LIMA PULUH SATU
Dasar Nina mantu beler, meski mertoku gak merasa salah tapi rela minta maaf, bukan disambut malah dengan senyum indah disambit sama jeritan membahana
“Babeeee ! Orang lagi stress tuh,
kagak butuh dimintain maaf ! Lagian, lebaran, kan masing jauh! Jadi, denger aje ba-bae.
Ngerti kagak?”
Kong Lihun diem, ogah ngejawab. Soal
nye, baru aje dibilangin kagak boleh motong orang stress nyang lagi ngambek.Tapi, itu juga tetep aje salah.
“Babeee, kalo kagak ditanya, emang wajib diem. Tapi, kalo ditanya, jangan malah mingkem. Emangnye babe patung polisi
tidur? Nyang kagak bisa nyemprit mesti banyak peng endare nyang udeh kagak
tertib di jalan juga berani kagak pake
helm>”
“Iyee.. iyee..babe denger, babe ngerti
“
“Babeeee!! Orang stress tuh, kagak demen
omongannye diganggu. Emangnye babe mau Nina sambit pake sepatu !” Sentakan Nina
nyang mangkin lama mangkin kenceng, bener – bener bikin kong jadi kelimpungan.
Untung kong Lihun sehat walafiat.
Kalo ngidap penyakit jantung, boleh jadi,
udeh langsung lewat. Terlebih, Nina langsung nyopot sepatu hak tingginye.Siap
nyambitin tuh benda di tangan, ke muke atawa badan kong Lihun.
“Lu jangan bikin gue bingung campur
takut, dong, Ninaaa ?”
“Mangkanye lebih bae babe Mingkem aje.
Jangan ngomong kalo kagak ditanya? Jangan komentar kalo kagak dipinte? Denger
bae-bae supaya Nina bisa jelasin. Supaya Nina leluasa nginget-nginget tampang
rampoknye! “
Nina nyang kecapean, kepaksa mesti parkir
sebentar. Narik nafas panjang, supaya kagak te rus ngos-ngosan.Kong Lihun cuman
bisa ngeli atin, Di ati, die berharep, semoga stress mantu nye kagak
bekepanjangan.
Begitu kelar narik nafas
sepanjang-panjang nye, Nina mulain ngomong lagi. Pake nunjuk nunjuk segala.
“Babe tau kagak. Tadinye, Nina mau lawan
tuh rampok. Cuman, Nina inget bang Nurdin. Kalo Nina mati di tangan rampok, kan , bang Nurdin
langsung jadi duda kembang. Kasian, kan ,
kalo die kesepian. Kasian, kan ,
masih pe nganten baru, tapi kesempetan ngasah pedang nye langsung ilang.
Mangkanye, Nina rela keilangan dompet.
Nina rela, tuh rampok mrotolin cincin, gelang, kalung, giwang nyang sengaja
Nina pake nganter ke bandara, supaya bang Nurdin di pan dang orang lantaran
bininye bisa tampil kaya’ toko mas bisa jalan.
Nina rela diturunin di jalan. Nina rela
pu lang ke rumah ngesot. Supaya kalo nanti pulang ke rumah, bang Nurdin,
bisa tetep nim ba di sumur nyang aernye
sorga. Tapi, Nina kagak rela dunia akherat dirampok abis-abisan. Sekarang
juga,Nina minta babe milih satu antara dua. Laporin nih kejadian ke polisi, atawa babe gantiin duit, dompet
sama semua perhiasan Nina nyang digondol rampok ! ”
Ngamuk sama ngebentak-bentaknye udeh
kagak ngenakin, eeh, ujung bentakannye makin kagak nyenengin. Kong Lihun jadi
mangkin bingung.
Lapor ke polisi? Gimane carenye? Kejadi
annye aje kagak tau di mane, waktunye jam berape? Lagian, kan , bukan rahasia umum. Istilahnye, tiap nyang ilang satu kambing ata wa satu kebo, seudeh ngelapor malah jadi
ilang dua kambing atawa dua kebo ?
Kong Lihun nyang bingung, jadi kesel sa
ma dirinye sendiri. Baru aje nyampe ke puncak hepi, eeeh, langsung nyampe ke
wilayah trage di. Kong Lihun ngegaruk kepala sekenceng-ken cengnye. Ngeliat
mertuanye cuman ngegarukin kepala, Nina langsung ngejatuhin pantat ke ubin.
“Babee…cepet jawab! Pilih nyang mane?
Lapor polisi atawa gantiin duit sama perhiasan Nina ! Cepet, be! Kalo kagak,
Nina guling-gulingin badan di ubin, ni !” Nina langsung ngancem mertokunye
Bersambung……….
0 Response to "CERBER (51)"
Posting Komentar