Nur... lu pan tadi pamit ke abang mau belanja, kok pulang ke rumah lu cuman bawa keranjangnya doang. Belanjaannya mana ?" Tanya Bang Somad yang waktu ngeliat bininya pulang sangat kaget, dan pas nanya ke bininya, bang Somad dilanda bingung.
Berhubung bininya nggak langsung nyahut, Bang Somad yang akhirnya mengira sang bini cuma nunda berangkat ke pasar, kepaksa bergegas menghilangkan bingungnya. Dengan santai ia bilang.
"Yaa..kalo lo belon purun belanja pagi ini, ntar sore juga kagak apa-apa"
Nurleli yang semula males berkomunikasi sama lakinya lantaran dia kesal, kepaksa nyahut
"Bang...Nur tuh udeh dari pasar, tauuu"
"Ooh yaa ?" Bang Somad kontan bereaksi, tapi keliatan banget kalo die kembali bingung
"Abang jadi gak ngerti maksud, lo. Sebab, kalo udeh ke pasar, kok balik ke rumah lo cuma bawa keranjang doang. Terus belanjaannya lo tinggal dimane?"
Nurleli yang sebenernye kesal, berusaha bersikap tenang. Setelah narik nafas Nurleli baru nyahut
"Bang... Nur tuh pas sampe di pasar, malah kesel. Sebab, mau beli daging, harganya selangit. Mau beli yang laen, harganye juga nyekek leher. Semua barang pada naek, bang. Akhirnya, Nur ambil keputusan lebih baik kagak belanja buat lebaran"
Mendengar penjelasan bininye, barulah bang Somad paham kenape sang bini berhasil berangkat ke pasar tapi menggagalkan niat belanja bahan makanan buat lebaran.
" Jadi, duit yang abang kasih ke lo kagak cukup?" Tanya bang Somad, yang tentu saja jadi iba sama Nurleli dan untuk itu ia merogoh kantong dan segera menyodorkan tiga lembar ratusan ribu. Tapi, die jadi bingung, lantaran Nurleli malah menolak.
" Lhoo kenape lo gak mau ambil. Gue rela, kok, kalo emang mesti nambahin buat belanja buat keperluan kita di hari lebaran"
"Kayaknye Nur malah nggak nafsu lagi belanja buat lebaran, bang" ujar Nurleli
"Terus," sahut bang Somad, " Lebaran nanti kita mau makan ape?"
"Bang... tanpa daging, kan, lebaran gak bakal dibatalin. Jadi, soal makan sih kite tetep makan, bang. Cuma, Nur mutusin di hari lebaran nanti kita makan kayak hari biase bang. Kan stok beras, minyak goreng, ikan asin sama telor masih ada. Nggak ape ape kan, bang, di hari raya kite makan sama menu seperti biase " kate Nurleli.
Untungnye bang Somad tipikal lelaki yang dapat memaklumi keinginan Nurleli. Kalo nggak, boleh jadi malah nuding bokinyye males masak makanan buat lebaran.
" Emangnye lo ikhlas di hari lebaran kite nggak bikin hidangan khas hari raye?" Akhirnye, bang Somad cuma kepingin tau apakah nyang dibilang bininye, sama sekali kagak canda doang.
" Bang...." kate Nurlela
"Nur malah kuatir abang bakal marah, lantaran Nur kagak mau beli daging ples yang laen lantaran harganye bikin ngeri dompet kite bang"
"Marah ?" Tukas bang Somad.
"Nggak mungkin abang marah. Abang nanya, lantaran kuatir Nur sedih atau nggak enak kalo minta tambahan duit buat belanja. Sebab, biasanye kan di hari raya, kite juga nyiapin hidangan kayak pare tetangge."
Nur mulai bisa senyum. Die kagak nyangka, kalo lakinya ngedukung Nurleli yang sudah batalkan niat masak memasak buat hari lebaran. Ngeliat bininye mulai mekarin senyum, Bang Somad jadi lega, Doski sungguh kagak nyangka kalo bininye bisa bersikap dalam menghadapi para pedagang yang selalu berulah di bulan ramadan dengan menaikan harga seenak beronye.
" Kalo semua perempuan bersikap kayak lo, kayaknye tuh para pedagang bakalan bangkrut, Nur. Sebab, dagangannye bakalan kagak laku. Lantaran kagak laku, akhirnye dagangannye pade busuk. Akhirnye, apalegi kalo bukan dibuang. Iye, kan?"
Nur kagak nyahut. Die cuma menjawab dengan senyuman indah. Padahal, tadi kelihatan kesel.
" Oh iye, boleh dong abang ngucapin selamet buat lo "
"Kok abang malah ngucapin selamet buat Nur, sih?" Nur spontan bertanya
"Kayaknye justeru perlu abang lakuin. Sebab, akhirnye bini abang nunjukin diri sebagai bini yang tau arti kemenangan nyang sesungguhnye," kate bang Somad sembari raih tangan Nur dan menariknya. Dengan sepenuh mesra bang Somad mengecup kening Nurlela.
" Semoga puasa kali ini, benar benar ngedatengin kemenangan yang paling indah buat kite," kate bang Somad, sembari naruh tiga lembaran ratusan ribu ke keranjang yang tergolek di lantai.
Nur menanggapi dengan mengucap " Amiiiin yaa Rabbal Alamin"
" Nur... lu pan tadi pamit ke abang mau belanja, kok pulang ke rumah lu cuman bawa keranjangnya doang. Belanjaannya mana ?" Tanya Bang Somad yang waktu ngeliat bininya pulang sangat kaget, dan pas nanya ke bininya, bang Somad dilanda bingung.
Berhubung bininya nggak langsung nyahut, Bang Somad yang akhirnya mengira sang bini cuma nunda berangkat ke pasar, kepaksa bergegas menghilangkan bingungnya. Dengan santai ia bilang.
"Yaa..kalo lo belon purun belanja pagi ini, ntar sore juga kagak apa-apa"
Nurleli yang semula males berkomunikasi sama lakinya lantaran dia kesal, kepaksa nyahut
"Bang...Nur tuh udeh dari pasar, tauuu"
"Ooh yaa ?" Bang Somad kontan bereaksi, tapi keliatan banget kalo die kembali bingung
"Abang jadi gak ngerti maksud, lo. Sebab, kalo udeh ke pasar, kok balik ke rumah lo cuma bawa keranjang doang. Terus belanjaannya lo tinggal dimane?"
Nurleli yang sebenernye kesal, berusaha bersikap tenang. Setelah narik nafas Nurleli baru nyahut
"Bang... Nur tuh pas sampe di pasar, malah kesel. Sebab, mau beli daging, harganya selangit. Mau beli yang laen, harganye juga nyekek leher. Semua barang pada naek, bang. Akhirnya, Nur ambil keputusan lebih baik kagak belanja buat lebaran"
Mendengar penjelasan bininye, barulah bang Somad paham kenape sang bini berhasil berangkat ke pasar tapi menggagalkan niat belanja bahan makanan buat lebaran.
" Jadi, duit yang abang kasih ke lo kagak cukup?" Tanya bang Somad, yang tentu saja jadi iba sama Nurleli dan untuk itu ia merogoh kantong dan segera menyodorkan tiga lembar ratusan ribu. Tapi, die jadi bingung, lantaran Nurleli malah menolak.
" Lhoo kenape lo gak mau ambil. Gue rela, kok, kalo emang mesti nambahin buat belanja buat keperluan kita di hari lebaran"
"Kayaknye Nur malah nggak nafsu lagi belanja buat lebaran, bang" ujar Nurleli
"Terus," sahut bang Somad, " Lebaran nanti kita mau makan ape?"
"Bang... tanpa daging, kan, lebaran gak bakal dibatalin. Jadi, soal makan sih kite tetep makan, bang. Cuma, Nur mutusin di hari lebaran nanti kita makan kayak hari biase bang. Kan stok beras, minyak goreng, ikan asin sama telor masih ada. Nggak ape ape kan, bang, di hari raya kite makan sama menu seperti biase " kate Nurleli.
Untungnye bang Somad tipikal lelaki yang dapat memaklumi keinginan Nurleli. Kalo nggak, boleh jadi malah nuding bokinyye males masak makanan buat lebaran.
" Emangnye lo ikhlas di hari lebaran kite nggak bikin hidangan khas hari raye?" Akhirnye, bang Somad cuma kepingin tau apakah nyang dibilang bininye, sama sekali kagak canda doang.
" Bang...." kate Nurlela
"Nur malah kuatir abang bakal marah, lantaran Nur kagak mau beli daging ples yang laen lantaran harganye bikin ngeri dompet kite bang"
"Marah ?" Tukas bang Somad.
"Nggak mungkin abang marah. Abang nanya, lantaran kuatir Nur sedih atau nggak enak kalo minta tambahan duit buat belanja. Sebab, biasanye kan di hari raya, kite juga nyiapin hidangan kayak pare tetangge."
Nur mulai bisa senyum. Die kagak nyangka, kalo lakinya ngedukung Nurleli yang sudah batalkan niat masak memasak buat hari lebaran. Ngeliat bininye mulai mekarin senyum, Bang Somad jadi lega, Doski sungguh kagak nyangka kalo bininye bisa bersikap dalam menghadapi para pedagang yang selalu berulah di bulan ramadan dengan menaikan harga seenak beronye.
" Kalo semua perempuan bersikap kayak lo, kayaknye tuh para pedagang bakalan bangkrut, Nur. Sebab, dagangannye bakalan kagak laku. Lantaran kagak laku, akhirnye dagangannye pade busuk. Akhirnye, apalegi kalo bukan dibuang. Iye, kan?"
Nur kagak nyahut. Die cuma menjawab dengan senyuman indah. Padahal, tadi kelihatan kesel.
" Oh iye, boleh dong abang ngucapin selamet buat lo "
"Kok abang malah ngucapin selamet buat Nur, sih?" Nur spontan bertanya
"Kayaknye justeru perlu abang lakuin. Sebab, akhirnye bini abang nunjukin diri sebagai bini yang tau arti kemenangan nyang sesungguhnye," kate bang Somad sembari raih tangan Nur dan menariknya. Dengan sepenuh mesra bang Somad mengecup kening Nurlela.
" Semoga puasa kali ini, benar benar ngedatengin kemenangan yang paling indah buat kite," kate bang Somad, sembari naruh tiga lembaran ratusan ribu ke keranjang yang tergolek di lantai.
Nur menanggapi dengan mengucap " Amiiiin yaa Rabbal Alamin"
0 Response to "TANPA DAGING TETAP LEBARAN"
Posting Komentar